Resolución de 18 de payares del 2015, de la Conseyería d'Educación y Cultura, pola que se modifica la Resolución de 14 de xunetu del 2015 pola que s'aprueba la convocatoria de subvenciones a medios de comunicación pa la normalización social del asturianu y, nel so ámbitu, del gallego-asturianu, en réxime de concurrencia competitiva. [Cód. 2015-17293] - Boletín Oficial del Principado de Asturias de 03-12-2015

TIEMPO DE LECTURA:

  • Boletín: Boletín Oficial del Principado de Asturias
  • Tipo: Modificacion de subvenciones
  • Plazo: Ver Detalles , 03/12/2015 hasta ----
  • Documento en formato PDF

Esamináu l'espediente de referencia, resulten estos

Antecedentes de fechu

Primero.-Por Resolución de la Conseyería d'Educación, Cultura y Deporte de 20 de xunu del 2014 (BOPA de 27 de xunu del 2014) aprobáronse les bases reguladores de subvenciones a medios de comunicación pa la normalización social del asturianu y, nel so ámbitu, del gallego-asturianu, en réxime de concurrencia competitiva.

Segundo.-Por Resolución de 16 de febreru del 2015 de la Conseyería d'Educación, Cultura y Deporte (BOPA n.u 47, de 26 de febreru del 2015) apruébase'l Plan Estratéxicu de Subvenciones pal exerciciu 2015, que nel so Anexu I incluye la llinia de subvenciones a medios de comunicación pa la normalización social del asturianu y, nel so ámbitu, del gallego-asturianu.

Tercero.-Por Resolución de 1 de xunetu del 2015 de la Conseyería d'Educación, Cultura y Deporte (BOPA n.u 157, de 8 de xunetu del 2015) apruébase la primer modificación de les Bases reguladores de la concesión de subvenciones a medios de comunicación pa la normalización social del asturianu y, nel so ámbitu, del gallego-asturianu en réxime de concurrencia competitiva.

Cuarto.-Por Resolución de 14 de xunetu del 2015 apruébase la convocatoria de subvenciones a medios de comunicación pa la normalización social del asturianu y, nel so ámbitu, del gallego-asturianu, en réxime de concurrencia competitiva (BOPA n.u 170, de 23 de xunetu del 2015).

Fundamentos de derechu

Primero.-L'artículu 38, apartáu i), de la Llei 6/1984, de 5 de xunetu, del Presidente y del Conseyu de Gobiernu; l'artículu 21, párrafu 4 de la Llei 2/1995, de 13 de marzu, sobre Réxime Xurídicu de l'Alministración del Princiáu d'Asturies, y l'artículu 5 del Decretu 6/2015, de 28 de xunetu, del Presidente del Principáu, de reestructuración de les Conseyeríes qu'integren l'Alministración de la Comunidá Autónoma, no que fai a la determinación de les competencies y facultaes del Ilmo. Sr. Conseyeru d'Educación y Cultura pa tomar esta resolución, y n'especial, lo previsto n'artículu 3 del Decretu 71/92, de 29 d'ochobre, pol que se regula'l réxime xeneral de concesión de subvenciones, que señala que los titulares de les Conseyeríes son los órganos competentes pa otorgar les subvenciones y ayudes dientro del ámbitu de la so competencia, previa consignación presupuestaria pa esti fin.

Segundo.-La competencia pa disponer el gastu correspuende al titular de la Conseyería d'Educación y Cultura acordies colo que se dispón nos artículos 8 y 41 de la Llei de Réxime Económicu y Presupuestariu del Principáu d'Asturies, testu refundíu aprobáu por Decretu Llexislativu 2/1998, de 25 de xunu y l'artículu 8.1 de la Llei del Principáu d'Asturies 11/2014, de 29 d'avientu, de Presupuestos Xenerales pal 2015.

Tercero.-La Llei 38/2003, de 17 de payares, Xeneral de Subvenciones, establez nel so artículu 23.2 el conteníu mínimu de les convocatories aprobaes pol órganu competente.

Al respective d'esti artículu, y considerando lo que se dispón nes bases reguladores aprobaes por Resolución de la Conseyería d'Educación, Cultura y Deporte de 20 de xunu del 2014, y modificaes por Resolución de 1 de xunetu del 2015 de la Conseyería d'Educación, Cultura y Deporte (BOPA n.u 157, de 8 de xunetu del 2015), nel «Resuelvo Segundo, puntu 10» de la convocatoria aprobada pola mentada Resolución de 14 de xunetu del 2015 s'establez, no que fai a la xustificación de la subvención, que'l plazu máximu pa la xustificación de les ayudes concedíes va ser el 4 d'avientu del 2015.

En consecuencia, vistos los preceptos llegales mentaos y demás d'aplicación xeneral, y teniendo en cuenta les feches nes que se publicó la convocatoria, y cola mira de posibilitar que'l plazu temporal ente la publicación de la resolución de concesión y la fecha máxima de xustificación seya más afayadizu, pola presente

RESUELVO

Primero.-Modificar el Resuelvo Segundo, puntu 10 párrafu terceru («Xustificación de la subvención») de la convocatoria aprobada por Resolución de 14 de xunetu del 2015, pola que s'aprueba la convocatoria de subvenciones a medios de comunicación pa la normalización social del asturianu y, nel so ámbitu, del gallego-asturianu, en réxime de concurrencia competitiva, nesti sentíu:

Onde diz: 'el plazu máximu pa la xustificación de les ayudes concedíes va ser el 4 d'avientu del 2015.'

Tien de dicir: 'el plazu máximu pa la xustificación de les ayudes concedíes va ser el 18 d'avientu del 2015.'

Segundo.-Que se disponga la publicación d'esta Resolución nel Boletín Oficial del Principáu d'Asturies.

Esti actu termina la vía alministrativa y va poder ser recurrida potestativamente en reposición, énte'l conseyeru d'Educación y Cultura, nel plazu d'un mes computáu dende'l día siguiente al de la so publicación nel Boletín Oficial del Principáu d'Asturies, o ser directamente impugnada énte la Sala de lo Contencioso-Alministrativu del Tribunal Superior de Xusticia d'Asturies, nel plazu de dos meses contaos dende la publicación de la resolución, ensin perxuiciu de cualesquier otru recursu que consideren procedente interponer en defensa de los sos intereses.

Oviedo, a de 18 de payares del 2015.-El Conseyeru d'Educación y Cultura, Genaro Alonso Megido.-Cód. 2015-17293.

Cultura
Medios de comunicación
Asturiano
Deporte
Deporte
Promoción deportiva
Educación