Sentencia Penal Nº 58, Audiencia Provincial de Pontevedra, Rec 1033 de 14 de Noviembre de 2000

 PROCEDIMIENTO ABREVIADO POR DELICTO CONTRA A SAUDE PÚBLICA O acusado posuia, dentro dun bote dos adicados a garda de películas de fotografía, sete paquetes que contiñan cada un cinco palliñas, cheas de heroína ata un peso total de 2,209 g desta substancia con pureza de 60,90%. Non consta que o acusado tentase adicar esa substancia á venda a terceiras persoas. Tampouco consta que momentos antes, unha terceira persona, lle entregase a esta substancia ningunha en pagamento dunha débeda do acusado con ésta, por importe de mil pta. A única imputación a considerar probada é aquela verbo da que versou o xuízo oral, no que se facían dúas imputacións diversas a eses dous acusados: unha a entrega dunha palliña a unha terceira persoa en pagamento dunha débeda; a outra, que a substancia que se lles ocupa era adicada, polos dous, á venda a terceiros. Canto ó adicamento polos acusados ao tráfego da droga que se lles ocupa, as argumentacións do Ministerio Fiscal para xustificar a acusación, refírense á posesión misma da droga; ó feito de que a intervención da policía non é casual, si non froito dunha investigación; alude tamén a contradiccións nas declaracións dos imputados e, por último, refírese a cantidade e pureza da droga ocupada. A este respecto, compre dicir que o acusado presentaba síndrome de abstinencia, sendo consumidor de opiáceos e cocaína. Estas premisas, postas en relación coa pouca cantidade de droga ocupada, non permiten afirmar que a mesma fose adicada á venda. Respecto á entrega da cantidade de droga a unha muller por un dos imputados en pago dunha deuda, o elemento de xuízo alegado pola acusación son as manifestacións de dúas testemuñas, a muller e o seu marido. A muller retráctase do aneriormetne dito no xuízo oral, sendo corroborado este extremo polo seu marido, polo tanto, debe terse por acreditado.