Sentencia Penal Nº 19, Audiencia Provincial de Pontevedra, Rec 1019 de 03 de Mayo de 2001

O feito de que o acusado pagase algúns alimentos mercados para a súa antiga familia nunha tenda de Poio en nada empece á tipificación delictuosa dos feitós axuizados (artigo 227.1 do Código Penal), pois, a súa obriga legal non consistía nunha graciosa actitude pola súa parte, senón en mensualmente satisfacer a pensión alimenticia a prol do seu fillo nunha contía determinada (35 por cento dos seus ingresos netos mensuais) e na suma de 12.000 pesetas en concepto de pensión compensatoria para a súa ex muller no caso de que o acusado lograse acceder o mercado laboral como así foi segundo os informes anteriormente aludidos da TXSS e do INEM. Noutra orde de cousas, e dada a indeterminación das cantidades adebedadas polo acusado, correcta se amosa a resolución xudicial da instancia deferindo a súa concreta fixación para o trámite de execución de sentencia tal cal así se razoa no fundamento de dereito cuarto da apelada sentencia.