Sentencia Penal Nº 71, Audiencia Provincial de Pontevedra, Rec 1063 de 23 de Octubre de 2000

O agora recorrente en apelación foi na instancia condenado como autor responsable dun delicto contra a seguridade do tráfico, previsto e penado no artigo 379 do vixente Código Penal. Así, no atestado instruído pola policía local de Vilagarcía de Arousa recóselle como na xefatura daquela forza se recibiu o aviso da existencia dun accidente de circulación; e como á chegada ó lugar de dous axentes, son estes requiridos polo dono dun vehículo perfectamente estacionado na beiravía da estrada, contra o que fora o bater o automóbil do acusado tras circular en zigzag quen, á chegada dos devanditos axentes, xa amosaba uns ben nidios síntomas de atoparse baixo o influxo de bebidas alcohólicas por notoriamente cambalearse E tales síntomas etílicos pronto se viron corroborados por canto que, cando os axentes trasladaban ó acusado no coche oficial dende o lugar do sinistro ata as dependencias da policía local, aquel trousou no interior do vehículo, perdeu de xeito momentáneo o coñecemento e, por iso, foi levado ó servicio de urxencias dun centro sanitario no que se negou a ser atendido e, despois, se que se someten ás probas de alcoholemia co resultado xa reflectido na sentencia de 1,18 mgs de alcohol por litro de aire espirado nas Búas medicións practicadas con ata dez minutos de intervalo entre unha e outra. Se desestima el recurso.