Revision. Convenio Colectivo de Sector de COMERCIO TEXTIL (27000205011982) de Lugo

Visto o acordo para a revisión das táboas salariais para o ano 2008 e a actualización das mesmas para o 2009 do convenio colectivo para o sector "COMERCIO TEXTIL", da provincia de Lugo, asinado o día 18 de xuño de 2009, pola representación da Asociación Empresarial Textil de Lugo, e das centrais sindicais UGT e CCOO, que contan co 100% da respresentividade, e de conformidade co disposto no artigo 90 apartados 2 e 3 do Real Decreto Lexislativo 1/95, do 24 de marzo, polo que se aproba o texto refundido da Lei do Estatuto dos Traballadores, e no Real Decreto 1.040/81, do 22 de maio, sobre rexistro e depósito de convenios colectivos de traballo.

ESTE DEPARTAMENTO TERRITORIAL, ACORDA:

Ordenala inscrición da revisión para o ano 2008 e as táboas para o 2009 do citado convenio colectivo no rexistro de convenios deste departamento, así como o seu depósito.

Remitilo texto da revisión do mentado convenio á Dirección Xeral de Relacións Laborais da Xunta de Galicia.

Dispoñer a súa publicación no Boletín Oficial da Provincia.

Lugo, 20 de xullo de 2009.

- O Xefe Territorial, Antonio Dacal López.

CONVENIO COLECTIVO PROVINCIAL DO COMERCIO TEXTIL DE LUGO

ASISTENTES: PARTE EMPRESARIAL: En representación da Asociación Empresarial Textil de Lugo:

D. ANTONIO DE LOS OJOS PÉREZ

D. ENRIQUE DÍAZ DALMEIDA

D. JOSÉ ANTONIO CASTRO FERREIRO PARTE SOCIAL:

D. FERNANDO TEIJEIRO VALLEDOR (U. G. T)

D. MANUEL CHAÍN RODRIGUEZ (U. G. T)

D. JESÚS A. CASTRO BAAMONDE (CCOO)

En Lugo, sendo as 13 horas do día 18 de xuño do 2009, reúnense as persoas relacioadas o marxe, compoñentes da Comisión Negociadora do convenio colectivo provincial do comercio textil de Lugo.

A parte social encóntrase representada polas Centrais Sindicais UGT e CCOO, que dacordo cos datos do S. M. A. C, contan co 100% dos delegados do sector

Pola parte empresarial, os presentes representan á Asociación Empresarial Textil da Provincia de Lugo

Ambas partes se recoñecen mutuamente a capacidade necesaria para negociar o convenio de eficacia xeral e ACORDAN:

Publicar a tabla salarial definitiva para o ano 2008, a cal queda igual que a tabla provisional incorporada ó convenio vixente publicado en data de 14 de agosto do 2008. A razón é que, en aplicación da cláusula de revisión salarial prevista no artigo 10 do convenio aplicable, está prevista unha revisión salarial polo exceso no caso de que o IPC real para este ano, resultara superior o previsto, e dado que o IPC real estatal a 31 de decembro do 2008 foi de 1,4%, e dicir, inferior ó IPC previsto para este ano, non procede neste caso aplicar revisión salarial algunha.

Elabórase a tabla salarial definitiva para o ano 2008 conforme ó establecido no punto 1.

Asimesmo, ós efectos da elaboración da tabla salarial provisional para o ano 2009 e segundo o previsto no artigo 10 do convenio en vigor, acórdase aplícar o incremento pactado de 2,75% sobre a tabla salarial definitiva do 2008.

Elabórase a tabla salarial provisional para o ano 2009, conforme ó establecido no punto 3.

Os atrasos os que haxa lugar por aplicación do incremento salarial do ano 2009, deberán abonarse nun plazo de 2 meses dende a publicación no Boletín Oficial da Provincia de Lugo, da táboa salarial do 2009.

E non habendo máis asuntos que tratar, déuse por finalizada a sesión, sendo as 14 horas da data e lugar indicados no encabezado.

Esta norma contiene tablas, si desea consultarlas pulse AQUI

(Para poder leer los documentos es necesario el lector Adobe Acrobat)