Última revisión
Revision. Convenio Colectivo de Empresa de CARLOS SABUCEDO GOMEZ PANADERIAS (32001042012005) de Ourense
Empresa Provincial. Versión VIGENTE. Validez desde 01 de Enero de 2007 en adelante
Revision salarial do convenio colectivo da empresa Carlos Sabucedo Gomez, Panaderia, de Ourense para o ano 2007 (Boletín Oficial de Ourense num. 8 de 11/01/2007)
Unha vez visto o texto da revisión salarial do convenio colectivo da empresa Carlos Sabucedo Gómez (Panadería) da provincia de Ourense para o ano 2007 (código de convenio núm. 3201042) (publicado no BOP n.º 69, do 25 de marzo de 2003) subscrito o día 23 de novembro de 2006, dunha parte, en representación da parte empresarial, polo representante da empresa, e doutra parte, en representación dos traballadores da empresa, polo delegado de persoal, e de conformidade co disposto no artigo 90.2 e 3 do Estatuto dos traballadores, texto refundido aprobado polo Real decreto 1/1995, do 24 de marzo, Real decreto 1040/1981, do 22 de maio, sobre rexistro e depósito de convenios colectivos de traballo, e Real decreto 2412/1982, do 24 de xullo, sobre traspaso de funcións e servizos da administración do Estado á Comunidade Autónoma de Galicia, en materia de traballo e demais normas aplicables de dereito común, esta delegación provincial acorda:
Primeiro.- Ordenala súa inscrición no libro de rexistro de convenios colectivos de traballo que consta nesta delegación provincial e notificación ás representacións económica e social da comisión negociadora.
Segundo.- Ordenalo seu depósito no Servizo de Relacións Laborais, Unidade de Mediación, Arbitraxe e Conciliación (UMAC).
Terceiro.- Dispoñela súa publicación no Boletín Oficial da Provincia.
Ourense, 7 de decembro de 2006. A delegada provincial. Asdo.: Carmen Rodríguez Dacosta.
En Toén, a vinte e tres de novembro de dous mil seis.
Reunidos, dunha parte, don Carlos Sabucedo Gómez, con DNI n.º34.931.971- P, veciño de Toén, con domicilio en San Pedro de Moreiras, como representante da empresa Carlos Sabucedo Gómez, e doutra parte, don Manuel García Iglesias, con DNI n.º 34.907.100- T, veciño de Toén, con domicilio en Patín, Moreiras como representante dos traballadores da empresa Carlos Sabucedo Gómez, expoñen:
I. Que se reuniron na data que consta no encabezamento para o estudo e sinatura da actualización das táboas salariais para o ano 2007, substituíndo as novas ás que rexían anteriormente.
Aprobouse un aumento do salario do 5%, aumentando o salario da categoría de limpador nun 6%, previndo a posibilidade de que o aumento dun 5% deixase o salario inferior ó novo salario mínimo interprofesional.
Que tralas correspondentes deliberacións e votacións aprobáronse as seguintes actualizacións:
Salarios 2007
Mes de 30 días
Categorías; Salario Base; Beneficios 15%; Gratificación Horario; Nocturnidade; Total mes
Pala; 792,09; 118,92; 15,73; 54,02; 980,66
Masa; 771,49; 115,73; 15,73; 54,02; 956,97
Mesa; 757,04; 113,56; 15,73; 54,02; 940,35
Axudante; 737,91; 110,69; 15,73; 54,02; 918,35
Mordomo; 771,13; 771,13
Repartidor despachos; 757,04; 757,04
Repartidor domicilio; 712,26; 712,26
Oficial administrativo; 819,01; 819,01
Chofer Repartidor; 792,08; 792,08
Limpador; 573,36; 573,36
A empresa. Asdo.: Carlos Sabucedo Gómez.
Representante dos traballadores.
Asdo.: Manuel García Igrexas.