Revision. Convenio Colectivo de Sector de LOUSA DE OURENSE E LUGO (82000215011993) de Galicia

Visto o texto do acordo subscrito con data do 30 de xaneiro de 2013 entre o representante de FITAG-UGT-Galicia, José Paradelo Arias, e o vicepresidente e representante da Asociación Gallega de Pizarristas, Jesús Vidal Corcoba, asinantes do convenio colectivo do sector da lousa das provincias de Ourense e Lugo, relativo á aplicación da revisión salarial para o ano 2013, e de conformidade co disposto no artigo 90.2 e 3 do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 713/2010, do 28 de maio, sobre rexistro e depósito de convenios e acordos colectivos de traballo.

A Dirección Xeral de Traballo e Economía Social,

ACORDA:

Primeiro. Ordenar o seu rexistro e depósito no Rexistro de Convenios e Acordos Colectivos de Traballo da Comunidade Autónoma de Galicia, creado mediante Orde do 29 de outubro de 2010 (DOG nº 222, do 18 de novembro).

Segundo. Dispoñer a súa publicación no Diario Oficial de Galicia.

Santiago de Compostela, 19 de febreiro de 2013

Odilo Martiñá Rodríguez

Director xeral de Traballo e Economía Social

ANEXO

Os salarios establecidos no grupo 5º para rachador, cortador, embalador e descargador de carros aplicaranse a aqueles traballadores que leven seis meses no desempeño do oficio; ata tal data o seu salario será o establecido para o auxiliar de oficios. Así mesmo, o salario establecido para o labrador aplicarase a aqueles traballadores que leven máis de dous anos no desempeño do oficio, xa que até un ano o seu salario será o establecido para un cortador e dun a dous anos o seu salario será o seguinte: salario base: 33,10 euros, complemento de asistencia: 13,98 e salario/mes: 1.286,58 euros.

O establecido neste número sobre salarios supón a aplicación dos respectivos grupos de cotización á Seguridade Social, en función del.

Os traballadores menores de 17 anos e os de 17 anos terán, respectivamente, os salarios seguintes: salario base 30,86 e 31,14 euros, complemento de asistencia: 2,65 e 4,06 euros, salario/mes: 981,45 e 1.019,46 euros.

Táboa salarial do convenio colectivo da lousa do ano 2013