C. Colectivo. Convenio Colectivo de Sector de PRIMEIRA TRANSFORMACION DA MADEIRA (27000445011982) de Lugo

---

Preambulo

Visto o texto do convenio colectivo para o sector " PRIMEIRA TRANSFORMACION DA MADEIRA",da provincia de Lugo, asinado o día 09 de outubro do 2008, pola representación da Asociación de Empresarios da Primeira Transformación da Madeira de Lugo e das centrais sindicais UGT (26%), USO (13%), CC. OO. (26% ), e CIG (33%), e de conformidade co disposto no artigo 90 apartados 2 e 3 do Real Decreto Lexislativo 1/95, do 24 de marzo, polo que se aproba o Texto Refundido da Lei do Estatuto dos Traballadores, e no Real Decreto 1.040/81, do 22 de maio, sobre rexistro e depósito de convenios colectivos de traballo.

ESTA DELEGACIÓN PROVINCIAL, ACORDA: PRIMEIRO: Ordenala inscrición do citado convenio colectivo no rexistro de convenios desta Delegación, así como o seu depósito.

SEGUNDO: Remitilo texto do mentado convenio á Dirección Xeral de Relacións Laborais da Xunta de Galicia.

TERCEIRO: Dispoñer a súa publicación no Boletín Oficial da Provincia.

Lugo, 5 de decembro de 2008. - O Delegado Provincial, José Miguel Vázquez Calvo.

CONVENIO COLECTIVO PROVINCIAL DA PRIMEIRA TRANSFORMACION DA MADEIRA DA PROVINCIA DE LUGO.

---

PRIMEIRO

---

Ordenala inscrición do citado convenio colectivo no rexistro de convenios desta Delegación, así como o seu depósito.

---

SEGUNDO

---

Remitilo texto do mentado convenio á Dirección Xeral de Relacións Laborais da Xunta de Galicia.

---

TERCEIRO

---

Dispoñer a súa publicación no Boletín Oficial da Provincia.

Lugo, 5 de decembro de 2008. - O Delegado Provincial, José Miguel Vázquez Calvo.

---

CONVENIO COLECTIVO PROVINCIAL DA PRIMEIRA TRANSFORMACION DA MADEIRA DA PROVINCIA DE LUGO.

 

---

Artigo PRIMEIRO. - AMBITO FUNCIONAL.

---

O presente convenio colectivo de traballo é de aplicación a tódalas empresas adicadas ás actividades de serradoiro de madeira, industria de chapa e parquet, así como remate de madeira (tarefasde tala e preparación da madeira antes da transformación no serradoiro), que se rixan polo III Convenio Colectivo Estatal da Madeira 2007- 2011, coa excepción feita daquelas empresas que no día da data teñan aprobado convenio colectivo propio ou estén pendentes da súa aprobación.

---

Artigo SEGUNDO. - AMBITO PERSOAL.

---

Quedan comprendidas neste convenio tódolos traballadores das empresas incluídos no seu ámbito funcional, agás os menores de 16 anos que está prohibida a súa contratación.

---

Artigo TERCEIRO. - AMBITO TEMPORAL.

---

A duración do presente convenio será dende o 1 º de xaneiro de 2007 ata o 31 de decembro do ano 2009, entrando en vigor o día da súa publicación no Boletín Oficial da Provincia de Lugo ou Diario Oficial de Galicia, con efectos económicos dende o 1 º de xaneiro do 2007.

---

Artigo CUARTO. - AMBITO TERRITORIAL.

---

As disposicións do presente convenio son de aplicación ás empresas de Lugo e maila súa provincia, ós seus traballadores e as empresas que tendo o seu domicilio noutra provincia, os seus traballadores presten os servicios nesta. Do mesmo xeito quedan obrigadas cantas empresas poidan constituirse no futuro na provincia de Lugo e queden enmarcadas no ámbito funcional do presente acordo.

---

Artigo QUINTO. - DENUNCIA.

---

O convenio prorrogarase por períodos anuais, ag0ás na materia salarial, de non denunciarse por calquera das partes cunha antelación dun mes respeto a data do seu remate.

---

Artigo SEXTO. - COMISION PARITARIA.

---

Para interpretalo contido do presente convenio, vixialo cumprimento e exercelas funcións de arbitraxe nos problemas e cuestións plantexados como consecuencia da aplicación do mesmo constituirase un Comité Mixto Paritario entre as partes asinantes desde convenio, que estará formado por catro representantes da Asociación Empresarial asinante, un da Central Sindical UXT, un da Central Sindical USO, un da Central Sindical CC. OO. eun da Central sindical CIG igualmente asinantes. Caso de non chegar a acordo a referida Comisión, ámbalas dúas partes sometense a competencia do Servicio de Mediación, Arbitraxe e Conciliación e maila Xurisdición competente.

A mencionada Comisión terá competencias en materia de desenvolvemento e mellora da seguridade e higiene no traballo e da formación profesional no sector na provincia de Lugo.

---

Artigo SEPTIMO. - COMPENSACION E ABSORCION.

---

As condicións que se establecen neste convenio, son compensables e absorbibles en cómputo anual, de conformidade coa lexislación vixente, respetándose as situacións persoais en igual forma, salvo a antigüidade consolidada de conformidade co establecido no artigo décimo quinto e cos límites establecidos no artigo décimo terceiro.

---

Artigo OITAVO. - XORNADA DE TRABALLO.

---

A duración da xornada anual de traballo efectivo en todos os ámbitos do presente convenio colectivo será:

- Ano 2007: 1.760 horas.

- Ano 2008: 1.752 horas.

- Ano 2009: 1.752 horas.

En aplicación das horas de xornada anual, terán consideración de días non laborais, os días 24 e 31 de decembro, a excepción de cambio dos mesmos por acordo entre empresa e traballador.

Para o ano 2008, respetaránse os calendarios fixados con anterioridade.

As empresas poderán distribuir a xornada establecida nos párrafos anteriores ó longo do ano mediante criterios de fixación uniforme ou irregular, afectando a uniformidade ou irregularidade ben a toda a plantilla ou de forma diversa por seccións ou departamentos, por períodos estacionais do ano en función das previsións das distintas cargas de traballo e desprazamentos da demanda. En todo caso a distribución irregular da xornada respetará os topes mínimos e máximos de distribución previstos no artigo 47 do Convenio Colectivo Estatal da Madeira.

Ós efectos dunha mellor organización do traballo, as empresas poderán establecer un calendario anual no que se recolla a distribución da xornada pactada ó longo do ano.

---

Artigo NOVENO. - VACACIONS ANUAIS.

---

1 º.- O período de vacacións anuais retribuídas, non sustituíbles por prestación económica, será de 30 dias naturais. Principiarán a disfrutarse sempre en días laborais, preferentemente entre o día 20 de xuño e o 30 de setembro.

2 º.- O período do seu disfrute fixarase de común acordo entre o empresario e mailo traballador, que tamén poderán acordala división en dous períodos das vacacións totais.

Á falta de acordo estarase ó disposto nos convenios colectivos sobre planificacións anuais das vacacións, respetándose, en todo caso os seguintes criterios:

a) O empresario poderá excluir como período vacacional, aquel que coincida coa maior actividade productiva estacional da empresa, previa consulta cos representantes legais dos traballadores.

b) Por acordo entre o empresario e mailos representantes legais dos traballadores, poderanse fixalos períodos de vacacións de todo o persoal, xa sexa en quendas organizadas sucesivamente, xa sexa con suspensión total da actividade laboral, sin máis excepcións cas tarefas de conservación, reparación e semellantes.

c) Cando exista un réxime de quenda de vacacións, os traballadores con responsabilidades familiares terán preferencia para que as súas coincidan cos períodos de vacacións escolares.

d) Si existise desacordo entre as partes, a Xurisdición competente fixará as datas de disfrute das vacacións, sendo a súa decisión irrecurrible. O procedemento será sumario e preferente.

e) O calendario de vacacións fixarase en cada empresa. O traballador coñecerá as datas nas que lle corresponde disfrutalas vacacións dous meses antes, alomenos, da data de comenzo das mesmas.

A retribución a percibir por vacacións comprenderá o promedio da totalidade das retribucións salariais percibidas durante o trimestre natural inmediatamente anterior á data de disfrute das vacacións, agás das horas extraordinarias e gratificacións extraordinarias.

Non se computará en ningún caso como período de vacacions, o tempo que o traballador permaneza hospitalizado, e polo período estricto da hospitalización, pero sempre que sexa posible o disfrute das vacacions dentro do ano natural.

---

Artigo DÉCIMO. - PERMISOS RETRIBUIDOS.

---

Os traballadores terán dereito os seguintes permisos retribuídos:

- Por matrimonio: 21 días naturais. - Falecemento de pais, avós, fillos, netos, cónxuxe, irmáns e sogros: Tres días naturais, ampliables ata cinco naturais en caso de desprazamento superior a 150 Km.

- Enfermidade grave de pais, sogros, fillos, netos, cónxuxe, irmáns e avós: Tres días naturais, ampliables ata cinco naturais en caso de desprazamento superior a 150 Km.

- Enfermidade grave de noras, xenros, cuñados e avós políticos: Dous días naturais, ampliables ata catro naturais en caso de desprazamento superior a 150 Km.

- Falecemento de noras, xenros, cuñados e avós políticos: Dous días naturais, ampliables ata catro naturais en caso de desprazamento superior a 150 Km.

- Nacemento de fillo ou adopción: Tres días naturais, ampliables ata cinco naturais en caso de desprazamento superior a 150 m.

- Cambio de domicilio habitual: Un día laborable.

- Deber inescusable de carácter público e persoal: O indispensable ou que marque a norma.

- Lactación ata nove meses: Ausencia de 1 hora ou dous fraccións de ½ hora; redución de xornada en media hora. Alternativamente substitución por redución de xornada ou acumulación en xornadas completas, por acordo co empresario, sempre que as necesidades da empresa opermitan.

- Traslado (art. 40 E. T.): Tres días laborables.

- Matrimonio de fillo, pai ou nai: O día natural.

- Funcións sindicais ou de representación de traballadores: O establecido na norma.

- Renovación do DNI: O tempo indispensable.

- Recuperación do carné de conducir, con asistencia aos cursos necesarios, cando a súa perda estivese motivada por causa estritamente imputable á empresa: O tempo indispensable.

Todas aslicenzas se gozarán en días consecutivos ou ininterrompidos.

O traballador terá dereito ata oito (8) horas de permiso retribuido ó ano, para asistir a consulta médica, e coa posterior ou anterior, xustificación da consulta. As horas que pola causa exposta superen as oito sinaladas, serán recuperadas, pactando coa empresa a forma da súa recuperación.

Previa a adecuada xustificación, o traballador terá dereito ata oito (8) horas de permiso retribuído ó ano, que serán non retribuídas e recuperables cando teñan que acomapañar a un fillo menor de dez anos, ou a un familiar co que conviva, e que se encontre impedido para acudir a consulta médica, sempre que non exista outro familiar en convivencia co menor ou co impedido e que poda asumir este cometido.

O preaviso será sempre obrigatorio, salvo supostos e situacións excepcionais e imprevisibles que non permitan preavisar da ausencia, en cuxo caso acreditarase no seu momento suficientemente.

---

Artigo DECIMO PRIMEIRO. - HORAS SINDICAIS.

---

Os delegados de personal disporán dun crédito mínimo de 16 horas mensuais retribuídas para o exercicio das súas funcións.

---

Artigo DECIMO SEGUNDO. - SALARIO.

---

Son retribucións salariais as remuneracións económicas dos traballadores en diñeiro ou en especie que reciben pola prestación profesional dos servizos laborais por conta allea.

1 º.Conceptos que comprenden as retribucións salariais:

a) Salario base

b) Complementos salariais: Penosidade, toxicidade e peligrosidade, antigüidade consolidada, reducción do absentismo, pagas extraordinarias, horas extraordinarias.

2 º.Complementos non salariais: As prestacións e indemnizacións da Seguridade Social, ou asimiladas a estas.

As indemnizacións, compensacións ou suplidos por gastos que o traballador tivera que realizar para o desempeño da súa actividade laboral, tales como ferramentas, roupa de traballo, gastos de viaxes ou locomoción, estancia, etc.,así como calquera outra desta ou similar natureza ou obxecto.

As indemnizacións por cesamentos, desprazamentos, traslados, suspensións ou despedimentos.

O salario base, as pagas extraordinarias e das vacacións devengaranse por día natural e o resto dos complementos salariais por día de traballo efectivo, segundo os módulos e contías recolllidas na taboa anexa.

Enténdese por salario base a parte de retribución do traballador fixada por unidade de tempo. A contía do salario base será a que se especifica para cada un dos grupos profesionais na táboa salarial anexa.

O incremento salarial para o período de vixencia do presente convenio colectivo será o resultante de aplicar o IPC previsto para cada ano polo Goberno nos PP. GG. EE, máis:

- En 2008: O 1,3%.

- En 2009: O 1,3%.

Cláusula de garantía salarial: No caso de que o IPC real a 31 de decembro de cada ano, fose superior ao IPC previsto polo Goberno para o devandito período, o exceso, se o houbese, aboarase nunha soa paga no mes de febreiro do ano seguinte.

En todo caso, este exceso, en caso de darse, servirá de base para o cálculo do incremento dos anos posteriores.

As partes firmantes, tan pronto constaten o resultado do IPC real ó 31 de decembro de cada anualidade, procederán, no seu caso, a aplicala cláusula de revisión pactada da seguinte forma: Calcularase a parte proporcional do IPC real da anualidade correspondente, servindo tal cálculo de base para aplicala cláusula de revisión, de forma que se garanta que o incremento salarial do convenio para o período que vai dende o 1 de xaneiro ata o 31 de decembro de cada anualidade, sexa como mínimo do IPC real do ano correspondente referido máis 1,3% punto.

No caso de que a cláusula de revisión pactada dese lugar a un maior incremento salarial para o período que vai dende o 1 de xaneiro ó 31 de decembro do ano do que se trate que o aplicado inicialmente, as partes firmantes procederán á confección e firma das táboas revisadas para este período, que remitirán para a súa publicación no Diario Oficial de Galicia e o Boletín Oficial da Provincia de Lugo.

Neste caso as empresas aboarán ós traballadores as diferencias salariais ás que houbera lugar polo período de cada anualidade, no prazo de 30 días a contar dende a publicación das táboas salariais revisadas nos diarios oficiais.

---

Artigo DECIMOTERCEIRO. - COMPLEMENTOS POR PENOSIDADE, TOXICIDADE OU PERIGOSIDADE.

---

1 º.Aos traballadores que teñan que realizar labores que resulten excepcionalmente penosos, tóxicos ou perigosos, deberá aboárselles un incremento do 20% sobre o seu salario base. Se estas funcións se efectuasen durante a metade da xornada ou en menos tempo, o incremento será do 15%,aplicado ao tempo realmente traballado.

2 º.As cantidades iguais ou superiores ao incremento fixado neste artigo, que estean establecidas ou se establezan polas empresas, serán respectadas sempre que foran concedidas polos conceptos de excepcional penosidade, toxicidade ou perigosidade, en cuxo caso non será esixible o pagamento dos incrementos fixados neste artigo. Tampouco estarán obrigadas a satisfacer os citados incrementos aquelas empresas que os teñan incluídos, en igual ou superior contía, no salario de cualificación do posto de traballo.

3 º.Se por calquera causa desaparecesen as condicións de excepcional penosidade, toxicidade ou perigosidade, deixarán de aboarse os indicados incrementos non tendo por tanto o carácter consolidable.

4 º.Aqueles convenios colectivos provinciais que á entrada en vigor do presente teñan recoñecido un incremento superior manterano como condición máis beneficiosa.

A aplicación do presente artigo levarase a efecto de acordo co previsto na disposición transitoria primeira.

---

Artigo DECIMO CUARTO. - REDUCIÓN DO ABSENTISMO.

---

A redución do absentismo no ámbito laboral é un obxectivo compartido polas representacións sindical e empresarial, dado que os seus efectos negativos se proxectan sobre as condicións de traballo, o clima laboral, a produtividade e a saúde dos traballadores.

Co obxecto pois de combater este fenómeno que leva consigo unha perda de produtividade e incide negativamente nos custos laborais, prexudicando con iso a competitividade das empresas e a posibilidade de mellorar os niveis de emprego e rendas dos traballadores, a partir do 1 de xaneiro de 2008, nos supostos nos que o índice de absentismo, a título colectivo e individual (acumulativamente), non supere o 3% e o 4% respectivamente, durante o período de xaneiro a decembro de cada ano de vixencia do presente convenio colectivo, os traballadores percibirán, no mes de marzo do ano seguinte, e nun único pagamento, a cantidade bruta de 150 euros.

Nas empresas de menos de 30 traballadores, os índices de absentismo, colectivo e individual (acumulativamente), non deberán superar o 2% e o 3%, respectivamente, para dar dereito ao cobramento da cantidade mencionada anteriormente.

O devandito importe non será consolidable, nin absorbible, nin tampouco compensable.

Para o cómputo do absentismo teranse en consideración, exclusivamente, os períodos de IT por enfermidade común ou accidente non profesional e as ausencias inxustificadas.

O índice de absentismo resultante será notificado periodicamente (aomenos trimestralmente) aos representantes legais ou sindicais da empresa e, no seu defecto, á Comisión Paritaria do seu ámbito. O incumprimento deste trámite, non liberará a empresa do compromiso de aboar a cantidade indicada. Nas empresas de menos de 30 traballadores, de constatarse o dito incumprimento e logo de requirimento de representación de traballadores ou da Comisión Paritaria, o pagamento producirase igualmente se no prazo de 15 días hábiles, dende a recepción do requirimento, non se produce a devandita xustificación.

O sistema recollido no presente artigo non será acumulable con calquera outro existente, a nivel de empresa ou por convenio, desta mesma natureza, respectándose os devanditos sistemas, salvo acordo coa representación dos traballadores, para a súa substitución polo presente convenio.

---

Artigo DECIMOQUINTO. - GRATIFICACIONS EXTRAORDINARIAS.

---

Considéranse gratificacións extraordinarias os complementos salariais de vencemento xornal superior ao mes.

Establécense dúas gratificacións extraordinarias coa denominación de paga de verán e paga de Nadal, que serán aboadas, respectivamente, antes do 30 de xuño e 20 de decembro, e devengaranse por semestres naturais, e por cada día natural en que se devengara o salario base.

Remuneración de pagas: - Paga de verán, do 1 de xaneiro ao 30 de xuño. - Paga de Nadal, do 1 de xullo ao 31 de decembro. O importe de cada unha destas pagas, establécese en trinta días do salario recollido nas taboas salariaís anexas para cada unha das categorías, mais antiguedade.

---

Artigo DECIMO SEXTO. - COMPLEMENTO DE ANTIGÜIDADE.

---

Apartires do 30 de setembro de 1996 non se devengan por este concepto novos dereitos quedando, polo tanto, suprimido.

Non obstante os traballadores que tiveran xerado antes do 30 de setembro de 1996 novos dereitos e contías en concepto de antigüidade, manterán a cantidade consolidada a dita data. A contía mencionada figurará na nómina de cada traballador como complemento persoal baixo o concepto de antigüidade consolidada non sendo tal contía absorbible nin compensable. A tales efectos fíxase na táboa salarial anexa o importe do quinquenio consolidado para cada unha das categorías profesionais.

---

Artigo DECIMO SEPTIMO. - HORAS EXTRAS.

---

Establécese que o prezo das horas extras, para o caso do seu pagamento, resultará incrementado no 20% do prezo da hora ordinaria.

---

Artigo DECIMO OITAVO. - DIETAS.

---

A partires da data de publicación do presente convenio no Diario Oficial de Galicia ou Boletín Oficial da Provincia de Lugo, todo traballador con dereiro a axudas de custo percibirá as contías que se indican a continuación ou ben gastos a xustificar, a elección da empresa.

Media axuda de custo: 11,00 euros (ONCEEUROS). Axuda de custos Completa: 28,00 euros (VEINTIOCHO EUROS).

---

Artigo DECIMO NOVENO. - XUBILACION.

---

Os traballadores comprendidos no presente convenio que se xubilen cunha antigüidade de 5 anos na empresa terán dereito a 30 días de vacacións retribuidas e no caso de que xubilen con máis de 10 anos de antigüidade na empresa terán dereito a 60 días de vacacións retribuidas.

---

Artigo VIXESIMO. - XUBILACION VOLUNTARIA ÓS 64 ANOS.

---

Os traballadores con 64 anos cumpridos, incluídos no ámbito persoal deste convenio, que desexen acollerse á xubilación co 100% dos dereitos, poderán facelo, estando, neste caso, a empresa obrigada a contratar outro traballador inscrito como demandante de eemprego, acolléndose a calquera das modalidades de contratación previstas na lexislación vixente.

---

Artigo VIXÉSIMO PRIMEIRO. - SEGURIDADE E HIXIENE.

---

1 º.- O traballador, na prestación dos seus servicios, terá dereito a unha protección eficaz en materia de seguridade e hixiene.

2 º.- O traballador estará obrigado a cumplir e utilizar no seu traballo as medidas legais e regulamentarias de seguridade e higiene.

3 º.- Na inspección e control das referidas medidas, que sexan de cumprimento obrigado polo empresario, o traballador terá dereito a participar por medio dos seus representantes legais no centro de traballo, se non se conta con órganos ou centros especializados competentes na materia, dacordo coa legislación vixente.

4 º.- O empresario está obrigado a facilitar unha formación práctica axeitada en materia de seguridade e hixiene ós traballadores que contrate, ou cando cambien de posto de traballo ou teñan que aplicar unha nova técnica que poida ocasionar riscos graves para o propio traballador ou para os compañeiros ou terceiros, ben sea por servicios propios ou coa intervención dos servicios oficiais correspondentes. O traballador está obrigado a seguir ditas ensinanzas e a realizalas prácticas cando se celebren dentro da xornada de traballo ou noutras horas, pero con desconto naquelas do tempo empregado nas mesmas.

5 º.- Os órganos internos da empresa, competentes en materia de seguridade e higiene e, no seu defecto, os representantes legais dos traballadores no centro de traballo, que constaten un risco grave de accidente pola inobservancia da legislación aplicable á materia, requerirán o empresario por escrito para que adopte as medidas oportunas que fagan desaparecer o estado de risco; si a petición non fose atendida no prazo de catro días, dirixiranse a Autoridade competente; ésta si constatase a veracidade das circunstancias alegadas, mediante resolución fundada requerirá o empresario para que adopte as medidas de seguridade apropiadas ou suspenda as actividades na zona ou local de traballo. Tamén poderá ordenar, cos informes técnicos precisos, a paralización inmediata da actividade si estimase un risco grave e inminente de accidente.

Si o risco de accidente fose inminente, a paralización das actividades poderá ser acordada por decisión dos órganos competentes da empresa en materia de seguridade ou polo setenta e cinco por cento dos representantes dos traballadores en empresas con procesos discontinuos, e da totalidade dos mesmos naquelas nas que o proceso sexa continuo; tal acordo será comunicado de inmediato á empresa e maila Autoridade Laboral, a que en 24 horas anulará ou ratificará a paralización acordada.

---

Artigo VIXÉSIMO SEGUNDO. - ROUPA DE TRABALLO.

---

A empresa facilitará ós traballadores dúas fundas ó ano, unha cada seis meses, así como todos aqueles artículos de seguridade que especifique a lexislación vixente, especialmente ós traballadores desprazados no monte que realicen funcións de poda ou tronzado entregaránselle botas axeitadas.

---

Artigo VIXÉSIMO TERCEIRO. - RECOÑECEMENTOS MEDICOS.

---

Sempre que as mutuas patronais ou laborais que cubran os riscos de accidente de traballo en cada empresa, desexen realizar recoñocementos médicos sobre posibles enfermedades profesionais, así como cando o Gabinete de Seguridade e Higiene de Lugo propoña recoñecementos no sector, as empresas estarán obrigadas a facilitalo tempo necesario para realizar estos servicios médicos, previa a correspondiente citación por escrito na que deberá figurar día, hora e lugar de recoñecemento.

Cando os resultados do recoñecemento médico rutinario fagan ver a necesidade dunha atención máis especializada en materia de salud laboral, acudiráse ó Gabinete de Seguridade e Higiene de Lugo.

---

Artigo VIXÉSIMO CUARTO. - POLIZA DE SEGUROS.

---

As empresas afectadas polo presente convenio, estarán obrigados a concertar, con primas íntegras a seu cargo, unha póliza de seguro que cubra no caso de accidente de traballo, así declarado pola Seguridade Social, os riscos de falecemento e invalidez permanente nos graos de total, absoluta e gran invalidez. As contías da citada póliza serán de 25.000 euros (VINTECINCO MIL EUROS) no caso de falecemento e 28.000 euros (VINTEOITO MIL EUROS) no caso de invalidez permanente en calquera dos seus tres graos.

Asimesmo extenderase a cobertura no caso de morte natural por continxencia común, coa cantidade de 7.000 euros (SETEMIL EUROS).

Estas cantidades aplicaranse coa renovación da póliza en vixencia en cada caso.

O incremento que se establece nas contías da Póliza de Seguros con relación ás cuantías vixentes no convenio anterior só afectará ós procesos iniciados a partires de que se cumpran dous meses dende a publicación do presente convenio no Boletín Oficial da Provincia de Lugo.

Esta compensación é compatible coa pensión ou indemnización que poida percibilo traballador da Seguridade Social, Mutualidade ou Montepío.

Non obstante, a indemnización que se perciba con cargo ó seguro aquí establecido, considerarase como entrega a conta da indemnización que, no seu caso, puderan declarar con cargo á empresa, os Tribunais de Xustiza, compensándose ata donde aquela alcance.

---

Artigo VIXÉSIMO QUINTOVINCULACION A TOTALIDADE.

---

Como quera que as condicións pactadas no presente convenio colectivo son o resultado da adaptación do mesmo ó Convenio Colectivo Estatal da Madeira, si se dese o caso de que a xurisdicción competente anulase ou invalidase, habendo resolución firme, algúns ou tódolos seus pactos e polo tanto quedase sin efecto o Convenio Colectivo Estatal pola aplicación do seu artigo 16, o Convenio Colectivo Estatal deixará de rexir no futuro no que respecta ó presente Convenio Colectivo Provincial.

Por outra parte e no suposto de que a xurisdiccción competente estimase que algunha das condicións pactadas no presente convenio colectivo conculca a legalidade vixente ou lesiona gravemente intereses de terceiros e como queira que este convenio na súa redacción actual constitúe un todo orgánico indivisible, terase por totalmente ineficaz debendo reconsiderarse o seu contido íntegro pola Comisión Negociadora.

---

Artigo VIXÉSIMO SEXTO. - FORMA DO CONTRATO.

---

A admisión de traballadores na empresa, a partir de a entrada en vigor do presente convenio, realizarase a través do contrato escrito.

Así mesmo, formalizaranse por escrito as comunicacións de prolongación ou ampliación destes e o preaviso da súa finalización, referidos aos contratos temporais.

O contrato de traballo deberá formalizarse antes de comezar a prestación de servizos. No contrato escrito constarán: as condicións que se pacten, o grupo profesional en que queda encadrado o traballador e os demais requisitos formais legalmente esixidos. Unha vez rexistrado o contrato na oficina pública, entregarase copia ao traballador.

O ingreso ao traballo poderá realizarse de conformidade con calquera das modalidades reguladas no Estatuto dos Traballadores, disposicións de desenvolvemento e no presente convenio.

As empresas estarán obrigadas a solicitar dos organismos públicos de emprego os traballadores que necesiten, cando así esixa a lexislación vixente, mediante oferta de emprego.

As empresas, previamente ao ingreso, poderán realizar os interesados as probas de selección (teóricas, prácticas, médicas e/ou psicotécnicas) que consideren necesarias para comprobar se o seu grao de aptitude e a súa preparación son adecuadas ao grupo profesional e posto de traballo que vaian desempeñar.

---

Artigo VIXÉSIMO SÉPTIMO. - PERÍODO DE PROBA.

---

Poderá concertarse, por escrito, un período de proba, que en ningún caso poderá exceder de:

a) Grupo 1 e 2: Seis meses

b) Grupos 3 e 4: Dous meses.

c) Grupo 5: Un mes

d) Grupo 6 e 7: Quince días hábiles. Os traballadores que nun período de dous anos formalicen varios contratos de traballo, de carácter temporal, calquera que sexa a súa modalidade, para o mesmo grupo profesional e posto de traballo, e para a mesma empresa, ou grupo de empresas estarán exentos do período de proba.

No suposto de contratacións de duración igual ou inferior a tres meses, o período de proba non poderá exceder nunca do 50% da duración pactada.

---

Artigo VIXÉXIMO OITAVO.

---

CONTRATO PARA A FORMACION.

O contrato para a formación que realicenas empresas comprendidas dentro do ámbito funcional do presente convenio terá por obxeto a formación práctica e teórica do traballador contratado. Dito traballador non deberá ter ningún tipo de titulación, xa sexa superior, media, académica ou profesional, relacionada co posto de traballo a desempeñar. O contido do contrato, ó igual que as súas posibles prórrogas, deberá formalizarse por escrito e figurará no mesmo, de modo claro, a actividade ou profesión obxeto do aprendizaxe.

En ningún caso se poderá realizar este tipo de contrato naquelas actividades nas que concurran circunstancias de tipo tóxicas, perigosas ou nocturnas. Tamén estará prohibida a realización de horas extraordinarias.

A idade do traballador cun contrato destas características non poderá ser inferior a 16 anos nin superior a 21 anos.

a).- A duración máxima será de 3 anos, xa sexan alternos ou continuados, con unha ou varias empresas dentro do ámbito funcional do sector do presente convenio.

b).- Non se poderá realizar contratos de duración inferior a seis meses, podendo prorrogar ata tres veces por períodos como mínimo seis meses.

c).- Esta tipo de contrato se realizará a tempo completo.

O 15% do total da xornada se dedicará a formación teórica. Concretaranse no contrato as horas e días adicados á formación. Asimismo, especificarase o centro formativo, no seu caso, encargado da ensinanza teórica. A ensinanza teórica, a ser posible, deberá ser previa á formación práctica e alternarase con ésta de forma racional.

No contrato deberá figurar o nome e categoría profesional do tutor o monitor encargado da formación práctica. O tutor deberá velar pola adecuada formación do traballador en formación, así como de tódolos riscos profesionais. O traballo efectivo que preste o traballador na empresa deberá estar relacionado ca especialidade ou obxeto do contrato.

O contrato para a formación presumirase de carácter común ou ordinario cando o empresario incumpla, na súa totalidade, as suas obligacións en materia de formación teórica.

---

Artigo VIXÉSIMO NOVENO.

---

CONTRATO DE RELEVO.

Entenderáse como contrato a tempo parcial o celebrado polo traballador que concerte ca súa empresa, nas condicións establecidas no presente artículo, unha reducción da xornada de traballo e do seu salario entre un mínimo dun 25 % e un máximo dun 85 % de aqueles, cando reúnan as condicións xerais esixidas para ter dereito á pensión contributiva de xubilación da Seguridade Social coa excepción da idade, que terá que ser inferiores, como máximo, cinco anos á esixida, ou cando, reunindo igualmente as citadas condicións xerais, cumplira xa dita idade. A execución deste contrato a tempo parcial, e a súa retribución, serán compatibles coa pensión que a Seguridade Social reconoza ó traballador en concepto de xubilación parcial, extinguíndose a relación laboral ó producirse a xubilación total.

Para poder realizar este contrato no caso de traballadores que non teñan aínda a idade de xubilación, a empresa deberá celebrar ó mesmo tempo un contrato de traballo a un traballador en situación de desemprego ou que tivese concertado coa empresa un contrato de duración determinada, co obxeto de sustituir a xornada de traballo deixada vacante polo traballador que se xubila parcialmente. Este contrato de traballo, que se poderá celebrar tamén para sustituir ós traballadores que se xubilarán parcialmente despois de que cumpriran a idade de xubilación, denominaráse contrato de relevo e terá as seguintes particularidades:

a) A duración do contrato será indefinida ó igual á do tempo que lle falte ó traballador sustituido para chegar á idade da xubilación á que refire o primeiro parágrafo deste apartado. Si, ó cumprir dita idade, o traballador xubilado parcialmente continuase na empresa, o contrato de relevo que celebrara por duración determinada poderá prorrogarse mediante acordo entre as partes por períodos anuales, extinguíndose, en todo caso, ó finalizar o período correspondente ó ano no que se produza a xubilación total do traballador relevado.

No caso do traballador xubilado parcialmente despois de chegar á idade de xubilación, a duración do contrato de relevo que poderá celebrar a empresa para sustituir a parte de xornada deixada vacante polo mesmo poderá ser indefinida ou anual. Neste segundo caso, o contrato prorrogarase automáticamente por períodos anuales, extinguíndose na maneira señalada no parágrafo anterior.

b) O contrato de relevo poderá celebrarse a xornada completa ou a tempo parcial. En todo caso, a duración da xornada deberá ser, como mínimo, igual a reducción da xornada acordada polo traballador sustituido. Ohorario de traballo do traballador relevista poderá completar o do traballador sustituido ou simultanearse con este.

c) O posto de traballo do traballador relevista poderá ser o mesmo do traballador sustituido ou un similar, entendendo por tal o desempeño de tarefas correspondentes o mesmo grupo profesional ou categoría equivalente.

---

Artigo TRIXESIMO. - CONTRATOS EVENTUAIS POR CIRCUNSTANCIAS DA PRODUCIÓN.

---

1. º A duración máxima dos contratos eventuais por circunstancias da produción, acumulación de tarefas ou exceso de pedidos, poderá ser de ata doce meses nun período de dezaoito meses.

2. º Os contratos de duración inferior á máxima esta- blecida no parágrafo anterior poderán prorrogarse mediante acordo das partes, por unha única vez, sen que a duración do total do contrato poida exceder da devandita duración máxima.

3. º Os contratos celebrados con anterioridade á publicación do presente convenio poderán prorrogarse cos límites anteriores e coas condicións do presente artigo.

4. º Á terminación do contrato, ,se este foi de duración igual ou inferior a catro meses, a empresa estará obrigada a satisfacer ao traballador unha indemnización de quince días de salario por ano de servizo. Se a duración foi superior a catro meses, a empresa estará obrigada a satisfacer ao traballador unha indemnización de 20 días por ano de servizo. Estas indemnizacións producirán efectos dende o primeiro día.

5. º Os contratos que se asinen baixo esta modalida- de conterán unha referencia expresa ao presente artigo.

---

Artigo TRIXESIMO PRIMEIRO. - CONTRATO PARA OBRA OU SERVIZO DETERMINADO.

---

De acordo coas competencias atribuídas pola Lei 1/1995, Texto Refundido da Lei do Estatuto dos Traballadores, no seu artigo 15.1

a),as partes asinantes do presente convenio conveñen en identificar determinados traballos ou tarefas con substantividade propia dentro das actividades das empresas do sector, definidas como tales no artigo 11 do presente texto normativo.

En consecuencia, só se poderán realizar contratos ao amparo do artigo 15.1

a) do Estatuto dos Traballadores, é dicir, para obra ou servizo determinados, para as seguintes actividades:

a) Traballos de reparación das instalacións

b) Para a realización dunha obra ou servizo determinado, con substantividade propia fose das instalacións da empresa, aínda tratándose da súa actividade normal incluíndose os labores na propia empresa, inherentes á súa preparación.

c) Traballos de rematantes, serradores e industrias da madeira auxiliares de actividades agrarias, tales como envases e palets para produtos hortofrutícolas aínda tratándose das actividades normais da empresa.

En canto ao preaviso e cesamento estarase aos disposto no artigo 32 do Convenio Estatal. Para os efectos de indemnización, se a duración foi igual ou inferior a catro meses, a empresa estará obrigada a satisfacer unha indemnización de quince días de salario por ano de servizo; se 14 a duración é superior a catro meses, a indemnización será de 20 días de salario por ano de servizo. Ambas as dúas indemnizacións producirán efectos dende o primeiro día.

---

Artigo TRIXESIMO SEGUNDO. - INCAPACIDADE TEMPORAL.

---

As empresas complementarán ata o 100% do salario pactado no convenio, as prestacións dos traballadores que se encontraran na situación de incapacidad laboral, derivada de accidente de traballo acaecido dentro da xornada laboral.

Igualmente, complementarase o 85% do salario total recollido na taboa salarial, dende ó día 60 de vixencia da situación de IT derivada de continxencias comuns, ate a súa finalización, dende a publicación do presente convenio.

---

Artigo TRIXESIMO TERCEIRO. - DELEGADO SINDICAL.

---

1. Nas empresas cuxo cadro de persoal supere os 100 traballadores, e en concepto de mellora do disposto no artigo 10 da Lei Orgánica de Liberdade Sindical, os sindicatos con presenza nos órganos de representación unitaria, poderán nomear un delegado sindical, cos dereitos e obrigas que se deriven do devandito artigo. Respectaranse, en todo caso, aquelas condicións máis favorables establecidas con anterioridade á entrada en vigor do presente convenio nos ámbitos inferiores.

A representación do sindicato na empresa exerceraa un delegado, nos termos previstos na Lei Orgánica 11/1985, de Liberdade Sindical. O sindicato que alegue posuír dereito a estar representado mediante titularidade persoal en calquera empresa, deberá acreditalo ante esta en forma fidedigna, recoñecendo esta, deseguido, ao citado delegado a súa condición de representante dosindicato a todos os efectos.

Os delegados sindicais terán as competencias, garantías e funcións recoñecidasnas leis ou normas que as desenvolvan.

2. O delegado sindical deberá ser o traballador que se designará de acordo cosestatutos do sindicato ou central a quen representa, terán recoñecidas as seguintesfuncións:

Recadar cotas e distribuír información sindical, fóra das horas de traballo e senperturbar a actividade normal da empresa.

Representar e defender os intereses do sindicato a quen representa e dos seus afiliados no centro de traballo, e servir de instrumento de comunicación entre o sindicato ou central sindical e a Dirección da empresa.

Asistir ás reunións do Comité de Empresa do centro de traballo e Comité de seguridade e hixiene no traballo con voz e sen voto.

Ter acceso á mesma información e documentación que a empresa poña a disposición do Comité de Empresa representándose as mesmas garantías recoñecidas pola Lei e o presente convenio aos membros do Comité de Empresa, e estando obrigado a gardar sixilo profesional en todas aquelas materias nas que legalmente proceda.

Será informado e oído pola Dirección da empresa no tratamento daqueles problemas de carácter colectivo que afecten, en xeral, os traballadores do seu centro de traballo, e particularmente aos afiliados ao seu sindicato que traballen no devandito centro.

O delegado sindical cinguirá as súas tarefas á realización das funcións sindicais que lle son propias, axustando, en calquera caso, a súa conduta á normativa legal vixente.

3. As seccións sindicais dos sindicatos máis representativos terán dereito á utilización dun local axeitado, no que poidan desenvolver as súas actividades, naqueles centros de traballo que se establezan nos convenios de ámbito inferior.

Participación nas negociacións dos convenios colectivos: Aos delegados sindicais que participen nas Comisións Negociadoras de convenios colectivos, mantendo a súa vinculación como traballadores en activo dalgunha empresa, seranlles concedidos permisos retribuídos por estas co fin de facilitarlles o seu labor como negociadores e durante o transcurso da antedita negociación, sempre que a empresa estea afectada directamente polo convenio colectivo de que se trate.

Reunirse, fóra das horas de traballo e sen perturbar a actividade normal da empresa, cos traballadores desta afiliados ao seu sindicato.

Inserir comunicados nos taboleiros de anuncios, previstos para tal efecto, que pudiesen interesar aos afiliados ao sindicato e aos traballadores do centro.

Os delegados sindicais, sempre que non formen parte do Comité de Empresa, disporán dun crédito de horas mensuais retribuídas, en iguais termos e contido que os considerados neste convenio.

NORMAS SUPLETORIAS. - No non recollido no presente convenio, serán de aplicación as normas xerais legais, e en especial o III Convenio Colectivo Estatal da Madeira.

---

DISPOSICIÓNS TRANSITORIAS

 

---

DISPOSICIÓN TRANSITORIA PRIMERA

---

Establécese que os traballadores que na data da entrada en vigor do convenio ostenten a categoría de PEÓN, pasarán á categoría de ESPECIALISTA, do GRUPO VI.

---

DISPOSICIÓNS ADICIONAIS

 

---

DISPOSICIÓN ADICIONAL PRIMERA

---

As partes asinantes deste convenio consideran o Acordo Interprofesional Galego sobre dos procedementos extraxudiciais de solución de conflictos de traballo como a canle idóneo para a solución dos conflictos colectivos laborais.

---

DISPOSICIÓN ADICIONAL SEGUNDA

---

As empresas disporán dun prazo de 30 días dende a publicación deste convenio no Boletín Oficial da Provincia de Lugo ou Diario Oficial de Galicia para aboalas diferencias salariais entre as cantidades que viñeran percibindo e as que se pactan neste convenio, en concepto de atrasos, dende a 01-01-07 ata a data de publicación.

Esta norma contiene tablas, si desea consultarlas pulse AQUI

(Para poder leer los documentos es necesario el lector Adobe Acrobat)

Fdo.: Antonio Besteiro Fernández. - José Antonio Ferreiro Rodríguez. - José Luis Lozano Paz. - Carlos García Vázquez. - Miguel Angel Crende López. - J. Antonio Rodríguez Lorigados. - J. Antonio Cabo Martinez. - Jose Manuel Brea Méndez. - Manuel Silvarrey Cabado. - José Vázquez Pérez. - Antonio Niño Saavedra. - Alfonso Losada Rodríguez. - Xorxe Caldeiro Díaz.

---