Estractu de la Resolución de 7 de mayu del 2018, de la Conseyería d'Educación y Cultura, pola que s'aprueba la convocatoria de la 24.ª edición del Premiu 'Máximo Fuertes Acevedo' d'Ensayu en llingua asturiana. [Cód. 2018-05159] - Boletín Oficial del Principado de Asturias de 23-05-2018

TIEMPO DE LECTURA:

  • Boletín: Boletín Oficial del Principado de Asturias
  • Tipo: Premios
  • Plazo: Ver Detalles , 23/05/2018 hasta ----
  • Documento en formato PDF

BDNS(Identif.): 399016.

D'alcuerdu colo previsto nos artículos 17.3.b y 20.8.a de la Llei 38/2003, de 17 de payares, Xeneral de Subvenciones, publícase l'estractu de la convocatoria que'l so testu completu pue consultase na Base de Datos Nacional de Subvenciones (http://www.pap.minhap.gob.es/bdnstrans/index).

Primero.-Beneficiarios:

Va poder presentase a esti premiu cualquier persona, ensin distinción de nacionalidá, siempre que nun resultare ganadora na edición anterior.

Segundo.-Oxetu:

Concesión del premiu a un ensayu escritu en llingua asturiana con una estensión mínima de cincuenta páxines escrites a espaciu doble. La obra, de tema, xéneru y estructura llibre, ha reunir les característiques del xéneru ensayísticu na so amplitú y habrá ser inéditu y non premiáu n'otros concursos.

Tercero.-Bases reguladores:

Por Resolución de la Conseyería de Cultura y Turismu (actual Conseyería d'Educación y Cultura) de 5 de marzu del 2009 (BOPA de 27 de marzu del 2009) aprobáronse les bases reguladores del Premiu 'Máximo Fuertes Acevedo' d'Ensayu en llingua asturiana.

Cuarto.-Importe:

3.000,00 euros.

Quinto.-Plazu de presentación de solicitúes:

Dende l'otru día de publicase l'estractu d'esta convocatoria en BOPA hasta'l 17 de setiembre del 2018 (día incluyíu).

Sesto.-Otros datos d'interés:

- Les obras han presentase en dos sobres cerraos nos que figure'l nome del Premiu y se faga constar el títulu de la obra y el seudónimu del autor/a. El sobre A ha contener datos del autor/a (señes, teléfonu y un currículum d'estensión curtia); nel sobre B ha incluyise l'orixinal y cuatro copies del testu en formato papel.

- La Conseyería d'Educación y Cultura guárdase'l derechu de publicar n'esclusiva la primer edición de la obra premiada, dando por pagos col premiu los derechos d'autor d'esta primer edición.

- Na sede electrónica del Principáu d'Asturies (https://sede.asturias.es) pue consultase la Ficha de Serviciu: códigu 200293, onde se va atopar el testu íntegru de la Resolución y información complementaria.

Uviéu, 7 de mayu del 2018.-El Conseyeru d'Educación y Cultura, Genaro Alonso Megido.-Cód. 2018-05159.

Cultura
Educación