Estractu de la Resolución de 7 de mayu del 2018, de la Conseyería d'Educación y Cultura, pola que s'aprueba la convocatoria de la 10.ª edición del Premiu 'Alfonso Iglesias' de Cómic en llingua asturiana. [Cód. 2018-05138] - Boletín Oficial del Principado de Asturias de 23-05-2018

TIEMPO DE LECTURA:

  • Boletín: Boletín Oficial del Principado de Asturias
  • Tipo: Premios
  • Plazo: Ver Detalles , 23/05/2018 hasta ----
  • Documento en formato PDF

BDNS(Identif.): 399023.

D'alcuerdu colo previsto nos artículos 17.3.b y 20.8.a de la Llei 38/2003, de 17 de payares, Xeneral de Subvenciones, publícase l'estractu de la convocatoria que'l so testu completu pue consultase na Base de Datos Nacional de Subvenciones (http://www.pap.minhap.gob.es/bdnstrans/index).

Primero.-Beneficiarios:

Va poder presentase a esti premiu cualquier persona, ensin distinción de nacionalidá, siempre que nun resultare ganadora na edición anterior.

Segundo.-Oxetu:

Concesión del premiu a un cómic escritu en llingua asturiana d'estilu, tratamientu y tema llibres, pudiendo abarcar el desarrollu d'una historia única o un conxuntu d'historias (rellacionaes o non ente sigo).

Tercero.-Bases reguladores:

Por Resolución de la Conseyería de Cultura y Turismu (actual Conseyería d'Educación y Cultura) de 5 de marzu del 2009 (BOPA de 27 de marzu del 2009) aprobáronse les bases reguladores del Premiu 'Alfonso Iglesias' de Cómic en llingua asturiana, que foron modificaes por Resolución de 23 de xunetu del 2015 (BOPA de 30 de xunetu del 2015).

Cuarto.-Importe:

3.000,00 euros.

Quinto.-Plazu de presentación de solicitúes:

Dende l'otru día de publicase l'estractu d'esta convocatoria en BOPA hasta'l 3 de septiembre del 2018 (día incluyíu).

Sesto.-Otros datos d'interés:

- Pa participar habrá presentase un proyectu inicial con una estensión mínima de quince páxines.

- Les obras han presentase en dos sobres cerraos nos que figure'l nome del Premiu y se faga constar el títulu de la obra y el seudónimu del autor/a. El sobre A ha contener datos del autor/a (señes, teléfonu y un currículum d'estensión curtía); nel sobre B ha incluyise l'orixinal y cuatro copies del testu en formato papel y un archivu de la obra en formatu dixital.

- La Conseyería d'Educación y Cultura guárdase'l derechu de publicar n'esclusiva la primer edición de la obra premiada, dando por pagos col premiu los derechos d'autor d'esta primer edición.

- Na sede electrónica del Principáu d'Asturies (https://sede.asturias.es) pue consultase la Ficha de Serviciu: códigu 200951016, onde se va atopar el testu íntegru de la Resolución y información complementaria.

Uviéu, a 7 de mayu del 2018.-El Conseyero de d'Educación y Cultura, Genaro Alonso Megido.-Cód. 2018-05138.

Cultura
Educación