Revision. Convenio Colectivo de Sector de SANIDADE PRIVADA (27000815012000) de Lugo

Visto o acordo para a revisión das táboas salariais para o ano 2002 e 2003 do convenio colectivo para o sector da sanidade privada da provincia de Lugo (código 2700815) , asinado o día 30 de setembro de 2004, pola representación da Asociación de Empresarios de Sanidade Privada da Provincia de Lugo, Asociación de Centros de Hospitalización Privada da Provincia de Lugo e das centrais sindicais CIG (87,5%) , UGT (12,5%) e CC. OO. (0%) e de conformidade co disposto no artigo 90 números 2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores e no Real decreto 1040/1981, do 22 de maio, sobre rexistro e depósito de convenios colectivos de traballo. Esta delegación provincial

ACORDA:

Primeiro.-Ordenar a inscrición da revisión do citado convenio colectivo no rexistro de convenios desta delegación, así como o seu depósito.

Segundo.-Remitir o texto da revisión do citado convenio á Dirección Xeral de Relacións Laborais da Xunta de Galicia.

Terceiro.-Dispoñer a súa publicación no Diario Oficial de Galicia.

Lugo, 25 de outubro de 2004. Ana Chao Vázquez Delegada provincial de Lugo

Asistentes: * Pola parte empresarial:

Asociación de Empresarios de Sanidade Privada da provincia de Lugo:

José Ramón Criado Lorenzo. Jorge Somoza Lázare.

Asociación de Centros de Hospitalización Privada da Provincia de Lugo:

José Luis Campos Veiga. Pedro Peña Sánchez-Migallón.

* Polas centrais sindicais: CIG (87,5%) : Blanca Calisaya Llerena. Nicolás Cacharrón Prieto. Xosé Vázquez Pérez. Francisco Villanueva González.

UGT (12,5%) : Alfonso Martín Díaz. Elvira Casanova Santos. Eliseo Rivas Pernas (asesor) .

CC. OO. (0%) : Elena Lázare Rincón.

Acta En Lugo, sendo as 17.30 horas do día 30 de setembro de 2004, reúnense nos locais da Confederación de Empresarios de Lugo (praza de Santo Domingo, 6-8, 2º, Lugo) as persoas á marxe relacionadas, integrantes todas elas da comisión negociadora do vixente convenio colectivo da sanidade privada da provincia de Lugo con vixencia desde o 1 de xaneiro de 2001 ata o 31 de decembro de 2003 co obxecto de aprobar e remitir á autoridade laboral competente para a súa publicación as táboas salariais revisadas do convenio con vixencia 2002 e 2003. Logo dos debates correspondentes, adóptanse os seguintes acordos:

Primeiro.-Aplicar a cláusula de revisión salarial prevista para o ano 2002 no artigo 13 do vixente convenio colectivo da sanidade privada da provincia de Lugo e, en consecuencia, aprobar a táboa de salarios anexa con vixencia desde o 1 de xaneiro de 2002 ata o 31 de decembro de 2002.

Segundo.-Aplicar o incremento e cláusula de revisión salarial previstos para o ano 2003 no artigo 13 do vixente convenio colectivo de sanidade privada da provincia de Lugo e, en consecuencia, aprobar a táboa de salarios anexa con vixencia desde o 1 de xaneiro de 2003 ata o 31 de decembro de 2003.

Terceiro.-Durante o ano 2003 o importe da paga extraordinaria de beneficios será, de conformidade co establecido no artigo 16 do vixente convenio colectivo da sanidade privada da provincia de Lugo, de 30 días de salario base máis antigüidade.

Cuarto.-As empresas disporán dun prazo de trinta días, contados desde a publicación desta acta, xunto coas táboas salariais anexas, no BOP de Lugo, para aboarlles aos traballadores os atrasos de salarios a que haxa lugar.

Quinto.-Remitir esta acta, e a táboas de salarios anexas, á autoridade laboral competente para os efectos legais oportunos.

E en proba de conformidade con esta acta, así como coa dilixencia que se fai constar ao seu remate en relación coas modificacións dos membros da comisión negociadora en representación das distintas entidades, asinan esta acta as persoas á marxe citadas en lugar e data indicados no encabezamento.

Rubricado Dilixencia que se fai constar para a modificación dun representante da Asociación de Centros de Hospitalización Privada da Provincia de Lugo na comisión negociadora: Pedro Peña Sánchez-Migallón en substitución de José Ángel Latorre González; dun representante da central sindical CIG na comisión negociadora: Nicolás Cacharrón Prieto en substitución de Margarita Santomé Rivas; e dun representante da central sindical CC. OO. na comisión negociadora: Elena Lázare Rincón en substitución de Dolores Maceda Fernández, sen que as substitucións anteriores supoñan unha modificación nin da representatividade nin do número de representantes de cada entidade que forma parte da comisión negociadora.

Esta norma conten táboas, se desexa consultalas pulse AQUI

(Para poder le-los documentos é necesario o lector Adobe Acrobat)