Sentencia Penal Nº 26, Audiencia Provincial de Pontevedra, Rec 1039 de 17 de Abril de 2000

O acusado consideraba ao detido en grave angustia pola necesidade de consumo e, amais diso, gravemente deteriorado na saúde polo que pretendía que puidese consumí-la droga agachada. Non concorren circunstancias modificativas da responsabilidade criminal.Doutra banda, o acusado non nega ter agachada a droga co propósito de que non fose descuberta ainda que engade, en alegación a penas insinuada, que logo se esqueceu de que fixera ese ocultamento. O acusado declara, nembargantes, baixo condicións que ao tribunal lle merecen gran credibilidade no que atinxe ás circunstancias nas que se desenvolve o comportamento do acusado.   Nesas circunstancias, este tribunal non descoñece a doutrina do Tribunal Supremo verbo a subsumibilidade de comportamentos de entrega de droga a familiares ou amigos consumidores a titulo de doazón no tipo penal do tráfego ilícito. Nembargantes, tampouco non descoñece a doutrina asentada en casos de clara similitude co agora axuizado. Singularmente na sentencia TS 2ª, S 20-07-1998, núm. 985/1998, rec. No presente caso: a) non hai difusión, nin contraprestación, tentábase consumo inmediato, sen nutra finalidade que a altruista de amigo para quen estaba na situación propia de consumidor privado de acceso a tóxico, e a cantidade é tan mínima que non acada máis que 72 centésimas de gramo. Polo que conluímos que a conduta do acusado non atopa abeiramento no tipo penal de tráfego ilícito imputado debendo absoverse ao acusado.Deste xeito, por esta a nosa sentencia, da cal se achegará certificación ao rolo da Sala, pronunciámolo, mandámolo e, asemade, asinámolo.