Sentencia Penal Nº 57, Audiencia Provincial de Pontevedra, Rec 1133 de 30 de Mayo de 2000

  Pero o máis salientábel é que a sentencia acaba amosando que non existían tales elementos de abondo para axuizar sen a presencia do acusado. Non se trata xa das máis que necesarias matizacións á doutrina atinxente á avaliación de proba. Ou que non pode admitirse fundar unha decisión probatoria en declaracións sumariais contraditas no xuízo, con abeiramento no artigo 714 da Lei procesual sen denantes facer advertencia á testemuña ou acusado en contradicción, lectura en xuízo oral da previa manifestación na fase de investigación, e posterior interrogatorio precisamente requirindo explicación. E tal elemento de xuízo resulta esencial, asemade, para a defensa do outro acusado apelante don Victoriano. Que, sen entrarnos no fondo dos recursos movidos por don Victoriano P e por don José Luis M (adherido), é mester nós anulármo-lo xuizo oral celebrado fronte aos devanditos acusados, e dese xeito o facemos, mandando que sexa novamente celebrado e emitida sentencia na que, en ningún caso, poderá ser imposta sanción máis onerosa aos acusados da xa posta na agora revogada.