Calendario. Convenio Colectivo de Sector de CONSTRUCCION Y OBRAS PUBLICAS (32000155011981) de Ourense

Unha vez visto o texto da acta na que se acorda o axuste do calendario laboral anual para o ano 2006 do Convenio colectivo da Construción da provincia de Ourense (publicado no BOP n.º 163, do 18 de xullo de 2005, e con núm. de código de convenio 3200155), que foi subscrito o día 29 de decembro de 2005, polos membros da Comisión Paritaria do convenio en representación da parte económica e da parte social, e de conformidade co disposto no artigo 90.2 e 3 do Estatuto dos traballadores, texto refundido aprobado polo Real decreto lexislativo 1/1995, do 24 de marzo, Real decreto 1040/81, do 22 de maio, sobre rexistro e depósito de convenios colectivos de traballo e Real decreto 2412/82, do 24 de xullo, sobre traspaso de funcións e servizos da Administración do Estado á Comunidade Autónoma de Galicia, en materia de traballo e demais normas aplicables de dereito común, esta Delegación Provincial

Acorda:

Ordenala súa inscrición no libro de rexistro de convenios colectivos de traballo, que consta nesta Delegación Provincial, e notificación ás representacións económica e social da comisión negociadora.

Ordenalo seu depósito no Servizo de Relacións Laborais, Unidade de Mediación, Arbitraxe e Conciliación (UMAC).

Dispoñela súa publicación no Boletín Oficial da Provincia.

Ourense, 18 de xaneiro de 2006. A delegada provincial. Asdo.: Carmen Rodríguez Dacosta.

MCA-UGT: D. Javier Carreiro Vázquez

FECOMA-CCOO: D. Antonio Pérez Jácome

FCM-CIG: D. Xan Losada González

ACO:

- D.ªAna Linares Álvarez

- D.ªFrancisca Iglesias Menor

- D. Francisco Javier Limia Feijoo

- D. Jaime Fernández Añel

- D. Manuel Novoa Velo

- D. Aníbal Gamallo Zarza

- D. Cesáreo Fernández Ríos

- D. José Antonio Pérez Fernández

En Ourense, sendo as 19: 00 horas do día xoves 29 de decembro de 2005, reúnense nos locais da Asociación Provincial de Empresarios da Construción de Ourense (ACO) os sinalados na marxe, previamente convocados para os efectos, partes lexitimadas para asinar convenios ou acordos sectoriais da construción de ámbito provincial. Preside a xuntanza D. Xan Losada González, nomeándose secretario D. Cesáreo Fernández Ríos.

Único punto da orde do día: calendario laboral para 2006. Previa deliberación, posterior debate e votación, adóptase o seguinte acordo:

Acordo único adoptado por unanimidade: as partes lexitimadas para negocialo Convenio Provincial do Sector da Construción da Provincia de Ourense, para axustar o calendario anual ás 1746 horas establecidas no artigo 72.1 do vixente Convenio Xeral do Sector da Construción, fixan como días non laborables do sector da construción para o ano 2006 os seguintes:

27 de febreiro (luns de Entroido), 24 de xullo, 14 de agosto, 13 de outubro, 4, 5 e 7 de decembro.

Non obstante o anterior, para respectalo cómputo da xornada laboral anual de 1746 horas vixente, os traballadores recuperarán dúas horas ordinarias de traballo que farán a maiores durante o mes de novembro de 2006 e subsidiariamente nas datas que fixen de común e mutuo acordo empresa e traballador.

As datas establecidas como días non laborables poderán permutarse por outras diferentes, previo acordo entre empresa e traballador.

Cando un festivo local coincida con algún día non laborable do convenio, este pasarase ó anterior ou posterior día laborable.

Estes días así establecidos non computarán para os efectos de goce das vacacións.

Facúltase a D. Cesáreo Fernández Ríos para presentar esta acta ante a Delegación Provincial da Consellería de Traballo, para o seu rexistro, inscrición, depósito e publicación.

Este acordo apróbase por unanimidade. E non habendo máis asuntos que tratar remata a sesión, trala lectura e aprobación por unanimidade desta acta, sendo as 20: 30 horas do día da data, asinando por septuplicado, e para un só efecto.