Sentencia Penal Nº 74, Audiencia Provincial de Pontevedra, Rec 1066 de 17 de Septiembre de 1999

  Establecéndose así, con carácter xenérico, que non podería circular polas vías públicas o conductor de vehículos cunha taxa de alcohol en sangue superior a 0,5 gramos por litro, ou de alcohol en aire espirado superior a 0,25 miligramos por litro. Mais e como ben se lembra polo apelante no seu recurso, téndose tal reforma plasmada no Boletín Oficial do Estado 266/1998, do 6 de novembro de 1998, e non entrando en vigor ata que dende tal data transcorresen seis meses, tales índices de alcoholemia non lle poderían a el ser aplicados por mor da ocorrencia dos feitos axuizados o 15 de novembro de 1997.Agora ben, coa lembranza dunha lexislación que non lle podía ser aplicada retroactivamente, remata aí todo o éxito da impugnación formulada, canto máis que, como non podía ser doutra forma, a Xulgadora a quo non fixo uso da mesma.E pola xurisprudencia ó respecto tense subliñado que a proba de impregnación alcohólica pode dar lugar tras ser valorada conxuntamente con outras probas, á condena do conductor do vehículo, pero nin é a única proba que pode producir esta condena nin é unha proba imprescindible para a súa existencia (así as Sentencias do Tribunal Constitucional 252/1994, do 19 de setembro, e a ben recente 111/1999 de 14 de xuño).