C. Colectivo. Convenio Colectivo de Empresa de CONCELLO DE TUI. PERSONAL FUNCIONARIO de Pontevedra

Visto o texto do acordo regulador das condicións de emprego do persoal funcionario do CONCELLO DE TUI, que tivo entrada nesta Delegación Provincial da Consellería de Traballo o día 12.11.07, subscrito en representación da parte económica por unha representación do concello, e, da parte social, pola xunta de persoal Mesa de Negociación Unitaria, en data 27.02.07, e aprobado polo Pleno da Corporación Municipal de Tui, en sesión extraordinaria o día 22.05.07, e de conformidade co disposto no artigo 36 ( na súa nova redacción dada pola Lei 7/1990, do 19 de xullo) da Lei 9/1987, do 12 de xuño, de órganos de representación, determinación das condicións de traballo e participación do persoal ó servicio das administracións públicas, esta delegación provincial,

ACORDA:

Primeiro. Ordenar a súa inscrición no libro re xistro de convenios colectivos de traballo, obrante nesta delegación provincial, e notificación ás re presentacións económica e social da comisión negociadora.

Segundo. Ordenar o seu depósito no Servicio de Relacións Laborais, Sección de Mediación, Arbitraxe e Conciliación.

Terceiro. Dispoñer a súa publicación, no Boletín Oficial da provincia.

ACORDO REGULADOR DAS CONDICIÓNS DE EMPREGO DO PERSOAL DO CONCELLO DE TUI

EXPOSICIÓN DE MOTIVOS

O obxectivo do presente Acordo Regulador non é outro que o da regulación das condicións de emprego do conxunto do persoal funcionario do Concello de Tui.

Por todo iso e de conformidade co disposto nas leis e normativa legal aplicable, as partes negociadoras acordan a subscrición da proposta de Acordo Regulador das condicións de emprego do persoal funcionario ó servizo do Concello de Tui.

CAPÍTULO I DISPOSICIÓNS XERAIS

ARTIGO 1 º .ÁMBITO TERRITORIAL

Este Acordo Regulador será de aplicación na Entidade Pública Local do Concello de Tui que o asume na súa totalidade, trala negociación colectiva ó nivel correspondente.

ARTIGO 2 º .ÁMBITO FUNCIONAL

Incluese expresamente a totalidade dos Entes públicos que podan formar parte do Concello de Tui.

ARTIGO 3 º .ÁMBITO PERSOAL

O Acordo aplicarase:

1. Integramente a funcionarios de carreira.

2. Será tamén de aplicación, en todo aquelo que sexa compatible coa natureza da súa relación de emprego, ós:

a) Funcionarios interinos

b) Funcionarios en prácticas.

ARTIGO 4 º .ÁMBITO TEMPORAL, VIXENCIA E DENUNCIA

1. O Acordo Regulador entrará en vigor o día en que sexa aprobado polo Pleno do Concello, en todo caso sempre que houbesen transcurrido os prazos legais previstos nas ordenanzas da Lei 7/1985 de 2 de Abril LRBRL no seu artigo 65.2, independentemente da data de publicación preceptiva no respectivo BOP, abarcando o seu período de vixencia dende o 1 de xaneiro de 2.007 ate o 31 de decembro de 2.010, período que non obstante entenderase prorrogado por anualidades de non existir denuncia dalgunha das partes ata a entrada en vigor do novo Acordo Regulador que substitúa ó anterior trala oportuna negociación.

2. Ámbalas partes conveñen que o Acordo se considerará denunciado cando así se faga con tres meses de antelación á finalización da sua vixencia ou de calquera prórroga, a fin de inicialas negociacións e deliberacións do novo acordo en data non posterior a un mes contado a partir da data de denuncia.

ARTIGO 5 º .OBXECTO

O Acordo regula e facilita o normal desenvolvemento das relacións de traballo do persoal da Entidade Local, rectifica os anteriores Acordos naqueles extremos que modifica e substitúe e renova aquelas materias nas que se produzan alteracións.

ARTIGO 6 º .CARÁCTER

O Acordo pretende ter un carácter necesario e indivisible para tódolos efectos no sentido de que as condicións pactadas neste constitúen un todo orgánico e unitario.

ARTIGO 7 º .CONDICIÓNS MÁIS BENEFICIOSAS

Manteranse a nivel de persoas determinadas, condicións que superen ó Acordo e estean recoñecidas con anterioridade a este.

ARTIGO 8 º .IRRENUNCIABILIDADE

Terase por nula e non por feita, a renuncia por parte dos/as traballadores/ as, de calquera beneficio establecido no Acordo.

Así mesmo, unha vez aplicado este Acordo, tacharase de nulidade e sen ningún efecto, calquera outro acordo, resolución ou cláusula que impliquen condicións menos beneficiosas para os empregados públicos locais.

ARTIGO 9 º .APLICACIÓN FAVORABLE

Como norma xeral unha vez aplicado o Acordo, e trala consulta á Comisión Paritaria Mixta de Control e Seguimento, tódalas condicións establecidas no Acordo, en caso de dúbida, ambigüidade ou escuridade, en canto ó sentido e alcance, deberán ser interpretadas e aplicadas do xeito que resulte máis beneficioso para os/as empregados /as do Concello de Tui.

ARTIGO 10 º .APLICACIÓN DIRECTA

As partes asinantes do Acordo ó nivel que sexa, comprométense á aplicación directa deste e a non promover cuestións que puideran supoñer modificacións das condicións pactadas no texto.

ARTIGO 11 º .PUBLICIDADE DO ACORDO REGULADOR

Con independencia da súa aprobación polo Pleno Municipal, será publicado no Boletín Oficial da Provincia de Pontevedra, a publicidade do devandito efectuarase por conta do Concello.

A publicidade do devandito efectuarase por conta do Concello, asegurándose que todo o persoal do Concello dispoñan dun exemplar gratuíto do mesmo.

ARTIGO 12 º .CONFLICTIVIDADE LABORAL

Antes de adoptar medidas disciplinarias ou actitudes conflictivas de carácter colectivo, as partes asinantes do Acordo comprométense a esgotala vía do diálogo, dentro da propia institución acudindo a Comisión Paritaria Mixta.

CAPÍTULO II SEGUIMENTO E CONTROL

ARTIGO 13 º .COMISIÓN PARITARIA MIXTA DE CONTROL E SEGUIMENTO DO ACORDO REGULADOR

1. Para examinar e resolver cantas cuestións se deriven da interpretación, vixilancia, control e aplicación do Acordo, a Mesa Negociadora deste, designa, de entre os seus compoñentes sinatarios, unha Comisión Paritaria Mixta de Control e Seguimento do Acordo, coa configuración seguinte: 3 delegados electos do Concello en representación dos Sindicatos, e 3 membros designados pola Corporación.

2. A Comisión Paritaria Mixta contará cun secretario/a, que será un técnico designado polo Concello, tomará nota do tratado nas reunións desta, re dactando acta e actuando de fedatario con voz pero sen voto, dos acordos adoptados. Así mesmo o secretario terá as funcións seguintes:

a) Convocar ás partes coa antelación e forma debida.

b) Dar entrada, rexistrar e distribuír, entre os membros da Comisión, as consultas e solicitudes recibidas.

c) Levar un Rexistro das actas aprobadas e librar certificacións dos acordos adoptados.

d) Cantos outros cometidos lle sexan encomendados pola Comisión Paritaria de Control e Seguimento para o mellor funcionamento desta.

3. A Comisión Paritaria de Control e Seguimento terá as seguintes funcións:

a) Interpretación auténtica do texto do Acordo, na súa aplicación práctica.

b) Resolución definitiva para as partes solicitantes ou implicadas de cantos asuntos e re clamacións se sometan á súa decisión respecto a calquera das condicións establecidas no Acordo. Naqueles casos complexos e con especificidade concreta nun Ente, a resolución non será de aplicación ó resto das institucións, salvo que estas o pidan expresamente.

c) Vixilancia do cumprimento colectivo e total do pactado no Acordo segundo as oportunas recomendacións e interpretacións.

d) Denuncia do incumprimento do Acordo.

e) Estudio da evolución das relacións entre as partes sinatarias do Acordo.

f) Informe referente a extensión e o grao de aplicación do Acordo, dificultades encontradas a nivel de cada entidade e propostas de superación destas.

g) Negociar, redactar, formalizar e asinalo texto do Acordo por delegación da súa Mesa Negociadora.

h) Emitir informes cando así lle sexa solicitado, en relación coas propostas de clasificación e valoración de postos de traballo antes da súa aprobación polos órganos competentes das Entidades Locais correspondentes.

i) Cantas outras actividades tendan á maior eficacia práctica do Acordo ou veñan establecidas no seu texto.

l) Calquera outra que, se é seu caso, poidan serlle atribuídas ó amparo de disposicións que no futuro se promulguen.

4. A Comisión Paritaria Mixta de Control e Seguimento poderá utilizalos servizos ocasionais ou permanentes de asesores, con voz pero sen voto.

5. A Comisión Paritaria Mixta de Control e Seguimento recibirá cantas consultas e reclamacións lle sexan formuladas por escrito respecto a cuestións da súa competencia, pero tan só polas vías procedimentais seguintes:

a) Por medio das Centrais Sindicais máis representativas e as sinatarias do Acordo.

b) A través de solicitude escrita realizada polos traballadores/as da Entidade Local.

6. A Comisión reunirase:

a) Con carácter ordinario, trimestralmente o día que oportunamente se sinale.

b) Con carácter extraordinario cando o soliciten polo menos o 50% dos seus compoñentes.

c) As sesións da Comisión Paritaria celebraranse no enderezo desta, aínda que poderán efectuarse tamén en calquera outro lugar, tralo acordo dos voceiros, estando a asistencia a elas reservada ós membros e asesores correspondentes.

7. As convocatorias das diversas sesións da Comisión Paritaria Mixta, as realizará o secretario /a, co visto e prace dos voceiros, mediante citación por escrito na que conste, lugar, data e hora, así como a orde do día, enviándose por correo certificado ás partes cunha antelación mínima de cinco días naturales, respecto da data prevista de celebración, no caso de que convoque a sesión ordinaria, e dous días naturais para o caso en que se cite á sesión extraordinaria.

8. A orde do día das diversas sesións da Comisión Paritaria Mixta será fixada polo Presidente/a, co visto e prace dos voceiros, conforme ó disposto en acordo previo entre os respectivos voceiros.

9. En todo caso, os membros da Comisión e asesores das partes que teñan a condición de empregados/as públicos en activo, terán dereito á correspondente licencia retribuída por todo o tempo necesario para o axeitado cumprimento da súa misión como tales membros ou asesores; o tempo invertido polos delegados/as de persoal do Concello nas reunións da Comisión Paritaria Mixta, non será computado como horas sindicais.

10. Para que as sesións da Comisión Paritaria Mixta poidan celebrarse validamente será precisa a asistencia de, polo menos, o 50% dos compoñentes da Comisión, así como a do secretario/a ou dos que ós substitúan nos seus cargos, en primeira convocatoria, establecendose unha segunda convocatoria do 25% de cada parte ?hora máis tarde.

11. De cada xuntanza e ó seu remate, o secretario/a da Comisión redactará a correspondente acta na que haberá de constar o lugar, data e hora de comezo e remate da reunión, nomes e apelidos dos presentes, os asuntos tratados, os acordos adoptados con opinión sintética das opinións emitidas e a expresión dos votos; a correspondente acta así re dactada pasarase inmediatamente á aprobación e sinatura de tódolos asistentes.

12. As actas das sesións da Comisión Paritaria Mixta, arquivaranse nun Rexistro que custodiará o secretario/a, baixo a súa responsabiliade, no domicilio da devandita Comisión, tendo que expedilas certificacións oportunas dos acordos que as referidas actas conteñan, cando así se reclame por parte lexitimamente interesada.

13. No caso de non haber acordo entre as partes da Comisión Paritaria Mixta nun prazo máximo de tres meses, estas someterán as súas diferencias a unha conciliación ou mediación e/ou arbitraxe ante o SMAC ou outro Organismo, co fin de que as partes remitian os informes que consideren pertinentes. A decisión deste será entón determinante e de carácter vinculante para a Comisión Paritaria Mixta, que emitirá dictame no sentido deste, excepto no caso de que ámbalas partes chegasen a un acordo posterior ou simultáneo, caso no que prevalecerá este sobre aquel, que quedará nulo sen efecto.

14. O dictame da Comisión Paritaria Mixta notificarase ás partes implicadas.

15. Cando ámbalas partes así o consideren, crearanse comisións de traballo restrinxidas para tratar temas concretos e predeterminados. Estas comisións elaborarán os dictames que logo serán presentados á Comisión Paritaria Mixta, non sendo estes vinculantes senón meramente informativos.

16. As partes asinantes do Acordo, colaborarán coa Comisión Paritaria Mixta facilitando canta axuda e información lles sexa requirida, en virtude do cumprimento do pactado no texto do Acordo. O empregado/a público que obstaculizase o labor da Comisión Paritaria Mixta, será obxecto de requirimento en forma ó respecto por parte do Alcalde da Entidade Local onde preste servizos e no caso de persistir na actitude, incorrerá na falta grave de insubordinación.

17. As comunicacións oficiais da Comisión Paritaria Mixta de Control e Seguimento verificaranse sempre directamente e por escrito, sen que poidan admitirse traslados e reproduccións a través doutras instancias.

18. A Comisión Paritaria Mixta constituirase ós trinta días da sinatura do Acordo Regulador.

CAPÍTULO III NEGOCIACIÓN COLECTIVA

ARTIGO 14 º .DO DEREITO Á NEGOCIACIÓN COLECTIVA DOS EMPREGADOS PÚBLICOS LOCAIS

Os/as empregados/as públicos/as ó servizo do Concello de Tui, terán dereito á participación na determinación das súas condicións de traballo conforme á lexislación vixente aplicable e no disposto nos seguintes artigos.

ARTIGO 15 º .MESA XERAL DE NEGOCIACIÓN

1. Coa finalidade de posibilitala participación dos empregados públicos na determinación das súas condicións de traballo, no Concello de Tui constituirase unha Mesa de Negociación na que estarán presentes os representantes do Concello, as organizacións sindicais máis representativas, e á Xunta de Persoal e/ou Delegados/as de Persoal.

2. A Mesa de Negociación virá constituída e formada por unha respesentación do Concello e os Sindicatos máis representativos, Xunta de Persoal e/ou Delegados de Persoal e será a encargada de re negocialos futuros e distintos Acordos Reguladores ou, no seu caso, Convenios Colectivos Únicos a que houbera lugar, unha vez rematada a vixencia dos anteriores.

3. A composición da Mesa de Negociación será paritaria.

4. A Mesa de Negociación reuniráse trimestralmente.

5. As decisións tomaranse por maioría de máis do 50% dos compoñentes de cada unha das partes da Mesa.

6. De acordo co establecido no punto 2 da Disposición Adicional Sexta da Lei 21/2006, de 20 de Xullo, pola que modificase a Lei 9/1987, de 12 de xuño, de Órganos de Representación. . . ,constituirase unha Mesa Xeral de Negociación no Concello de Tui para a negociación de todas aquelas materias e condicións xerais de traballo comúns o persoal funcionario, estatutario e laboral. Ás materias e condicións de traballo común serán as establecidas ó abeiro do disposto no artigo 32 da Lei 9/87 de 12 de xuño e artigo 85 do RD 1/1995 do 24 de marzo, polo que se aproba o Estatuto dos Traballadores.

7. Así mesmo o Concello de Tui poderá adherirse ós acordos alcanzados dentro da Comunidade Autónoma de Galicia ou ós acordos alcanzados nun ámbito supramunicipal.

ARTIGO 16 º .PRINCIPIO DA BOA FE

En todo caso as negociacións realizaranse sempre baixo o principio da boa fe.

CAPÍTULO IV DEREITOS E DEBERES

ARTIGO 17 º .DEREITOS E DEBERES

No relativo ós dereitos e deberes dos/as empregados/as do Concello de Tui estarase ó disposto pola lexislación vixente aplicable ó respecto.

CAPÍTULO V AUTONOMÍA LOCAL

ARTIGO 18. AUTONOMÍA LOCAL

1. Todo o contido do presente Acordo Regulador baséase no marco da Autonomía da negociación colectiva das Corporacións Locais, arrincando, polo tanto, da Autonomía e Autoorganización destas conforme á Lei.

2. Así mesmo, baséase no carácter de representatividade que teñen as Organizacións Sindicais de acordo coa lexislación aplicable vixente.

CAPÍTULO VI CALIDADE DE SERVIZOS. ABSENTISMO LABORAL

ARTIGO 19 º .CALIDADE DE SERVIZOS. ABSENTISMO LABORAL

A Corporación Municipal e os Sindicatos asinantes deste Acordo, potenciarán os instrumentos de control e reducción do absentismo laboral, a través da proposta, entre outras, de medidas de mellora dos sistemas e procedementos da calidade na prestación do servizo público ós cidadáns, da medición do absentismo laboral e seguimento deste, realizando os estudios necesarios sobre as causas e adoptando se é o caso das medidas que sexan procedentes para a súa reducción, podendo procederse, sempre previa audiencia ó interesado/a, o desconto automático, calculado conforme ó establecido para o persoal funcionario, das retribucións correspondentes ó tempo de traballo nos casos de falta inxustificada de asistencia e puntualidade. Todo isto efectuarase sen prexuízo das medidas disciplinarias que, se é o caso, puideran corresponder.

Das medidas de control que se tomen para reducilo absentismo no Concello de Tui, este procederá a comunicar e informar puntualmente á Comisión Paritaria de Negociación e, no seu ámbito ós representantes legais dos traballadores.

CAPÍTULO VII SOLUCIÓN EXTRAXUDICIAL DE CONFLICTOS COLECTIVOS

ARTIGO 20 º .SOLUCIÓN EXTRAXUDICIAL DE CONFLICTOS COLECTIVOS

Unha vez recoñecido o dereito á negociación colectiva no marco das Administracións Públicas pola lexislación vixente aplicable ( Lei9 /1987 modificada polas Leis 7/1990,18/1994 e 21/2006) , establécese como mecanismo de resolución e mediación nos posibles conflictos colectivos ou discrepancias significativas e insolubles, o diálogo e a negociación, a mediación e a arbitraxe. Recóllese neste Acordo a recomendación da súa aplicación conforme ós seguientes presupostos:

1. O Concello de Tui e os Sindicatos máis representativos na Comunidade Autónoma de Galicia, poderán acordala creación, configuración e desenvolvemento de sistemas de solución extraxudicial de conflictos colectivos.

2. Os conflictos a que se refire o apartado anterior poderán selos derivados da negociación dos Pactos e Acordos, os derivados da aplicación e interpretación destes e, en xeral, os derivados da negociación, aplicación e interpretación dos acordos sobre as materias sinaladas nos artigos 30 e 31.2 da Lei 9/87, excepto para aquelas materias para as que exista reserva formal de Lei.

3. Os sistemas poderán estar integrados por procedementos de mediación e arbitraxe. A mediación será obrigatoria cando o solicite unha das partes e as propostas de solución que ofrezan o mediador ou mediadores poderán ser libremente aceptadas ou rexeitadas polas devanditas.

Mediante o procedemento de arbitraxe as partes poderán acordar voluntariamente encomendar a un terceiro a resolución do conflicto exposto, comprometéndose de antemán a aceptalo contido desta.

4. O acordo logrado a través da mediación ou da resolución de arbitraxe terá a mesma eficacia xurídica e tramitación dos Pactos e Acordos regulados por Lei, sempre que quen houbera adoptado o acordo ou subscrito o compromiso arbitral tivese a lexitimación que lles permita acordar, no ámbito do conflicto, un Pacto ou Acordo conforme ó previsto pola Lei.

Estes acordos serán susceptibles de impugnación. Especificamente caberá recurso contra a resolución arbitral no caso de que non observaran no desenvolmento da actuación arbitral os requisitos e formalidades establecidos para o efecto ou cando a resolución versara sobre puntos non sometidos á súa decisión, ou que esta contradiga a legalidade vixente.

5. A utilización destes sistemas efectuarase conforme ós procedementos que regulamentariamente sexan determinados tralo acordo coas Organizacións Sindicais representativas conforme ó re gulado actualmente a este respecto.

6. Para todo iso o Concello poderá solicitar da FEGAMP o compromiso de ofrecer a través da Comisión Paritaria do Acordo, unha vez sexa este asinado, os seus servizos encamiñados a mediar ou propoñer mediador ou mediadores, para os posibles conflictos. En todo caso será a Comisión Paritaria do Concello de Tui, a que terá en primeiro termo as competencias para propoñer e designar un mediador ou mediadores, podendo solicitarse á Comisión Paritaria do Acordo Regulador /Convenio Colectivo FEGAMP-Sindicatos, unha vez este sexa asinado, a súa intervención.

CAPÍTULO VIII ASISTENCIA E PERMANENCIA NO TRABALLO

ARTIGO 21 º .CALENDARIO LABORAL

1. O calendario laboral será o que se estableza polos organismos competentes da Administración Central, Autonómica e Local; é o instrumento técnico a traveso do cal realizase a distribución da xornada e fixación dos horarios de todolo persoal do Concello de Tui.

2. Os días 24 e 31 de decembro permanecerán pechadas as dependencias municipais, agás os servicios de información e Rexistro Xeral do Concello. O calendario laboral incorporará dous días adicionales de permiso por asuntos propios cando os días 24 e 31 de decembro coincidan en festivo, sábado ou día non laborable.

Así mesmo o día de Santa Rita todos os asistentes ás celebracións poderán ausentarse para asistir ós actos que se programen, por ser ó día especial da patrona dos empregados/ as públicos da Administración Local.

Sé este día coincidise en sábado ou en domingo, a celebración trasladárase ó día hábil inmediatamente posterior ou anterior, según se acorde.

3. Os calendarios laborais elaboraranse antes do 15 de xaneiro de cada ano e deberán permanecer expostos nos taboleiros de anuncios de cada centro de traballo. Só poderán ser modificados cando circunstancias imprevistas así o requiran.

No calendario laboral estableceranse turnos ro tatorios ou a convenir nun estudio de pontes ó longo do ano, de tal maneira que non queden os servizos descubertos de persoal.

4. Calquera modificación que se pretenda levar a cabo nos calendarios laborais deberá ser debidamente motivada e argumentada, e notificarase coa antelación oportuna ós interesados e ós órganos de representación do persoal. En aqueles supostos nos que non se establezcan os correspondientes calendarios, serán de aplicación directa as normas do presente Acordo.

ARTIGO 22 º .XORNADA LABORAL

1. A xornada ordinaria de traballo establécese, por imperativo legal, nun máximo de 37,5 horas semanais. Os asinantes do presente Convenio comprométense a instalas oportunas modificacións regulamentarias co obxecto de que a devandita xornada ordinaria poida quedar establecida en 35 horas semanais, aspiración que se recomenda sexa recollida en canto sexa posible.

2. a) Non obstante, manterase a xornada ordinaria de traballo, así como os turnos establecidos actualmente no concello de Tui, realizandose con carácter xeral, de luns a venres, e de 08,00 horas a 15,00 horas en oficinas e de 07,30 horas ás 14,30 horas para o persoal de servizos exteriores.

b) Os sábados permanecerá aberta a Oficina de Rexistro/ Información e para o persoal de garda de emerxencia de 09,00 a 13,00 horas, prestando servicio nela o persoal administrativo e o persoal de servizos municipais do concello de xeito rotatorio.

c) Todo o persoal deberá completar a xornada máxima de 37,50 horas.

d) A distribución anual da xornada no poderá alterar o número de días de vacacións que establezca a normativa en vigor.

3. Aqueles/as traballadores/as que realicen cursos de formación, poderán adaptalo seu horario de traballo para a asistencia ós mesmos, sempre que sexa compatible co horario de traballo dos compañeiros, computando o tempo invertido neles como tempo de traballo efectivo.

En todo caso os traballadores que realicen cursos de formación de carácter oficial, poderán adaptalo seu horario de traballo para a asistencia a estes.

4. Dentro da Xornada

a) Todo o persoal en réxime de xornada continuada desfrutará dunha pausa de 30 minutos na xornada, computándose como de traballo efectivo.

b) O persoal en réxime de xornada partida, desfrutará de dúas pausas de 15 minutos, distribuídas nas dúas partes da xornada laboral, e no medio de cada unha delas repectivamente, computándose como de traballo efectivo.

c) Esta interrupción no poderá afectar a prestación do servizo e, con carácter xeral, poderá efectuarse entre ás 10,00 e ás 12,30 horas en xornada de mañán é entre ás 17,00 e ás 19,30 horas en xornada de tarde.

d) O tempo de traballo computarase de modo que tanto ó comenzo como ó remate da xornada diaria, o traballador se atope no seu posto de traballo, considerándose como de traballo efectivo aquel que sexa imprescindible para recoller, ordenar e gardar roupa, materiais e útiles de traballo. A mesma consideración terá o tempo utilizado para cumprir coas normas de seguridade e hixiene.

e) Para o persoal que desenvolva a súa actividade en lugares de traballo non fixos ou itinerantes, o cómputo da xornada normal de traballo comezará a partir do lugar de recollida ou reunión establecido ou Centro de control tanto na estrada como na saída do traballo.

5. Xornada de verán: Durante o período comprendido entre o 16 de xuño e o 15 de setembro ( ámbolos dous inclusive) establecerase o horario de verán; Perante este tempo establecerase unha flexibilidade horaria dunha hora diaria ó final da xornada.

6. Xornada festas locais. Na Semana Grande das Festas de San Telmo, haberá unha xornada expecial, reducíndose unha hora o final da xornada laboral.

7. Reducción da xornada:

a) A xornada dos/as empregados/as públicos do Concello de Tui con fillos/as de ata doce meses de idade, reducirase nunha hora diaria, por motivos de lactancia. No caso de traballar ámbolos dous cónxuxes, só un deles poderá beneficiarse da reducción da xornada sinalada. O mesmo dereito terán os pais en caso de adopción dun/ na neno/a, ( ataos doce meses) . O/A traballador/a poderá partir a re ducción da xornada, en dúas partes entre o principio e o final da xornada diaria.

b) Quen por razón de garda legal, teña ó seu coidado directo algún menor de 12 anos, a un ancián ou a un discapacitado psíquico ou físico que non desempeñe ningunha actividade retribuída ou no perciban ingresos superiores ó salario mínimo interprofesional, terán dereito a unha reducción da xornada total ordinaria entre ó menos un tercio e un máximo da metade da súa duración, sufrindo a conseguinte diminución proporcional das retribucións.

c) As empregadas víctimas de violencia sobre a muller, para facer efectiva a súa protección ou o seu dereito á asistencia social integral, terán dereito á reducción da xornada coa diminución proporcional da retribución, ou á reordenación do tempo de traballo, a través da adaptación do horario, da aplicación do horario flexible ou de outras formas de ordenación do tempo de traballo que sexan aplicables, nos términos que para estes supostos estableza a Administración Pública competente en cada caso.

d) Os/as traballadores/as a quen lle falten menos de cinco anos para cumprir a idade de xubilación forzosa, poderán obter, a súa solicitude, a reducción da súa xornada de traballo ata un medio, coa reducción de retribucións que se determine regulamentariamente, sempre que as necesidades do servizo o permitan.

e) Dita reducción da xornada poderá ser solicitada e obtida, de maneira temporal, por aqueles traballadores que a precisen en procesos de recuperación por razóns de enfermidade, sempre que as necesidades do servizo o permitan.

f) Nos casos de nacemento de fillos prematuros ou que por calquera causa deban permanecer hospitalizados a continuación do parto, o/a traballador/ a terán dereito a ausentarse do traballo durante dous horas. Así mesmo terán dereito a reducir a súa xornada de traballo ata un máximo de duas horas, coa diminución proporcional das suas retribucións.

g) Os/as empregados/as públicos do Concello de Tui terán dereito a solicitar unha reducción de ata o 50% da xornada laboral, de carácter retribuido, por un máximo de 1 mes, para o coidado de familiares de 1 º grado, por razóns de infermidade moi grave.

8. Flexibilidade horaria:

a) Os/as empregados/as públicos do Concello de TUI que teñan o seu cargo persoas maiores, fillos menores de 12 anos ou persoas con discapacidade, así como quen teña o seu cargo directo a un familiar con enfermidade grave ata o 2 º grao de consanguinidade ou afinidade, terán dereito a flexibilizar en 1 hora diaria ou horario fixo de xornada que teñan establecida.

b) Os/as empregados/as públicos do Concello de Tui que teñan fillos/as con discapacidade, poderán dispor de 2 horas de flexibilidade horaria diaria sobre o horario fixo que corresponda, a fin de conciliar os horarios dos centros educativos ordinarios de integración, e de educación especial, así como outros centros donde ó fillo ou filla con discapacidade reciba atención, cos horarios dos propios postos de traballo.

c) Excepcionalmente o Alcalde poderá autorizar, co caracter persoal e temporal, a modificación do horario fixo nun máximo de 2 horas por motivos directamente relacionados coa concilición da vida persoal, familiar e laboral, e nos casos de familias monoparentales.

9. Violencia de Xénero: Cando as funcionarias do Concello de Tui sexan victimas de violencia de xénero serán de aplicación, en canto a xornada laboral, o establecido na Lei Orgánica 1/2004, de 28 de decembro, de Medidas de Protección Integral contra la Violencia de Xénero.

ARTIGO 23 º .SERVIZOS ESPECIAIS OU DE URXENCIA

1. Estes Servizos disporán dun sistema de quendas, atendendo á disponibilidade de persoal e ós servizos a realizar, respectando, en todo caso, o descanso entre xornadas, que non poderá ser inferior a 12 horas, así como, cando menos, 2 fins de semana de descanso ó mes.

2. A súa xornada non excederá en cómputo anual do que se sinale para o resto do persoal.

3. O horario de prestación do servizo será negociado pola Corporación Local cos representantes dos traballadores/as, oídos os empregados/as afectados/as, e se prestan servizo en días inhábiles, terase dereito a dous días de descanso compensatorio dentro da mesma semana, e de non ser posible, os empregados públicos serán compensados economicamente con gratificacións extraordinarias ou productividade.

4. Terá a consideración de hora extraordinaria, cada hora de traballo que se realice sobre a duración máxima da xornada de traballo, regulándose o seu aboamento ou compensación neste Acordo.

ARTIGO 24 º .SERVIZOS EXTRAORDINARIOS FÓRA DA XORNADA LABORAL

a) Xustificación:

1. Con carácter xeral, prohíbese a realización de horas extraordinarias estructurais.

2. Poderanse realizar servizos extraordinarios fóra da xornada ordinaria de traballo por razóns de prevención ou reparación de sinistros ou danos, imprevistos, ausencias, acumulación de tarefas, interrupcións do servizo, alteracións nas quendas de persoal ou outras circunstancias excepcionais derivadas das actividades propias do servizo público, cando non sexa posible atender estas situacións coa redistribución dos efectivos do cadro de persoal.

3. A atención dos servizos extraordinarios fóra da xornada normal de traballo que respondan ás características definidas no parágrafo anterior, excluídas as motivadas por razóns de forza maior, terá carácter voluntario, sen que ninguén poida ser obrigado a facelas nin represaliado pola súa negativa.

4. Especificamente, terán a consideración de servizos extraordinarios as horas necesarias para asistir a xuízos ou comparecencias fóra da xornada de traballo derivadas da prestación do servizo.

b) Autorización: Os responsables dos servizos ou unidades administrativas responderán persoalmente da certeza e efectividade da realización de servizos extraordinarios, así como da veracidade dos condicionamentos aludidos en apartados anteriores que xustifiquen a súa realización.

c) Control:

1. Para os efectos de control e compensación, sempre que un/ha traballador/a ou grupo de traballadores/as realice servizos extraordinarios fóra da xornada normal, o responsable do servizo elaborará unha relación mensual na que figure a identificación dos/as traballadores/as, as horas traballadas, a data da súa realización e a cuantificación das horas realizadas en total, que será exposta no taboleiro de anuncios do persoal e enviada á unidade de persoal, entregándoselle unha copia ós/as traballadores/as afectados/as e outra ós representantes legais dos/as traballadores/ as.

d) Compensación: A realización de traballos fóra da xornada ordinaria compensaranse con horas libres, a razón de unha hora e media por cada extraordinaria traballada. As horas de compensación acumularanse preferentemente ata chegar a completar xornadas laborais enteiras. En todo caso, o persoal terá dereito a dispoñer dos días libres de compensación no prazo dos dous meses seguintes á data da realización.

Cando os servizos extraordinarios se realicen en domingo ou festivo, ou de noite compensaranse en todo caso con dúas horas por cada hora traballada, e dúas horas e media horas si concorren as dúas circunstancias.

Excepcionalmente, cando dispoñer de horas libres para compensar a realización de horas extraordinarias poida supoñer un grave prexuízo para o funcionamento do servizo, a compensación horaria poderá substituírse pola remuneración económica, nas contías que para cada nivel se estableza no capítulo de retribucións.

Neste suposto, o responsable do servizo deberá formular a proposta de compensación económica, facendo constar as razóns que desaconsellan a compensación horaria, concretando a identificación dos/as traballadores/as afectados/as e o número de horas realizadas. A resolución da proposta corresponderá ó Alcalde ou órgano no que delegue.

De ser o caso, o pagamento das horas extraordinarias procurarase incluír na nómina do mes seguinte ó da data da resolución.

ARTIGO 25 º .VACACIÓNS ANUAIS

1. Con carácter xeral, as vacacións anuais retribuidas do persoal serán dun mes natural ou de 22 días hábiles anuais por ano completo de servizo o una forma proporcional ó tempo de servizo efectivo, e disfrutaranse de xeito obrigado dentro do ano natural e ata o 15 de xaneiro do ano seguinte, en períodos mínimos de 5 días hábiles consecutivos comenzando en luns, e sempre que os períodos vacaionais sexan compatibles coas necesiades do servizo. A estos efectos, os sábados non serán considerados días hábiles.

Así mesmo, e ós efectos de determinar o período computable para o cálculo das vacacións anuais, as ausencias do traballo por motivos independentes da vontade do empregado público, tales como enfermidade, accidente ou maternidade, así como aquelas outras derivadas do disfrute das licencias ás que se refiren os artigos 71 e 72 do texto articulado da Lei de Funcionarios Civis do Estado de 1964, ( matrimonio, embarazo, estudos directamente relacionados co posto, prácticas) , ou os permisos recollidos no artigo 30 da Lei 30/1984, de 2 de agosto, ( nacemento, acollida e adopción, falecemento, enfernidade ou accidente, traslado de domicilio, examens finais e probas definitivas, embarazo, lactancia etc) , computarán como servizos efectivos.

No suposto de ter completado os anos de antiguidade na Admón. que se indican, terase dereito ó disfrute dos seguintes días de vacacións anuais:

15 anos de servizo: 23 días hábiles.

20 anos de servizo: 24 días hábiles.

25 anos de servizo: 25 días hábiles.

30 ou más anos de servizo: 26 días hábiles.

Este dereito farase efectivo a partir do ano natural seguinte ó cumprimento da antiguidade referenciada.

No caso de baixa por maternidade, cando esta situación coincida co período vacacional, quedará interrumpido o mesmo e poderán disfrutarse as vacacións rematado o período do permiso por maternidade, dentro do ano natural ou ata o 15 de xaneiro do ano seguinte.

2. Desfrutaranse preferentemente e con carácter xeral entre 1 de xuño e o 30 de setembro, respectando sempre as necesidades do servizo.

3. No caso do persoal que traballa a quendas, non poderá comezalo período vacacional en descanso semanal establecido.

4. En tódalas situacións de IT ou permiso de maternidade que coincidan coas datas nas que deberán defrutarse as vacacións o desfrute pospoñerase ás datas posteriores á situación de alta agás que o período de baixa se iniciase con posterioridade ó principio do desfrute das vacacións e que este non se estenda máis alá do trinta e un de decembro do ano en curso. Se a situación de baixa se produxese namentras está desfrutando as súas vacacións, o/a traballador/a non verá interrompido o período de desfrute das súas vacacións. No caso de permiso maternal durante o desfrute das vacacións suspenderanse éstas, reanudándose unha vez se produza a alta ( sempreque teña lugar no mesmo ano) .

5. O plan de vacacións anuais será elaborado antes do 1 de abril de cada ano, para a súa negociación cos representantes dos traballadores, de modo que cada traballador/a poida coñecelas datas que lle correspondan, polo menos con dous meses de antelación á data do comezo daquelas.

6. Nos servizos onde poidan producirse colisión de intereses respecto ó desfrute das vacacións, organizaranse as quendas de forma obrigatoria, de xeito rotativo, comezando polo/a traballador/a con maior antigüidade.

7. As vacacións non poderán ser compensadas en metálico nin en todo nin en parte, agás cando no transcurso do ano se produza a extinción da relación de emprego do traballador/a ou sexa declarado este en situación de excedencia ou de suspensión de funcións e aínda non teña desfrutado ou completado na súa totalidade o desfrute do período vacacional.

8. No suposto de producirse colisión de intereses entre o traballador/a afectado pola enfermidade ou por accidente e aqueles outros do seu mesmo servizo, que xa as teñen programadas, terán estes últimos preferencia sobre aquel, que en todo caso haberá de supeditarse ás necesidades do servizo.

9. O calendario anual de vacacións poderá ser modificado con carácter individualizado, trala solicitude dos/as interesados/as, sempre que non exista oposición, fundamentada en razóns obxectivas do servizo, e non se afecte a intereses de terceiros no ámbito das quendas establecidos.

10. A traballadora embarazada terá dereito a escollela data das súas vacacións regulamentarias, sempre e cando as una sen solución de continuidade á baixa por maternidade.

ARTIGO 26 º .PERMISOS

Sen prexuízo do disposto na lexislación vixente en cada momento, establecese o seguinte réxime de permisos retribuidos:

1. Por nacemento, acollida ou adopción dun fillo e polo falecemento, accidente ou enfermidade graves dun familiar [ Cónxuxe, parella de feito, convivente ( acreditando tal situación) , ou fillo ] :

a. Polo nacemento, acollida ou adopción dun fillo, 10 días, sendo de 15 días en caso de parto múltiple, a disfrutar polo pai a partir da data de nacemento, decisión administrativa ou xudicialde acollemento ou da resolución judicial pola que se constitúa a adopción

b. Polo falecemento, accidente ou enfermidade graves dun familiar dentro do primeiro grao de consanguinidade ou afinidade, 3 días hábiles cando o suceso se produza na mesma localidade, e 5 días hábiles cando sexa en distinta localidade.

c. Cando se trate do falecemento, accidente ou enfermidade graves dun familiar dentro do segundo grao de consanguinidade ou afinidade, o permiso será de 2 días hábiles cando o suceso se produza na mesma localidade e 4 días hábiles cando sexa en distinta localidade.

d. Cando se trate do falecemento, dun familiar dentro do terceiro o máis graos de consanguinidade ou afinidade, o permiso será polo tempo necesario para o enterramento e funeral. ( Máximo1 día) .

e. Para estes efectos considerarase coma graves as enfermidades ou accidentes que cumpran os seguintes requisitos:

No caso de enfermidade, que requira internamento hospitalario. No caso de accidente, parte expedido por facultativo que especifique a necesidade de internamento hospitalario.

No caso de enfermidades ou accidentes que non teñan a consideración de graves, o permiso concederase exclusivamente cando se trate de persoas que convivan no domicilio do/da solicitante, ( acreditandotal situación co Censo, Padrón municipal ou informe médico) , e este xustifique que non existe no domicilio ningunha outra persoa que poida atendelo enfermo. A duración deste permiso será de dous días.

En casos excepcionais de enfermidade de familiares ou persoas que convivan no domicilio do solicitante e afecten gravemente o normal desenvolvemento da vida familiar, o Alcalde, poderá autorizar permisos, reducción de xornadas ou xornadas especiais en tanto se soluciona a situación.

Esta norma contiene tablas, si desea consultarlas pulse AQUI

(Para poder leer los documentos es necesario el lector Adobe Acrobat)

3. Permiso para acompañamento á consulta médica a menores de 12 anos e maiores de 70 anos, ou familiares ata o primeiro grao de consanguinidade ou afinidade e que convivan no mesmo domicilio e parellas de feito e convivintes ( acreditandotal situación) e que teñan unha discapacidade superior ó 33% , polo tempo necesario e debendo xustificarse con parte de asistencia á consulta.

4. Quen por razón de garda legal, teña ó seu coidado directo algún menor de 6 anos, a un ancián ou a un diminuído psíquico ou físico que non desempeñe ningunha actividade retribuída ou no perciban ingresos superiores ó salario mínimo interprofesional, terán dereito a unha reducción da xornada total ordinaria entre ó menos un tercio e un máximo da metade da súa duración, sufrindo a conseguinte diminución proporcional das retribucións.

5. Permiso por acudir a consultas, tratamentos e exploracións de tipo médico durante a xornada de traballo, os traballadores/as terán dereito a permiso, sempre que estea debidamente xustificado, e sempre que non se poida acudir fóra do horario de traballo.

6. Por traslado de domicilio: 1 día hábil si o suceso se produce sin cambio de residencia, non podendo repetirse o permiso neste concepto máis dunha vez ó ano.

7. Permiso para asistencia a exames finais ou parciais liberatorios, así coma probas selectivas que se celebren dentro da xornada normal de traballo, 1 día, ampliándose polo tempo necesario e imprescindible cando se celebren fóra do termo municipal.

No caso de que o exame se celebre fóra da xornada normal de traballo, deberá mediar un tempo mínimo de dúas horas entre a finalización da xornada e o comezo do exame.

Deberán ser autorizados polo Alcalde ou Delegado de Persoal e deberán xustificarse cun certificado de asistencia no que conste a data de celebración e o tempo de duración, que deberá ser presentada nos cinco días seguintes á data do exame.

8. Permiso por asuntos personais 9 días ó ano, sen necesidade de xustificación, respectando sempre as necesidades do servizo.

Estes días non poderán acumularse en ningún caso ás vacacións anuais retribuídas. Se por causas de necesidades do servizo non poideran disfrutarse dentro do ano natural, poderase facer uso dos mesmos durante os quice primeiros dias do mes de xaneiro do ano seguinte.

9. Polo tempo preciso para cumprimento dun deber inexcusable de carácter público ou persoal. Para a realización destes deberes os traballadores terán dereito ó permiso polo tempo necesario para o seu cumprimento, sempre e cando non se poidan facer fóra da xornada normal de traballo, e deberán acreditalo documentalmente.

10. Nos casos nos que as empregadas víctimas de violencia de xénero tiveran que ausentarse por elo do seu posto de traballo, estas faltas de asistencia, totais ou parciais, terán a consideración de xustificadas polo tempo e nas condicións que así o determinen os servizos sociais de atención ou saúde, segundo proceda.

11. Os/as empregados/as do Concello de Tui que teñan fillos con discapacidade terán dereito a ausentarse do traballo polo tempo indispensable para aisitir a reunións de coordinación do seu centro educativo, ordinario de integración ou de educación especial, onde reciba atención, tratamento o para acompañarlo si a de recibir apoio adicional no ámbito sanitario ou social.

12. Os/as empregados/as do Concello de Tui terán dereito a un permiso de dous meses nos supostos de adopciones internacionais, mantendo ás súas retribucións básicas.

ARTIGO 27 º LICENCIAS

1. Licencias por matrimonio:

a) Por razón de matrimonio propio, o/a traballador/a terá dereito a unha licencia de 15 días naturais, que poderán sumarse ás vacacións anuais.

b) Por matrimonio de parentes(país, irmáns, fillos, netos ou avós do interesado) , o/a traballador/ a disfrutará dunha licencia de 1 día, sempre que estes se produzan en días laborais.

2. Licencia por maternidade, adopción e paternidade.

a) O período de licencia por maternidade será de 16 semanas ininterrumpidas, ampliables no caso de parto múltiple en 2 semanas máis por cada fillo a partir do segundo. A licencia distribuirase a opción da traballadora sempre que seis semanas sexan inmediatamente posteriores ó parto. No caso de falecemento da nai, o pai poderá facer uso da totalidade ou, no seu caso, da parte que reste do permiso.

Non obstante o anterior, e sen prexuizo das 6 semanas inmediatamente posteriores ó parto de descanso obligatorio para a nai, no caso de que a nai e o pai traballen, ésta, ó iniciarse o período de descanso por maternidade, poderá optar por que o pai disfrute dunha parte determinada ininterrumpida do período de descanso posterior ó parto, ben de xeito simultáneo ou sucesiva co da nai, salvo que no momento da sua efectividade a incorporación ó traballo da nai supoña un risco para a saude.

Nos casos de parto prematuro e naqueles nos que, por calquera outra causa, o neonato deba permanecer hospitalizado a continuación do parto, a licencia poderá computarse, a instancias da nai ou, no seu defecto, do pai a partir da data do alta hospitalaria. Exclúese deste cómputo as primeiras 6 semanas posteriores o parto, de descanso obrigatorio para a nai.

No caso de que a nai e o pai traballen, aquela poderá optar porque o pai desfrute de ata 4 das últimas semanas da licencia, sempre que sexan ininterrompidas e ó final do citado período, salvo que no momento da súa efectividade a incorporación ó traballo da nai, supoña un risco para a súa saúde.

b) A traballadora xestante terá dereito a ocupar durante o embarazo, un posto de traballo ou xornada distinto/a ó seu, sempre que, segundo prescrición médica o posto de traballo habitual resulte nocivo para a súa saúde ou a do feto. Este cambio de posto de traballo non suporá modificación da súa categoría nin diminución dos seus dereitos económicos sempre que exista o devandito posto.

Rematada a causa que motivou o cambio do posto de traballo, procederase á reincorporación ó seu destino orixinal.

c) Adopción e acollemento. Nos casos de adopción e acollemento, tanto preadoptivo como permanente, se o fillo adoptado ou acollido é menor de 6 anos, a licencia terá unha duración de 16 semanas ininterrumpidas, ampliables no suposto de adopción ou acollemento múltiple en duas semanas máis por cada fillo a partir do segundo, contadas, a elección do traballador, ben a partir da decisión administrativa ou xudicial de acollemento, ben a partir da resolución xudicial pola que se ben a constituíla adopción. Se o fillo adoptado ou acollido é maior de 6 anos e se trate de discapacitados ou minusválidos físicos ou psíquicos, ou que polas suas circunstancias e experiencias personais ou que, por provir do extranxeiro, teñan especiais dificultadesde inserción social e familiar, debidamente acreditadas polo servizos sociais competentes, a licencia terá tamen unha duración de 16 semanas.

No caso de que o pai e a nai traballen, o permiso distribuirase a opción dos interesados, que poderán disfrutalo de xeito simultaneo ou sucesivo, sempre con períodos ininterrumpidos.

Nos casos de disfrute simultaneo de períodos de descanso, a suma dos mesmos non poderá exceder das 16 semanas previstas nos apartados anteriores ou das que correspondan no caso de parto múltiple.

As licencias a que se refire o presente apartado poderán disfrutarse en réximen de xornada completa ou a tempo parcial, a solicitude dos traballadores, e si o permiten as necesidades do servizo, nos términos que regulamentariamente se determinen.

Nos supostos de adopción internacional, cando sexa necesario o desprazamento previo dos pais ó país de orixe do adoptado, o permiso previsto para cada caso no presente artigo, poderá iniciarse ata catro semanas antes da resolución pola que se constitue a adopción.

d) A traballadora embarazada terá dereito a escollela data das súas vacacións regulamentarias.

e) Ás traballadoras embarazadas terán dereito a ausentarse do traballo para a realización de exames prenatais e técnicas de preparación ó parto, polo tempo necesario para a súa práctica e logo de xustificación da necesidade da súa realización dentro da xornada de traballo.

f) Nos casos de nacemento de fillos prematuros ou que por calquera causa deban permanecer hospitalizados a continuación do parto, a traballadora ou traballador terán dereito a ausentarse do traballo durante dous horas. Así mesmo terán dereito a reducir a súa xornada de traballo ata un máximo de duas horas, coa diminución proporcional das suas retribucións.

3. Lactancia.

a) A traballadora por lactancia dun fillo menor de 12 meses, terá dereito a unha hora de ausencia do traballo, que poderá dividir en dúas franccións. A traballadora, por vontade, poderá substituir este dereito por unha re ducción da xornada normal en media hora ó inicio e o final da xornada, ou nunha hora o inicio ou final da xornada, coa mesma finalidade. Este permiso poderá ser disfrutado indistintamente pola nai o pol pai caso de que ámbolos dous traballasen.

b) Os pais traballadores poderán substituir, voluntariamente, a hora de lactancia por unha licencia de 4 semanas que se acumulará a súa licencia de maternidade.

4. Licencia por realización de estudios.

a) Os/as empregados/as públicos do Concello de TUI terán o dereito e o deber de realizar cursos de perfeccionamento e promoción profesional sobre materias relativas ó posto de traballo que ocupa, ou para poder acceder a outro distinto e/o de superior categoría.

b) Poderá concederse licencia para realizar estudios ou cursos en materia directamente re lacionada coa función pública, despois de solicitalo, presentando no rexistro xeral e con fundamento na xustificación na súa asistencia e da necesidade ou non para o servizo que preste o/a traballador/a. No caso de concederse con carácter de Comisión de Servizos o/a traballador/a terá dereito a percibir toda a súa remuneración e as indemnizacións previstas.

5. Licencia por enfermidade.

a) As enfermidades que impidan un normal desempeño das funcións públicas darán lugar a licencias de ata 3 meses cada ano natural, con plenitude de dereitos económicos, unha vez agotados os tres primeiros meses, terá dereito a percibir as retribucións básicas e o complemento familiar, sempre que estas sexan maiores que as prestacións garantidas pola Seguridade Social, cuio mínimo garantido ó o 75% da base de cotización do mes anterior á baixa.

b) Excepcionalmente e por causas debidamente acreditadas de carácter social, a Comisión Paritaria Mixta, previos os informes médicos que se considere pertinentes, poderá proponerlle ó Sr Alcalde a concesión de prórroga da licencia con plenitude de dereitos económicos ata o prazo máximo de duración de 18 meses desde que se iniciou a incapacidade.

c) Os partes de baixa e alta derivados de accidente de traballo ou enfermidade profesional expediranse en modelo oficial e dentro dos prazos establecidos regulamentariamente.

d) O Sr. Alcalde poderá efectuala comprobación de baixas por enfermidade de calquera empregado/a público cando o considere oportuno a través da Inspección Médica.

6. Licencias sen soldo.

a) Por asuntos propios poderán concederse licencias sen retribución dunha duración acumulada que non poderá exceder de tres meses cada dous años, a concesión de licencias por asuntos propios se subordinará, en todo caso, ás necesidades do servizo.

b) No caso de que dita licencia fose a ser denegada, antes da resolución definitiva daráse audiencia ó interesado a través do servizo correspondente.

ARTIGO 28 º .EXCEDENCIA POR CUIDADO DE FILLOS E OUTRAS EXCEDENCIAS

a. Os funcionarios de carreira terán dereito a un período de excedencia, non superior a tres anos, co reserva de posto de ata un máximo de dous anos, para atendelo coidado de cada fillo, tanto cando o sexa por natureza ou por adopción, a contar dende a data de nacemento deste ou da adopción. Os sucesivos fillos darán dereito a un novo período de excedencia, que porá fin ó que se viñera disfrutando. Cando o pai e a nai traballe, só un deles poderá exercitar este dereito.

b. Para ó coidado dun familiar: terán dereito a un período de excedencia, de duración non superior a tres anos, co reserva de posto de ata un máximo de dous anos, os/as funcionarios/as do Concello de Tui para atenderen o coidado dun familiar que se encontre ao seu cargo, ata o segundo grao inclusive de consanguinidade ou afinidade que, por razóns da súa avanzada idade, accidente, enfermidade ou discapacidade, non poida valerse por si mesmo e non desempeñe actividade retribuída

c. Por razón de violencia sobre a muller traballadora: As funcionarias de carreira do Concello de Tui, víctimas de violencia de xénero, para facer efectiva a súa protección ou o seu dereito á asistencia social integral, terán dereito a solicitar a situación de excedencia sen necesidade de ter prestado un tempo mínimo de servizos previos e sen que re sulte de aplicación ningún prazo de permanencia nela.

Durante os seis primeiros meses terán dereito á reserva do posto de traballo que desempeñasen, sendo computable dito período a efectos de ascenso, trienios e dereitos pasivo.

Non obstante, cando das actuacións de tutela xudicial resultase que a efectividade do dereito de protección da víctima o esixe, poderase prorrogar por períodos de tres meses, cun máximo de dezaoito, o período no que, de acordo co parágrafo anterior, se terá dereito á reserva do posto de traballo con idénticos efectos aos sinalados dito parágrafo.

ARTIGO 29 º .COMÚN A PERMISOS E LICENCIAS

Nas referencias feitas no presente Capítulo a días de permiso ou licencias, entenderanse feitas a días hábiles, incluidos os relativos a permisos por asuntos propios.

En todo caso os días de permiso por: traslado de domicilio, asistencia a exames, matrimonio de parentes, enfermidades, accidentes ou falecemento de familiares deberán de coincidir necesariamente co día no que se produza o evento.

Os permisos solicitaránse en impreso oficial. O persoal poderá distribuir os días por asuntos propios a súa conveniencia, previa autorización dos seus superiores, que se comunicará á unidade de persoal e respetando sempre as necesidades do servizo.

O tempo de desfrute da excedencia contemplada no artigo anterior computará para os efectos de antigüidade. Para os efectos de cotización na Seguridade Social estarase ó disposto no Real Decreto 2064/1995, de 22 de decembro, e normativa concordante.

CAPÍTULO IX CONDICIÓNS PROFESIONAIS

ARTIGO 30 º .PRINCIPIO XERAL DE ACCESO Á ADMINISTRACIÓN LOCAL E SISTEMAS DE SELECCIÓN

No proceso selectivo, en todo caso estarase ó disposto no Regulamento Xeral de Ingreso do persoal ó servizo da Administración Xeral do Estado e de provisión de postos de traballo e promoción profesional dos funcionarios civiles da Administración Xeral do Estado, e ó Real Decreto 896/1991, de 7 de xuño, polo que se aproban as regras básicas e os programas mínimos a que debe axustarse o procedemento de selección dos funcionarios da Administración Local.

En concordancia coa normativa mencionada, tamén estarase nesta materia ó disposto no Decreto 95/1991 do 20 de marzo, polo que se aproba o Regulamento de selección de persoal da Administración da Comunidade Autónoma de Galicia e a Lei 5/1997, de 22 de xullo, de Administración Local de Galicia.

ARTIGO 31 º .ACCESO

1. O ingreso do persoal ó servizo da Administración Local Galega realizarase a través da Oferta de Emprego Público, con total respecto ós principios básicos de acceso á Función Pública, de conformidade cos postulados constitucionais de igualdade, mérito e capacidade, establecendo como mecanismos de garantía os seguintes:

a. Para os procesos de selección de funcionarios/as de carreira, as bases das probas selectivas, así como as correspondentes convocatorias, publicaranse no B. O. P. e extracto no D. O. G. O anuncio das convocatorias publicarase no B. O. E.

Para os procesos de selección de contratación de funcionarios/ as interinos/as, as bases das probas selectivas, así como as correspondentes convocatorias, publicaranse no B. O. P. O anuncio da convocatoria publicarase nun xornal de tirada provincial.

b. Nas probas eliminatorias garantirase o anonimato dos aspirantes naquelas probas en que sexa posible.

c. Os Tribunais e/ou Comisións de Selección estarán integrados, de conformidade co Decreto 364/95, de 10 de marzo, de ingreso do Persoal ó Servizo da Administración do Estado, por un número impar de membros, non inferior a cinco, cos seus respectivos suplentes, debendo posuíla totalidade destes un nivel de titulación igual ou superior ó esixido para o ingreso no Corpo ou Escala de que se trate, e dos/as que formarán parte, con voz e voto un representante designado pola Xunta de Persoal, Delegados/as de Persoal, ou Sindicatos con representación no concello.

e. Para poder participar nos procesos selectivos convocados na Administración Local será necesario reunilos seguintes requisitos:

Posuíla nacionalidade española, ou a dun Estado membro da Unión Europea nos termos previstos na lexislación vixente.

Estar en posesión da titulación esixida ou en condicións de obtela no prazo de presentación de solicitudes.

Posuíla capacidade funcional necesaria para ó desempeño das tarefas habituais do Corpo, Escala ou praza correspondentes.

Ter cumpridos dazaoito anos e non exceder da idade de xubilación forzosa, salvo naqueles Corpos ou Escalas que teñan determinada por Lei outra idade de ingreso ou xubilación.

Non estar separado mediante expediente disciplinario do servizo de calquera das Adminsitracións Públicas, nin atoparse inhabilitado con carácter firme para o exercicio de funcións públicas.

ARTIGO 32 º .PROCESO SELECTIVO

1. Tanto o temario como a estructura do proceso selectivo deben ter en conta que este supón o ingreso nun Grupo ou Escala de funcionarios de carreira. Atendendo a estas cuestións fundamentais, os programas das convocatorias constarán do número de temas e exercicios seguintes:

GRUPO A: 90 temas ( 50comúns e 40 específicos) .

GRUPO B: 60 temas ( 30comúns e 30 específicos) .

GRUPO C: 40 temas. GRUPO D: 20 temas.

GRUPO E: 10 temas.

2. O sistema de valoración das diferentes probas, é a seguinte:

a) A puntuación da fase do Concurso-Oposición virá determinada pola suma das puntuacións obtidas en cada unha das dúas fases.

b) A puntuación da fase de oposición virá dada pola suma das puntuacións dos exercicios correspondentes.

c) A puntuación obtida na fase de concurso non se poderá aplicar para superala fase de oposición, que terá carácter eliminatorio.

d) As materias e programas correspondentes a cada convocatoria a título de recomendación e conforme á lexislación aplicable serán materia de estudio e negociación, sendo incorporadas ó presente Acordo como Anexos. En todo caso:

TEMARIO

Tal como establece o R. D. 896/96 de 7 de xuño, polo que se aproban as regras básicas e programas mínimos a que debe axustarse o procedemento de selección de funcionarios de Administración Local, coa salvidade que para a promoción interna establece o artigo 77 do R. D. 364/95, de 19 de marzo, sobre exención de probas sobre aquelas materias das que o seu coñecemento polo funcionario estea acreditada suficientemente nas de ingreso ó Corpo ou Escala de orixe, o temario será o seguinte:

Materias Comúns:

Constitución Española.

Organización do Estado

Estatuto de Autonomía.

Réximen Local.

Dereito Administrativo Común.

Facenda Pública e Administración Tributaria.

Materias Específicas: versarán sobre o contido das funcións e tarefas atribuídas legalmente á Escala, Subescala ou Clase á que se refiren as probas.

Poderánse incluír así mesmo unha Entrevista cos aspirantes que poderá contar con unha parte dirixida e ou un Test psicotécnico para valorala idoneidade do candidato, que nunca terán carácter eliminatorio e cun valor máximo de 1 5 puntos.

ARTIGO 33 º .SELECCIÓN DO PERSOAL FUNCIONARIO INTERINO

A selección dos funcionarios interinos farase de convenio co sistema selectivo que a Administración Pública determine, respectando os principios de igualdade, mérito e capacidade. O referido sistema deberá permitila máxima axilidade na selección, en razón da urxencia requerida para ó desempeño transitorio dos postos de traballo ou das funcións correspondentes.

Os opositores que houberan superado satisfactoriamente as probas selectivas e non obtivesen praza, poderán integrar unha lista para futuras contratacións pola vía de urxencia, con unha limitación na vixencia da referida lista dentro da lexislatura.

No que respecta a selección temporal de prazas correspondentes a funcionarios/as de carreira, se dará traslado das bases aprobadas polo Alcalde, a Xunta de Persoal ou Delegados/as de Persoal do Concello.

ARTIGO 34 º .OFERTA DE EMPREGO PÚBLICO

1. Os postos de traballo dotados presupostariamente que non sexan susceptibles de ser cubertos por persoal da Corporación da que se trate constituirán a Oferta de Emprego Público, unha vez negociada na Mesa Xeral de Negociación, no seu caso Xunta de Persoal, axustándose ó que dispoña a Lei de Orzamentos Xerais do Estado, cada ano. Nas Ofertas de Emprego Público deberá figuralo número porcentual que a lexislación vixente reserva a persoas con minusvalía, especificando a denominación e caracteristicas das prazas.

2. En ningún caso poderá constituír como mérito para acceder á Función Pública o ter desempeñado un posto de traballo con carácter eventual.

3. Cando, en cómputo anual e por grupos ou categorías profesionais, se exceda de 800 horas extraordinarias, deberá crearse unha nova praza no cadro de persoal.

4. En todo caso, os procedementos de selección de persoal derivados da Oferta Pública deberán de estar rematados antes de que se publique a seguinte Oferta.

ARTIGO 35 º .PROMOCIÓN INTERNA

1. A promoción interna consiste no acceso desde Grupos o Escalas dun grupo de titulación a outro do inmediato superior ou dentro do mesmo grupo de titulación.

A promoción profesional haberá de constituír un instrumento indispensable nun modelo avanzado de carreira profesional na Función Pública.

2. Como criterios xerais en materia de promoción teranse en conta os seguintes:

a) A promoción deberá selo instrumento para incrementala capacidade de traballo dos/as empregados/as públicos e, en definitiva, os niveis de motivación e integración.

b) A promoción deberá basearse no esforzo profesional, o historial profesional e a carreira, a formación e cualificación adquiridas, debendo ser tamén obxecto de consideración a antigüidade.

c) De acordo con estes criterios, no ámbito das Administracións Locais de Galicia, deberán efectuarse procesos de promoción, separados dos de ingreso, que se desenvolverán en convocatorias independentes.

d) Efectuarase mediante o sistema de CONCURSO-OPOSICIÓN con suxeición ós principios de igualdade, mérito e capacidade.

3. Requisitos: Para participar en probas de promoción interna os funcionarios deberán posuír unha antigüidade de, polo menos, dous anos no Corpo ou Escala á que pertenzan o día da finalización do prazo de presentación de solicitudes de participación e posuíla titulación e o resto dos requisitos establecidos con carácter xeral para o acceso ó Corpo ou Escala ó que aspire a ingresar.

No suposto de promoción do Grupo D ó C poderase eximir do requisito de titulación cando se trate de funcionarios cunha antigüidade de dez anos nun Corpo ou Escala do Grupo D, ou de cinco anos e a superación dun curso específico de formación, de conformidade coa Disposición Adicional novena do Real Decreto 364/95, de 10 de marzo.

Eximirase ós candidatos daquelas materias cuio coñecemento fose acreditado suficintemente nas probas de ingreso ós corpos, escalas ou grupo profesional de orixen. Para fixar esta excepción tomarase como referencia a última convocatoria.

Tan so deberán superar unha proba práctica aqueles candidatos que pertenzan a un corpo, escala ou grupo profesional cuio desempeño profesional non permita supoñer un coñecemento dos cometidos propios do corpo, escala ou grupo profesional de destino.

Os aspirantes que no turno de promoción interna houberan superado as probas pero, ó non reunir méritos suficintes, non obtiberan praza ou posto, quedarán exentos da realización das probas na seguinte convocatoria. Na promoción do grupo D ó C, e sempre que non existan convocatorias de acceso libre para elo, esta exención estenderase as duas seguintes convocatorias.

ARTIGO 36 º .SISTEMAS DE PROMOCIÓN

1. O SISTEMA DE PROMOCIÓN SERÁ O DE CONCURSO-OPOSICIÓN

A promoción dentro dun mesmo grupo de titulación poderá facerse polo sistema de Concurso de xeito motivado e as reclasificacións por reasignación de efectivos tamén pola superación de Cursos específicos

Como norma xeral aconsellase valorala fase de concurso co 40% da puntuación total, e co 60% restante a fase de oposición.

2. PROPOSTA INDICATIVA DE BAREMO DE CONCURSO

Esta fase de concurso será puntuada de 0 a 10 puntos como máximo; o resultado da suma dos distintos méritos presentados polo/a concursante, finalmente terá que ser proporcional ó 40% establecido como máximo tamén para esta fase.

a) Antigüidade: por cada ano ou fracción do Grupo ou Escala de orixe; 0 50 puntos, ata un máximo de 3 puntos.

b) Cursos de formación e perfeccionamento:

Pola participación en cada curso relacionado coas funcións a desenvolver, impartido polo INAP, pola EGAP ou calquera outro Centro Oficial autorizado, ( exemploSindicatos) , para impartilos, incluídos os organizados ou promocionados pola Corporación de que se trate; esta fase será puntuada cun máximo de 5 puntos.

Por cada curso de máis de 100 horas de duración como mínimo, e se estas non figurasen, de máis 21 xornadas completascomo mínimo, .. . . . . . . . . 1 00 punto.

Por cada curso de entre 80 e 99 horas de duración como mínimo, e se esta non figurase, de 16 a 20 xornadas completas como mínimo, .. . . . . . . . . . . . . . . . . . . . . 0 80 puntos.

Por cada curso de entre 60 e 79 horas de duración como mínimo, e se esta non figurase, de 10 a 15 xornadas completas como mínimo, .. . . . . . . . . . . . . . . . . . . . . 0 60 puntos.

Por cada curso de entre 30 e 59 horas de duración como mínimo, e se esta non figurase, de 5 a 9 xornadas completas como mínimo, .. . . . . . . . . . . . . . . . . . . . . . . . . 0 40 puntos.

Por cada curso de entre 10 e 29 horas de duración como mínimo, e se esta non figurase, de 2 a 4 xornadas completas como mínimo, .. . . . . . . . . . . . . . . . . . . . . . . . . 0 20 puntos.

Por cada curso de entre 5 e 9 horas de duración como mínimo, e se esta non figurase, de 1 xornada completas como mínimo, .. . . . . . . . . . . . . . . . . . . . . . . . . . . . . . . . . 0 10 puntos.

Non se valorarán a asistencia a seminarios, conferencias, coloquios e cursos inferiores a 5 horas ou de menos de 1 xornada completa de asistencia.

c) Cursos de aproveitamento, ( cursosnos que independentemente do número de horas lectivas, esixen un exame final para a obtención do diploma) .

Por cada curso de aproveitamento un mínimo de 0 80 puntos, podendo ser incrementada a súa valoración tamen en función do seu número de horas lectivas segundo a táboa anterior, non podendo exceder en todo caso de 1 punto máximo por curso.

d) Coñecemento do IDIOMA GALEGO:

Por superalo curso de iniciación. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 0 25 puntos.

Por superalo curso de perfeccionamento .. . . . . . . . . . . . . . . . . . . . . . . . . . . . . . . . . . . . . 0 50 puntos.

Por superalo curso de Linguaxe Admtiva. denivel medio. . . . . . . . . . . . . . . . . 0 75 puntos.

Por superalo curso de Linguaxe Admtiva. denivel superior. . . . . . . . . . . . . . 1 00 punto.

e) As titulacións superiores que os aspirantes poidan acreditar ( aparteda esixida para poder participar) , e teñan relación coa praza ou posto de traballo ó que se opta, serán puntuadas con 1 punto como máximo.

3. FASE DE OPOSICIÓN

a) Consistirá na realización de dous exercicios: un teórico e outro práctico.

O exercicio teórico consistirá nun test con preguntas relativas ó programa aprobado para cada Grupo ou Escala.

O exercicio práctico consistirá no desenvolvemento por escrito ou materialmente de supostos derivados do temario a proposta de Tribunal e que unha vez realizado será lido polo aspirante no caso de ser escrito.

b) Cando a súa natureza o permita os exercicios serán anónimos.

c) Cada exercicio puntuarase globalmente de 0 a 10 puntos, e quedará eliminado o aspirante que non acade polo menos 5 puntos en cada un deles.

d) O temario, na quenda de promoción interna, reducirase con relación ó establecido para a quenda libre, atendendo a razóns de especialización e coñecementos profesionais acreditados nos exames de ingreso na Administración.

e) Proposta de aprobados: A suma de puntuacións obtidas en ámbolos dous exercicios da oposición, sumada á conseguida na fase de concurso, servirá para elaborala relación de aprobados por orde de puntuación. No caso de empate resolverase a favor do aspirante que conte con maior puntuación na fase de oposición; de persistilo empate, o de maior antigüidade; e de continuar manténdose, o de maior idade.

4. TEMARIO: Tal como establece o R. D. 896/96 de 7 de xuño, polo que se aproban as regras básicas e programas mínimos a que debe axustarse o procedemento de selección de funcionarios de Administración Local, coa salvidade que para a promoción interna establece o artigo 77 do R. D. 364/95, de 19 de marzo, sobre exención de probas sobre aquelas materias das que o seu coñecemento polo funcionario estea acreditada suficientemente nas de ingreso ó Corpo ou Escala de orixe, o temario será o seguinte:

Materias Comúns:

Constitución Española.

Organización do Estado

Estatuto de Autonomía.

Réximen Local.

Dereito Administrativo Común.

Facenda Pública e Administración Tributaria.

Materias Específicas: versarán sobre o contido das funcións e tarefas atribuídas legalmente á Escala, Subescala ou Clase á que se refiren as probas.

O número de temas, segundo o Grupo ou Escala será o seguinte:

Grupo D: 10 temas ( accesolibre 20 temas) .

Grupo C: 20 temas ( accesolibre 40 temas) .

Grupo B: 30 temas ( accesolibre 60 temas) .

Grupo A: 45 temas ( accesolibre 90 temas) .

5. ACCESO LIBRE:

Cando non se poidan proveer con persoal propio da Corporación, mediante a oportuna provisión de postos de traballo, as prazas vacantes cubriranse a traveso da Oferta de Emprego Público.

ARTIGO 37 º .PROMOCIÓN DO PERSOAL

1. Os criterios que sobre promoción se conteñen no presente acordo inspirarán as previsións que sobre promoción profesional se establezcan para o persoal laboral no convenio colectivo.

2. Os Plans de Emprego poderán establecer criterios específicos sobre a funcionarización, en especial sobre as oportunidades dos candidatos e as probas selectivas.

3. O persoal, poderá acceder á promoción interna polo sistema de concurso, sempre e cando se traten de postos ou prazas de similar categoría. Este mesmo sistema, poderá ser empregado entre o grupo E e o D no caso do persoal funcionario, sempre que se estea en posesión da titulación necesaria ou a antiguidade regulamentaria.

ARTIGO 38 º .PROVISIÓN DE POSTOS DE TRABALLO

1. A provisión de postos de traballo realizarase a través dos sistemas de libre designación, concurso específico ou concurso de méritos, que será o sistema xeral.

2. Os/as empregados/as públicos/as unicamente poderán ser removidos por causas sobrevidas, derivadas dunha alteración no contido do posto realizada a través das relacións de postos de traballo ou prevista nestas que modifiquen os supostos que serviron de base á convocatoria, ou dunha falta de capacidade para o seu desempeño manifestada por rendemento insuficinte que impida realizar con eficacia as funcións atribuídas ó posto. A remoción levarase a cabo logo de expediente instruído para o efecto e informe do órgano de representación do persoal, mediante resolución motivada do organo que efectuou o nomeamento.

3. As bases e convocatorias serán públicas no Boletín Oficial da Provincia ou da Comunidade Autónoma, e o anuncio das convocatorias no Boletín Oficial do Estado, e conterán necesariamente:

a) Denominación, localización, categoría profesional e salario.

b) Requisitos esixidos para o seu desempeño, entre os que unicamente poderán figurar os contidos nas relacións de postos de traballo.

c) Prazo de presentación de solicitudes, que en ningún caso poderá ser inferior a 15 días hábiles, contando a partir da publicación.

4. Baremo .Méritos: Avaliaranse como tales:

a) Antigüidade.

b) Cursos de formación e perfeccionamento ( relacionadossempre coas funcións do posto a que se aspira) .

c) Titulacións académicas superiores, excluíndo as que serviron para obter outra superior, ou complementarias das que se esixen para acceso ó grupo relacionadas coas funcións propias do posto de traballo e outras homologadas por organismos oficiais, relacionadas coas funcións propias do posto.

d) Coñecemento do idioma galego.

e) Carreira administrativa.

f) No caso de empate terá preferencia para que lle sexa adxudicado o posto o que obtivese maior puntuación polo apartado primeiro, de persistilo empate terá preferencia o de maior idade.

ARTÍGO 39 º .MOBILIDADE ENTRE ADMINISTRACIÓNS PÚBLICAS E SUSTITUCIÓNS NO PROPIO CONCELLO

1. Unha vez rematada a quenda de promoción profesional e con cargo ás prazas que vaian ser obxecto de convocatoria libre, poderanse atender peticións de traslado formuladas por traballadores/as doutras Administracións Públicas. En todo caso, será requisito imprescindible para a concesión deste tipo de traslado que a Administración de orixe teña regulado un sistema de reciprocidade que tamén o permita.

2. As sustitucións a postos da subescala Administrativa da Admón. Xeral e demáis subescalas dentro do concello, veñan a producirse estas por vacantes, baixas médicas ( de duración mínima dunha semana) ou vacacións, soamente poderán ser cubertas temporalmente por persoal do concello pertencentes a grupos inmediatamente inferiores; nos supostos nos que non existan traballadores/as dese grupo ou habendos exista incompatibilidade manifesta de cargos nese grupo, poderán nomearse do seguinte grupo inferior.

Percibirán a diferencia das retribucións complementarias ata a totalidad das que ten o posto para o que foi nomeado accidentalmente.

ARTIGO 40 º .ASISTENCIA XURÍDICA

1. O Concello de Tui, garantirá a prestación de asistencia xurídica especializada a tódolos traballadores/as que a precisen por razón de conflictos con terceiros derivados da prestación do servizo sempre que non exista causa de negligencia probada e sempre que sexa o persoal do Concello o demandado.

2. Así mesmo asume as posibles responsabilidades civís que puideran derivarse de prestación do servizo dos traballadores propios, excepto no caso de neglixencia debidamente probada.

3. Para estes efectos, o Concello poderá subscribir unha póliza que garanta unha cobertura adecuada por este concepto.

4. Do mesmo xeito, concertará unha póliza de seguro colectivo de accidentes para os seus traballadores/as, que cubra os riscos de morte e incapacidade laboral permanente. Con este fin recabará ofertas presupostos de varias entidades, co obxeto de establecelos importes concretos de indemnización, das que se lle dara a debida información a representación sindical.

ARTIGO 41 º .SEGUNDA ACTIVIDADE

1. Todo o persoal adscrito ó Concello de Tui estará obrigado a desempeñar todalas funcións inherentes ó seu cargo e posto de traballo, ( 1ª actividade) , mentres non existan causas razoables que imposibiliten o desempeño normal destas, ( 2 ª actividade) . Con este punto de partida, na definición de 2 ª actividade, faise necesario determinar cales son as causas razoables que posibilitarán o paso a escala de 2 ª actividade, o que se poderá facer:

1.1. VOLUNTARIAMENTE: Cando se cumprisen ós 55 anos de idade ou 25 anos de servizos efectivos nas situacións de servizo activo, servizos especiais ou excedencia forzosa.

1.2. DE OFICIO: cando estea adscrito en servizos de urxencia, e fosen cumplidos os 55 anos de idade, ( otraballador/a afectado poderá neste caso tamén renunciar ó dereito de pase a segunda actividade, e continuar no seu posto, excepto por razóns xustificadas, oída a representación sindical) .

1.3. POR INSUFICIENCIA DAS APTITUDES PSICOFÍSICAS: cando estea incapacitado/ a para o exercicio da súa función habitual, sempre que non sexa causa de xubilación anticipada por incapacidade permanente. Neste caso o pase a 2 ª actividade requirirá o exame dun tribunal médico.

2. A Corporación Local determinará anualmente os postos de 2 ª actividade que formen parte dunha escala auxiliar, dentro da relación de postos de traballo, os cales serán negociados coa representación legal dos traballadores, dentro do último trimestre de cada ano, creándose vacantes cando o re quiran as necesidades do servizo.

Excepto cando sexa de oficio, o persoal interesado no pase a 2 ª actividade, deberá formular a correspondente solicitude antes do mes de setembro do ano anterior, dirixida ó Organo competente ou a Alcaldía Presidencia que corresponda.

Unha vez encadrado na escala de 2 ª actividade conservaranse a totalidade das retribucións que se viñan percibindo, salvo que o pase se tramitase de forma voluntaria polo interesado, ( punto1) .

ARTIGO 42 º .INCOMPATIBILIDADES

A todo o persoal incluído no ámbito de aplicación deste Acordo, aplicaráselle o réxime de incompatibilidades de conformidade coas normas estatais e autonómicas vixentes na materia.

ARTIGO 43 º .SITUACIÓNS ADMINISTRATIVAS

Estarase ó disposto nás disposicións vixentes aplicables.

ARTIGO 44 º .USO DA LINGUA GALEGA

Os traballadores/as do Concello de Tui, teñen o dereito e o deber de desenvolvela súa actividade laboral e profesional no idioma Galego, como Lingua da Comunidade Autónoma, e en particular da Administración Local, e polo tanto acceder a vías de formación lingüistica en relación co seu posto de traballo.

O Concello de Tui proporcionará os instrumentos axeitados para propiciar un coñecemento adecuado da Lingua Galega. Os traballadores/as da Entidade Local teñen dereito a asistir a cursos de aprendizaxe, perfeccionamento e especialización do idioma galego, dentro do horario de traballo.

O tempo investido na asistencia ós devanditos cursos será computado como tempo efectivo de traballo.

No caso de que os cursos de Galego, non se realicen dentro dun plan de formación lingüística do persoal ó cargo da Entidade Local ou non sexan organizados por esta, este aboará se é o caso, e logo da xustificación documental, as axudas de custo e gastos de desprazamento pertinentes.

CAPÍTULO X SISTEMA RETRIBUTIVO

ARTIGO 45 º .ESTRUCTURA RETRIBUTIVA

Os conceptos retributivos de todos os funcionarios do Concello de Tui recolleránse e conceptuaránse en nómina o tenor do seguinte esquema:

1. RETRIBUCIÓNS BÁSICAS

a) Soldo.

b) Os trienios.

c) As pagas extraordinarias.

2. RETRIBUCIÓNS COMPLEMENTARIAS

a) O complemento de destino.

b) O complemento específico.

c) O complemento de productividade.

d) As gratificacións por servicios extraordinarios.

3. Os funcionarios do Concello de Tui percibirán as indemnizacións correspondentes por razón do servizo

ARTIGO 46 º RETRIBUCIÓNS BÁSICAS

1. Soldo, que se asigna en función de cada un dos Corpos en que se atope clasificado o traballador/a.

2. Os trienios: consistentes nunha cantidade en contía igual para cada grupo, por cada tres anos de servicio no Corpo e Escala, Clase ou categoría.

O recoñecemento dos servicios previos prestados polos funcionarios de carreira se realizará de conformidade co disposto na Lei 70/78 de 26 de decembro.

3. As pagas extraordinarias: que serán de dúas ao ano por un importe mínimo cada unha delas dunha mensualidade do soldo, trienios, e cuantía mensual do complemento de destino, así como das porcentaxes do complemento específico, que se estableza nas correspondentes Leis de Presupostos do Estado para cada ano ou polas disposicións legais vixentes en cada momento, de acordo coas que correspondan ó Grupo Corpo ou Escala no que se atopen clasificados todolos/as funcionarios/as do Concello de Tui.

ARTIGO 47 º RETRIBUCIÓNS COMPREMENTARIAS

Estas retribucións comprenden:

1. O COMPLEMENTO DE DESTINO

Será o correspondente o nivel do posto que se desempeñe.

2. O COMPLEMENTO ESPECÍFICO

O Complemento específico está destinado a retribuir as condicións particulares dos postos de traballo en atención á sua especial dificultade técnica, dedicación, incompatibilidade, responsabilidade, perigosidade ou penosidade. ( Art. 4 rd 861/86) .

En ningún caso poderá asignarse mais dun complementeo específico a cada posto de traballo, ainda que ao fixalo poderán tomarse en consideración conxuntamente dous ou mais das condicións particulares que poidan concorrer nun posto de traballo.

O establecemento ou modificación do complemento específico esixirá, con carácter previo, que pola Corporación se efectúe unha valoración previa do posto de traballo atendendo ás circunstancias expresadas no número anterior.

Efectuada a valoración, o Pleno da Corporación determinará as contías que corresponden a cada posto de traballo, que serán incluidas nas relacións de postos.

3. O COMPLEMENTO DE PRODUCTIVIDADE

O complemento de productividade está destinado a retribuir o especial rendemento, a actividade extraordinaria e o interese e iniciativa con que o/a funcionario/a desempeña o seu traballo.

Corresponde ao Pleno de cada Corporación determinar nos orzamentos a cantidade global destinada á asignación do complemento de productividade, e os criterios de distribución de dita contía.

Corresponde ao Alcalde ou ao Presidente da Corporación a distribución de dita contía entre os diferentes programas ou áreas e a asignación individual do complemento de productividade, con suxección aos criterios establecidos polo Pleno, sin prexuizo das delegacións que poida conferir.

Ao abeiro do disposto no artigo 32 da Lei 9/87 de órganos de representación, os criterios de distribución e de asignación individual dos complementos de productividade, serán obxecto de negociación coa representación sindical.

As cantidades que perciba cada funcionario/a por este concepto serán de coñecemento público, tanto polos demais funioanrios/as da Corporación como dos representantes sindicais.

4. GRATIFICACIÓNS POR SERVICIOS EXTRAORDINARIOS

As gratificacións, que en ningún caso poderán ser fixas na súa contía nin períodicas no seu devengo, deberán responder a servizos extraordinarios re alizados fora da xornada normal de traballo.

a) A retribución dos servizos extraordinarios terá carácter excepcional, debendo ser compensados preferentemente en tempo libre. Cando no sexan compensadas con tempo de descanso se remunerán cun valor único para cada grupo profesional:

Esta norma contiene tablas, si desea consultarlas pulse AQUI

(Para poder leer los documentos es necesario el lector Adobe Acrobat)

b) O valor das horas extraordinarias actualizarase anualmente de conformidade co porcentaxe de incremento xeral de retribucións que se fixe nos presupostos xerais do Estado para todolos empregados públicos.

5. AS INDEMNIZACIÓN POR RAZÓN DE SERVIZO

1. Para os traballadores municipais que por razón dos cometidos propios dos postos de traballo que desempeñen, se vexan obrigados a desprazarse, dentro e fora do casco urbán, ó Concello disporá o sistema de transporte, de conformidade co establecido na normativa vixente e Bases de Execución do Presuposto Xeral do Concello de Tui e, no seu caso, Plan de Formación Municipal.

2. O desprazamento deberá ser ordeado polo xefe do servizo co V º B º do Concellal Delegado, agás casos de urxencia.

3. As circuntancias, cuantías, límites e contidos que dean orixen a indemnización por razón do servicio serán os que determine o Real Decreto 462/2002, de 24 de maio, e demais disposicións de desenvolvemento.

ARTIGO 48 º .HOMOXENEIZACIÓN DO COMPREMENTO DE DESTINO

1. O persoal ó servizo do Concello de Tui afectado por este Acordo, unha vez sexa asinado, e en atención ás funcións que realiza, se clasifica nos Grupos e niveis mínimo e máximo que a continuación se indican :

Esta norma contiene tablas, si desea consultarlas pulse AQUI

(Para poder leer los documentos es necesario el lector Adobe Acrobat)

ARTÍGO 49 º .NÓMINA

Tódalas percepcións do persoal funcionario realizaranse a través da nómina, establecéndose a prohibición de facelo doutro xeito. O cobro da nómina deberá poder efectuarse o último día do mes, derivándose responsabilidades noutro caso. A nómina que se deriva do Libro Rexistro de Persoal, deberá conter tódolos datos persoais precisos e os conceptos retributivos detallados e en concreto, sempre de xeito claro, o importe bruto, as deduccións e o importe líquido, procurando a maior transparencia e claridade posibles.

CAPÍTULO XI CONDICIÓNS ECONÓMICAS E SOCIAIS

ARTÍGO 50 º .CONSTITUCIÓN DUN FONDO SOCIAL

1. O Concello de Tui que subscribe este Acordo, co fin de melloralo benestar social dos empregados/as público/as, constituirá un fondo social, equivalente a unha porcentaxe sobre a masa salarial de todo o seu persoal, consignado presupostariamente cada ano, a negociar na Mesa Xeral de Negociación e se é o caso cos Delegados/as de Persoal, Xunta de Persoal ou Comité de Empresa, para facer fronte ás condicións sociais e programas de carácter social.

2. As contías e as normas de xestión rexiránse por un regulamento ou normas de xestión de acción social e tan so poderán ser satisfeitas tanto en tempo como en forma, por acordo do órgano competente do Concello previa proposta da Comisión Paritaria que se constituirá ó efecto os trinta días da sinatura do Acordo Regulador.

ARTIGO 51 º .ANTICIPOS

1. Todo traballador/a do Concello de Tui con praza en propiedade ou fixo, poderá percibir un anticipo de ata tres mensualidades do seu salario íntegro, debéndose reintegralo devandito anticipo en doce, dezaoito ou vintecatro mensualidades; estes anticipos serán concedidos sen xuro ningún.

2. Desde o mes seguinte á percepción do anticipo detraerase da nómina do traballador/a en cuestión, a cantidade correspondente a dividila contía global do anticipo entre o número de mensualidades para a súa devolución.

3. O traballador/a poderá solicitar tanto o anticipo de tres, dúas ou unha soa mensualidade.

4. O traballador/a non poderá solicitar un novo anticipo ata que non remate a amortización do anteriormente solicitado.

ARTIGO 52 º .GRATIFICACIÓN ESPECIAL

Para todo o persoal que por necesidades do servizo, se vexa obrigado a traballalas noites dos días 24 e 31 de Nadal, establécese unha gratificación especial, igual ó valor dobre dunha xornada normal de traballo efectivo.

ARTIGO 53 º .REXIMÉ DE RETRIBUCIÓNS EN PROCESOS DE BAIXA POR INCAPACIDADE TEMPORAL

1. Con carácter xeral cada traballador/a terá plenitude de retribucións fixas e periódicas ata o 91 día de permanencia en situación de incapacidade temporal, computado o dito período de tempo nun prazo dun ano natural.

2. Transcorrido o dito prazo, será aboable a contía que corresponda dentro do réxime xeral da Seguridade Social ( 75% da base reguladora) .

3. A dita limitación de tempo non será tida en conta, percibindo por tanto a totalidade das contías que correspondan as súas retribucións, nos seguintes casos:

a) Procesos de longa duración debidos a traumatismos, intervencións cirúrxicas, enfermidades infecciosas ou, en xeral actos médicos que documentalmente conste que a recuperación é superior a 91 días.

b) Procesos derivados de intervencións de cirurxía maior.

c) Procesos para a recuperación dos cales sexa indispensable a intervención cirúrxica.

4. Os supostos sinalados requirirán os correspondentes informes médicos, sen prexuízo de que sexan contrastados pola inspección médica a instancias do concello.

5. Nos casos derivados de convalecencias por accidentes de traballo ou enfermidades profesionais, o persoal afectado percibirá a totalidade que corresponda as súas retribucións fixas e periódicas ata a reincorporación ó posto de traballo.

6. Os partes de baixa deberán presentarse dentro das 48 horas siguintes á falta de asistencia ó traballo no Departamento de Persoal ou Recursos Humáns, sen prexuízo de que notifique tal incidencia á unidade donde preste o seu traballo.

CAPÍTULO XII RÉXIME DISCIPLINARIO

ARTIGO 54 º .RÉXIME DISCIPLINARIO

1. O persoal do Concello de Tui poderá ser sancionado pola comisión das faltas tipificadas, e a través do procedemento establecido no Real Decreto Lexislativo 781/86, de 18 de abril, Real Decreto 33/1986, de 10 de xaneiro e Decreto 94/1991, de 20 de marzo, polo que se aproba o Regulamento de Réxime Disciplinario dos funcionarios da Administración da Comunidade Autónoma de Galicia.

O réxime disciplinario establecido enténdese sen perxuízo da responsabilidade civil ou penal en que poidan incorrelos funcionarios, a cal se fará efectiva na forma que determine a Lei.

2. As faltas cometidas polos traballadores/as no exercicio dos seus cargos poderán ser: Moi graves, graves e leves, tal e como se establece na lexislación á que se fai referencia.

3. As Persoas responsables, Sancións disciplinarias, Extinción de responsabilidade disciplinaria, Tramitación ( disposiciónsxerais, ordenación, iniciación, desenvolvemento e terminación) , xunto coas disposicións adicionais, transitorias e derrogatoria; configurarán no seu conxunto o procedemento disciplinario.

4. En todo caso garantirase a audiencia do interesado e a presentación pola súa parte das alegacións que estime oportunas ó longo do procedemento.

CAPÍTULO XIII FORMACIÓN

ARTIGO 55 º .OBXECTIVOS

A Formación dos/as Empregados/as Públicos das Entidades Locais, tanto a continua como a inicial, constitúe un valor fundamental para calquera proxecto que queira afrontala modernización destas.

Neste contexto a Formación debe ser considerada como unha necesidade e unha obrigación, constituíndo un factor básico para incrementala motivación e a integración dos/as empregados/as públicos e un mecanismo eficaz e indispensable para articulala mobilidade e a promoción.

É manifesta, pois, a importancia da Formación nos momentos actuais para desenvolver unhas Administracións Locais máis eficaces, polo que as súas principais funcións serán as seguintes:

Unha función de adaptación permanente á evolución das profesións e do contido dos postos de traballo e, polo tanto, de mellora das competencias e cualificacións indispensables para incrementala eficacia e a calidade dos Servizos que prestan as Administracións Públicas e o persoal ó seu cargo.

Unha función de promoción que permita a un gran número de empregados/as públicos evitalo estancamento na súa cualificación profesional.

É unha función de axeitamento e integración das previsións dos Plans de Emprego, entendidos como mecanismo de planificación estratéxica dos Recursos Humanos.

En virtude do exposto, as partes asinantes neste Acordo, constituirán a Mesa de Formación Contínua ( Concello Sindicatos) .

Unha vez sexa asinado este Acordo, en todo caso, nun prazo non superior a tres meses, a Mesa de Formación Contínua, elaborará un regulamento de funcionamento que garanta a participación en tódolos procesos de formación continua que se deriven da súa actuación, ou calquera outra á que se teña acceso

ARTIGO 56 º .OS PLANS DE FORMACIÓN. CONTIDO

Os plans de formación que se presenten diante da Mesa de Formación Contínua terán, como mínimo, o seguinte contido:

Obxectivos e descrición das accións a desenvolver.

Ámbito de aplicación do plan:

Unidades Administrativas e Administracións ás que afecta.

Colectivo afectado e número de participantes.

Calendario previsto de execución.

Custo estimativo das distintas actividades formativas.

Criterios de selección, que garantirán o principio de igualdade.

Modalidade de xestión das actividades formativas.

Criterios de avaliación do plan de formación.

ARTIGO 57 º .ACCESO ÓS PLANS DE FORMACIÓN

Tódolos empregados do Concello de Tui, terán a posibilidade de acceder ós plans de formación continua da súa Entidade, así como a plans agrupados que engloben á súa Administración Local.

CAPÍTULO XIV SAÚDE E SEGURIDADE: APLICACIÓN DA LEI DE PREVENCIÓN DE RISCOS LABORAIS NAS ADMINISTRACIÓNS LOCAIS DE GALICIA

ARTIGO 58 º .INTRODUCCIÓN

A Lei de Prevención de Riscos Laborais supón unha novidade importante para a protección dos riscos profesionais dos traballadores tanto no ámbito privado como no público. Neste último, constitúe un avance cualitativo de primeira magnitude ó ter contemplado dentro do ámbito da Administración Pública a protección dos riscos laborais como unha actuación única, indiferenciada e coordinada, que debe chegar a tódolos empregados públicos sen distinción do réxime xurídico que rixa a súa relación profesional coa Administración Pública.

Non obstante, existen e mantéñense algunhas peculiaridades referidas ó ámbito das Administracións Públicas Locais en canto á determinación e composición de certos órganos de participación e representación que demandan unha adecuación do contido da Lei de Prevención de Riscos Laborais á realidade orgánica e funcional das Administracións Locais.

Nese sentido, a coexistencia dos órganos de re presentación fixados pola Lei 9/87, como son as Xuntas de Persoal e os Comités de Empesa, cumpre elaboralo seguinte acordo de carácter xeral para a adecuación dos Capítulos IV e V da Lei 31/95, de 8 de novembro, ás Administracións Locais.

ARTIGO 59 º .ÁMBITO DE APLICACIÓN

O disposto no presente Acordo será de aplicación xeral ó persoal da Administración Local e ós seus Organismos Autónomos, si os houbera.

ARTIGO 60 º .SERVIZOS DE PREVENCIÓN

1. En cumprimento do deber de prevención de riscos profesionais, os órganos competentes en materia de persoal, determinarán tras negociación coas Organizacións Sindicais e en función da estructura organizativa e territorial dos seus organismos, así como do tipo de riscos presentes no sector e a incidencia destes nos empregados públicos, o tipo de servizo de prevención máis axustado ás súas características, potenciando a utilización dos recursos propios existentes nas Administracións Públicas Locais.

2. Os órganos competentes en materia de persoal podrán designar un ou varios empregados públicos para ocuparse da actividade de prevención de riscos profesionais, constituír un servizo de prevención ou concertalo dito servizo cunha entidade especializada, tras negociación coas Organizacións Sindicais.

Cando se opte pola designación de empregados públicos para a realización de actividades de prevención, esta deberá ser negociada cos órganos de representación do persoal.

3. As funcións dos servizos de prevención axustaranse ó disposto no artigo 31 da Lei 31/95, de Prevención de Riscos Laborais.

ARTIGO 61 º .CONSULTA E PARTICIPACIÓN

1. No ámbito específico para o exercicio da función de participación en materia preventiva será, con carácter xeral, o das Xuntas de Persoal das Administracións Locais. , os Comités de Empresa, e os Delegados de Persoal, sen perxuízo das adaptacións que sexan necesarias en función dos Comités de Seguridade e Saúde que se creen.

2. Nas Administracións Locais e os seus Organismos Autónomos, no ámbito específico para a función de participación en materia preventiva será o das Xuntas de Persoal e os Comités de Empresa correspondentes, agás no caso dunha Corporación Local na que subsistan varios convenios colectivos, onde poderá agruparse a función de participación destes nun só órgano, tras acordo da representación sindical.

ARTIGO 62 º .COMITÉ DE SEGURIDADE E SAÚDE

1. O Comité de Seguridade e Saúde é o órgano paritario e colexiado de participación, destinado á proposta e consulta regular e periódica dos plans, programas e avaliación de prevención de riscos nas Administracións Locais. O Presidente será o Alcalde ou o Concelleiro Delegado de Persoal.

2. Con carácter xeral, constituirase un único Comité de Seguridade e Saúde no ámbito dos órganos de Representación do Persoal funcionario, e laboral ó servizo das Administracións Locais, que estará integrado polos Delegados de Prevención designados no dito ámbito, tanto para o persoal con relación de carácter administrativo como para o persoal laboral, e por representantes da Administración en número non superior ó de Delegados.

3. Non obstante o sinalado nos apartados anteriores, poderán constituírse Comités de Seguridade e Saúde ou Delegados de Prevención específicos noutros ámbitos, cando as razóns da actividade e o tipo de frecuencia dos riscos así o aconsellen, tras acordo do respectivo Comité de Seguridade e Saúde correspondente.

4. A constitución do Comité de Seguridade e Saúde farase proporcionalmente ó número de efectivos do persoal funcionario e laboral existente no ámbito de representación correspondente.

5. Nas reunións do Comité de Seguridade e Saúde participarán, con voz pero sen voto, os Delegados Sindicais e os responsables técnicos.

6. O Comité de Seguridade e Saúde reunirase trimestralmente e sempre que o solicite algunha das representacións neste. O Comité de Seguridade e Saúde adoptará as súas propias normas de funcionamento.

ARTIGO 63 º .DELEGADOS DE PREVENCIÓN

1. Os Delegados de Prevención, de acordo co disposto no artigo 35.4 da Lei 31/95, de 8 de novembro, serán designados polas Organizacións Sindicais con representación nos ámbitos dos Órganos de Representación do Persoal.

2. A designación dos Delegados de Prevención debererá realizarse de entre aqueles funcionarios que sexan membros da Xunta de Persoal correspondente ó ámbito de representación e entre os representantes do persoal laboral membros do Comité de Empresa, e no seu defecto de entre os empregados públicos do ámbito correspondente.

3. O número de Delegados de Prevención que poderán ser designados axustarase á Escala establecida no artigo 35.2 da Lei 31/95 de 8 de novembro:

Ata 49 traballadores: 1 Delegado de Prevención

De 50 a 100 traballadores: 2 Delegados de Prevención

De 101 a 500 traballadores: 3 Delegados de Prevención

De 501 a 1.000 traballadores: 4 Delegados de Prevención

De 1.001 a 2.000 traballadores: 5 Delegados de Prevención

De 2.001 a 3.000 traballadores: 6 Delegados de Prevención

De 3.001 a 4.000 traballadores: 7 Delegados de Prevención

De 4.001 en diante: 8 Delegados de Prevención

4. O tempo utilizado polos Delegados de Prevención para o desempeño das funcións previstas no artigo 36 da Lei de Prevención de Riscos Laborais será considerado como de exercicio de funcións de representación, para efectos de utilización do crédito de horas mensuais retribuídas previsto na letra e) do artigo 68 do Estatuto dos Traballadores e a letra d) do artigo 11 da Lei 9/87 de Órganos de Representación, e artigo 10.3 da LOLS.

Os empregados públicos designados como Delegados de Prevención que non desfrutatan de ningún tipo de crédito horario, a partir da súa designación contarán co mesmo crédito horario cós membros dos órganos unitarios de representación da cada ámbito. En defecto do dito órgano, corresponderalle o crédito horario en proporción ó número de empregados públicos, cara o que dirixe a súa actividade preventiva.

5. Os órganos competentes proporcionarán ós Delegados de Prevención os medios e a formación en materia preventiva que resulten necesarios para o exercicio das súas funcións.

6. A formación deberá ser facilitada pola Administración polos seus propios medios ou mediante concerto con Organismos ou Entidades especializadas na materia.

7. O tempo adicado á formación será considerado como tempo de traballo para tódolos efectos.

ARTIGO 64 º .SAÚDE E SEGURIDADE

En todo caso:

1. Será de aplicación para tódalas Entidade Locais de Galicia, a actual normativa vixente en materia de saúde laboral, Lei de Prevención de Riscos Laborais ( Lei31/1995 de 8 de novembro) .

2. Como premisa xenérica entendemos que a acción sindical en saúde laboral debe estar dirixida ó control dos riscos nos lugares de traballo. É, en esencia, facer prevención.

3. En tódalas Entidades Locais haberá como mínimo 1 Delegado de Prevención, sexa cal fose o seu número de cadro de persoal.

4. O Concello e os Sindicatos asinantes deste Acordo, velarán puntualmente polo estricto cumprimento da normativa aplicable e recollida na Lei de Prevención de Riscos Laborais, en tódalos Servizos e dependencias do mesmo.

5. Para tal fin constituirase unha Comisión de seguimento en materia de saúde laboral, formada polos delegados/as de prevención e o mesmo número en representación do Concello.

6. Esta Comisión terá competencias de avaliación, información e recomendación, e poderá asumilas competencias dos Comités de Saúde Laboral.

7. Reunirase semestralmente de xeito ordinario, e de forma extraordinaria sempre que existisen motivos razoados e razoables que así o determinen.

8. A Comisión, por unanimidade dos seus membros presentes, poderá denunciar calquera actividade debida á falta de medidas de seguridade e hixiene, que puideran supoñer risco inmediato de accidente ou quebranto grave da saúde, non podendo ningún empregado ser obrigado a traballar en tales condicións, en tanto en canto non se adopten as medidas necesarias para a corrección de tales circunstancias.

9. Os compoñentes da Comisión por parte dos Sindicatos disporán do tempo empregado no desempeño do seu cometido como membros desta, e sempre que a convocatoria se corresponda cunha reunión de carácter ordinario ou extraordinario, de tal xeito que para tódolos efectos ese tempo será considerado dentro da xornada ordinaria de traballo, debendo contar para tal utilización de tempo coa xustificación por escrito e anticipada polo menos con 48 horas polo presidente desta.

10. A Comisión de entre os seus membros nomeará un secretario/ a, que será o encargando/a de convocar de xeito ordinario ou, se fose preciso, de xeito extraordinario as reunións desta.

11. Para convocar unha reunión extraordinaria da Comisión será preciso a solicitude, por escrito, cando menos do 50% dos seus compoñentes.

CAPÍTULO XV DEREITOS SINDICAIS

ARTIGO 65 º .PRINCIPIO XERAL

O concello de Tui que asume este Acordo recoñece e aplicará a Lei Orgánica 11/85, de 2 de agosto, de Liberdade Sindical ( LOLS) modificada pola Lei Orgánica 14/94, de 19 de maio, así como á Lei 9/1987, de 12 de Maio ( LORP) , de Representación, Determinación das Condicións de Traballo, e Participación do Persoal ó servizo das Admóns Públicas, así como o Convenio 151 da OIT, de 27 de xuño de 1978, sobre a protección do dereito de sindicación e os procedementos para determinar as condicións de emprego nas Admóns. Públicas, así como calquera outra que lle sexa de aplicación.

ARTIGO 66 º .GARANTÍAS E FACULTADES DOS REPRESENTANTES DOS TRABALLADORES

1. Os membros dos órganos de representación electos terán as seguintes garantías e facultades:

a) Audiencia do órgano competente nos supostos de seguirse procedemento disciplinario a un deles, sen prexuízo do/da interesado/a que se regule no dito procedemento.

b) Expresar individualmente e colexiadamente, con liberdade, as súas opinións nas materias concernentes á esfera da súa representación, podendo confeccionar, publicar e distribuír as informacións de interese profesional, laboral e social, comunicándoo ó Presidente da Entidade.

Para estes efectos, o Concello de Tui disporá a colocación ás suas expensas de taboleiros de anuncios para a exposición con carácter exclusivo para os órganos de representación, de calquera información do tipo da anteriormente reseñada, en tódolos centros de traballo pertenecentes á dita Entidade, en lugares adecuados e visibles do centro, de forma que se garanta a publicidade máis ampla do que se expoña.

Así mesmo, a autoridade ou órgano competente do Concello de Tui deberá facilitarlles ós órganos de representación a utilización de medios e materiais de traballo para a confección das informacións antes citadas, sempre que se efectúe de forma racional e moderada e non prexudique o normal funcionamento dos servizos.

c) Non poder ser sancionados disciplinariamente nin discriminados no seu traballo, promoción económica ou profesional, nin trasladados con carácter forzoso en razón precisamente do desempeño da súa representación, durante o seu mandato, nin dentro do ano seguinte a expiración deste.

d) Dispoñer 20 horas mensuais das correspondentes á sua xornada de traballo, sin diminución das súas retribucións, para o exercicio das súas funcións de representación.

No cómputo das asignacións horarias excluirase o tempo investido na asistencia a sesións de Comisións Informátivas ou órganos da Entidade ou a reunións por esta promovidas e a negociacións colectivas de ámbito funcional da Entidade.

e) Poder utilizar para a súa actividade un local facilitado para o efecto pola Entidade que posúa unhas características e equipamento que satisfagan as diversas necesidades que en canto a capacidade, dotación, material e localización física puideran presentarse.

f) Serlles admitida a súa abstención ou recusación no suposto de ser designados como instructor/a ou secretario/a nun expediente disciplinario.

ARTIGO 67 º .CAPACIDADE

Os órganos de representación terán capacidade xurídica para exercer accións administrativas ou xurídicas en todo o relativo ó ámbito das súas competencias por decisión maioritaria dos seus membros.

ARTIGO 68 º .COMPETENCIAS

1. Os órganos de representación sindical terán as seguintes competencias:

a) Recibila máis completa información dos asuntos que afecten ó persoal da respectiva Entidade Local, isto por conducto dos responsables de persoal desta.

b) Investigar e informarse, por iniciativa propia, de tódalas cuestións que afecten ó persoal agás os que afecten á intimidade do persoal do Concello de Tui, dispoñendo para tal fin de acceso, consulta e reproducción gratuíta de toda a documentación relativa ás ditas cuestións, por simple solicitude ou obter autorización por escrito para o efecto.

Neste sentido, os xefes das dependencias ou servizos nos que obre documentación relativa ós ditos asuntos, veranse obrigados a facilitala permitindo a súa consulta e reproducción, sin prexuízo das garantías que se estime oportuno adoptar para evitalo extravío dos documentos, así como das responsabilidades nas que os solicitantes puideran incurrer por incumprimento do deber de reserva profesional.

c) Formar parte ou designar ós seus representantes en cantos tribunais de selección de persoal teñan lugar no Concello de Tui, sexa a selección para persoal laboral ou funcionario ou sexa para promoción interna, exercendo de pleno dereito con voz e voto. Para tal fin os representantes dos traballadores, sexa a través do Comité de Empresa, a Xunta de Persoal ou como representación unitaria, nomearán un traballador/a de igual ou superior categoría á praza ou prazas ofertadas, podendo ser ou non un dos delegados, para que integren o tribunal.

d) Participar e colaborar así como informar xunto cos delegados de prevención, en materia de prevención de riscos laborais e determinación das condicións de traballo.

e) Sendo solicitada á Alcaldía, convocar reunións de persoal ou asembleas de traballadores durante a xornada de traballo. Neste sentido, están lexitimados para convocar reunións ou asembleas de persoal no Concello de Tui, de sector ou no seu conxunto: poderán concederse autorizacións ata un máximo de 36 horas anuais, das que 18 corresponderán ás Seccións Sindicais e o resto ós delegados ou Xunta de Persoal.

1 º .Organizacións sindicais, ou a través dos delegados sindicais.

2 º .Órganos de representación electos.

3 º .Calquera colectivo público, sempre que o seu número non sexa inferior o 40% do colectivo afectado.

ARTIGO 69 º .EXERCICIO DO DEREITO DE REUNIÓN OU ASEMBLEA. REQUISITOS

1. Formularse cunha antelación mínima de dous días hábiles.

2. Sinalala hora, lugar e data da celebración.

3. Remitir datos dos asinantes que acrediten estar lexitimados para convocala reunión ou asemblea.

4. Si antes das vintecatro horas anteriores a data de celebración da reunión non se formulasen obxeccións mediante resolución motivada, poderá celebrarse sin outro requisito.

5. As reunións e asembleas poderán ter carácter xeral ou realizarse por servizos, dependencias ou centros de traballo.

6. Non existirá ningún tipo de limitación para celebrar reunións fóra da xornada de traballo, salvo a seguridade de instalacións e dependencias e que a súa realización teña lugar cando se atopen abertos os lugares de reunión ou a súa apertura non supoña dificultades importantes.

7. Tamén poderán realizarse reunións e asembleas de traballadores dentro da xornada laboral, habendo solicitado con anterioridade permiso á Alcaldía.

CAPÍTULO XVI PRENDAS DE TRABALLO

ARTIGO 70 º .ROUPA DE TRABALLO

1. Con carácter obrigatorio e gratuito, o Concello de Tui, proporcionará a tódolos traballadores que por as funcións que realizan o necesiten, roupa e calzado de traballo adecuado.

2. O traballador virá obrigado á utilización das prendas que con carácter preceptivo se estableza para determinados postos de traballo e actividades, sendo obriga dos superiores inmediatos o velar polo seu efectivo cumprimento.

3. As prendas de traballo a entregar ó persoal ó servizo do Concello, serán dos seguintes tipos:

a) Prendas que con carácter xeral, de forma periódica e ca obrigatoriedade de ser utilizadas, se entreguen ós traballadores que se atopen no desempeño do seu traballo, nos servizos que se determinen.

Estas prendas, a súa vez, terán o carácter de uniforme para os servizos que o precisaren, ou de prendas singularizadas, no resto dos casos.

4. Prendas de traballo de carácter opcional para o persoal técnico de Administración Especial. En tódolos casos os xefes dos servizos e unidades nas cales presten os seus servizos persoal con dereito a prendas de traballo, formularán ca debida antelación e de acordo coas necesidades, proposta de adquisición que será informada polo Comité de Seguridade e Saude con carácter previo á confección, por parte do Servizo de Contratación, do correspondente Plego de Cláusulas AdministrativasParticulares e de Prescripcións Técnicas. Asimesmo aquél órgano será informado pola Mesa de Contratación das propostas de adxudicación dos contratos de adquisición.

5. As prendas de traballo, serán normalizadas para tódolos servizos e unidades, polo que a calidade e precio refirese, sin perxuizo de atender propostas de compras excepcionais se a prestación do servizo así o require.

6. Tódalas prendas de traballo, excepto prendas de uniforme, levarán anagrama ou logotipo identificativo do Concello de Tui.

EQUIPOS DE PROTECCIÓN INDIVIDUAL

1. O Concello de Tui proporcionará ós seus empregados equipos de protección individual adecuados para o desempeño das súas funcións e velará polo uso dos mesmos cando pola natureza dos traballos realizados sexan necesarios.

2. Asimesmo, entenderase que estos equipos só irán destinados a aqueles empregados que de forma ordinaria necesiten da súa utilización. En ningún caso se considerarán de concesión xeral para tódolos integrantes do servizo, de maneira que só se dotará do equipo, de forma preventiva, para cando se dé a circunstancia da sua posible utilización.

PRENDAS DE CARÁCTER OPCIONAL

O persoal técnico de Administración Especial, que realice funcións na vía pública con asiduidade, poderá solicitar do seu xefe correspondente as prendas que para os mesmos se determinan, esto é, anorak e botas, con carácter xeral, ademais de luvas para a sección de Topografía.

NORMAS XERAIS DE UTILIZACIÓN DE PRENDAS

1. Tanto as prendas de entrega periódica, como as de seguridade no traballo, serán de uso obrigatorio durante as horas de servizo, que deberá conservar o traballador nas mellores condicións de limpeza e presentación, sen prescindir de ningún dos distintivos característicos do mesmo, e introducir neles modificación algunha, prohibíndose a súa utilización fora do horario de traballo.

2. Se dotarán de armario e vestiario adecuado ós Servizos Municipais, que utilicen prendas de traballo, sinaladas no presente Acordo.

3. O persoal que utilice prendas ou equipos de protección e sempre de acordo a súa formación e seguindo as instruccións dos seus superiores deberá aterse ás normas que sobre este material se conteñen no R. D. 773/1997, sobre equipos de protección individual, en canto á utilización e coidados.

4. Polos xefes dos servizos e as unidades, sen perxuizo das competencias atribuídas pola lexislación vixente ós Delegados de Prevención, se adoptarán as medidas oportunas, que garantan a aplicación das normas sobre utilización das prendas reguladas no presente Acordo e no R. D. antes citado, e proporán, cando sexa necesario, as eventuais modificacións ás mesmas, dando conta ó Comité de Seguridade e Saude das irregularidades observadas.

5. No caso das prendas optativas, será esixencia para o recibo de nova prenda solicitarase por escrito ó xefe da unidade correspondente.

PRENDAS DE ENTREGA PERIÓDICA

O persoal do concello que teña que utilizar roupa de traballo sumistrada polo mesmo, estará obrigado a coidar, manter limpa e no mellor estado posible a mesma, debendo solicitar outra prenda ou prendas cando por desgaste ou accidente, esta ou estas non estean en condicións axeitadas para ser utilizadas.

O concello suministrará a cada traballador/a que así o precise, roupa de inverno e de verán, coincidindo as entregas cos meses de outubro e maio respectivamente.

Como mínimo en cada entrega de roupa de traballo, serán suministrados 2 equipos completos, a excepción do calzado, que será de 1 par.

A roupa de traballo que por accidente ou outras causas xustificadas quedase inutilizable, será sustituida inmediatamente polo concello, debendo o traballador/a entregala prenda ou prendas inservibles.

A Policía Local, terá un tratamento específico en tódolo referinte á roupa e utensilios de traballo, que en todo caso serán satisfeitos polo Concello regulamentariamente, con prestanza e de xeito suficinte para o axeitado funcionamento do servizo.

CLÁUSULAS ADICIONAIS

CLÁUSULA ADICIONAL PRIMEIRA

Este Acordo, entrará en vigor, en tódalas suas clausulas, apartados e articulado, o día 01 do mes de Xaneiro do ano 2007, independentemente da data de aprobación polo Pleno ou da súa publicación no B. O. P. ,en todo caso sempre que houbesen transcurrido os prazos legais previstos nas ordenanzas da Lei 7/ 1985 de 2 de Abril LRBRL no seu artigo 65.2.

CLÁUSULA ADICIONAL SEGUNDA

Poderá ser denunciado por calqueira das partes, tres meses antes da súa finalización de vixencia, marcada e acordada para o remate do ano 2.010, e seguirá vixente mentras non fose negociado outro.

No caso de non ser denunciado por ningunha das partes, continuará vixente plenamente en tódolo seu contido, e prorrogado por anos naturais, en tanto en canto non sexa negociado outro.

CLÁUSULA ADICIONAL TERCEIRA

Serán de aplicación a este Acordo as melloras re collidas na RPT do Concello de Tui, unha vez aprobada polo Pleno e Publicada no Diario Oficial que corresponda.

CLÁUSULA ADICIONAL CUARTA

Todas aquelas melloras normativas en materia Social, Laboral ou económica que se produzan durante a vixencia deste Acordo, serán de aplicación directa a todo o persoal do Concello e serán incorporadas como anexos o mesmo.

CLÁUSULA FINAL

Independentemente dos acordos económicos re flexados neste documento, tódalas retribucións do persoal do concello, veránse automáticamente incrementadas desde o primeiro mes de cada ano, e como mínimo, na cantidade que resulte da aplicación do I. P. C. previsto polo Goberno Central na Lei de Presupostos Xerais do Estado para os empregados/ as das Administracións Públicas.

TUI, a 2 de marzo de 2007. Polo Concello, ilexible. Polos Sindicatos, C. I. G. ,U. G. T. , CC. OO. , USOSITAP. Os Delegados de Persoal.

Vigo, a 16 de novembro de 2007. O Delgado Provincial, Pedro Borrajo Rivas.