Estractu de la Resolución de 7 de mayu del 2018, de la Conseyería d'Educación y Cultura, pola que s'aprueba la convocatoria de subvenciones a medios de comunicación pa la normalización social del asturianu y, nel so ámbitu, del gallego-asturianu, en réxime de concurrencia competitiva. [Cód. 2018-05155] - Boletín Oficial del Principado de Asturias de 23-05-2018

TIEMPO DE LECTURA:

  • Boletín: Boletín Oficial del Principado de Asturias
  • Tipo: Convocatorias
  • Plazo: Ver Detalles , 23/05/2018 hasta ----
  • Beneficiarios: Empresas y autónomos
  • Documento en formato PDF

BDNS(Identif.): 399024.

D'alcuerdu colo previsto nos artículos 17.3.b y 20.8.a de la Llei 38/2003, de 17 de payares, Xeneral de Subvenciones, publícase l'estractu de la convocatoria que'l so testu completu pue consultase na Base de Datos Nacional de Subvenciones (http://www.pap.minhap.gob.es/bdnstrans/index).

Primero.-Beneficiarios:

Va poder solicitar estes subvenciones cualquier empresa privada (persona física o xurídica) titular d'un mediu de comunicación d'ámbitu asturianu y que tenga'l so domiciliu social, establecimientu o delegación comercial nel Principáu d'Asturies.

Segundo.-Oxetu:

Concesión d'ayudes económiques en réxime de concurrencia competitiva a empreses periodístiques, radiofóniques, televisives o d'Internet, poles inversiones realizaes na producción d'espacios onde s'use l'asturianu, o'l gallego-asturianu nel so ámbitu, bien de manera habitual n'informaciones xenerales, bien n'espacios periódicos y fixos, bien en programes estraordinarios d'interés especial, pero siempre que tal usu contribuya a la normalización y dignificación del usu social de la llingua y seyan espacios configuraos como propios del mediu de comunicación y asumíos por él.

Tercero.-Bases reguladores:

Por Resolución de la Conseyería d'Educación y Cultura de 13 de mayu del 2016 (BOPA de 9 de xunu del 2016) aprobáronse les bases reguladores de subvenciones a medios de comunicación pa la normalización social del asturianu y, nel so ámbitu, del gallego-asturianu, en réxime de concurrencia competitiva.

Cuarto.-Importe:

90.000,00 euros.

Quinto.-Plazu de presentación de solicitúes:

Venti díes hábiles a cuntar dende l'otru día de publicase l'estractu d'esta convocatoria en BOPA.

Sesto.-Otros datos d'interés:

- Les actividaes o proyectos oxetu d'esta convocatoria han tar acabaes el 30 de payares del 2018, día inclusive.

- El plazu de xustificación va acabar el día 30 de payares del 2018, día inclusive.

- Na sede electrónica del Principáu d'Asturies (https://sede.asturias.es) ta publicada la Ficha de Serviciu: códigu 2002114, onde se va atopar el testu íntegru de la Resolución, información complementaria, el formulariu normalizáu de solicitú y la posibilidá de facer electrónicamente la solicitú.

Uviéu, 7 de mayu del 2018.-El Conseyeru d'Educación y Cultura, Genaro Alonso Megido.-Cód. 2018-05155.

Asturiano
Empresa
Cultura
Comercio y marketing
Prensa
Medios de comunicación
Educación