Auto Penal Nº 169/2006, Audiencia Provincial de Pontevedra, Sección 2, Rec 35/2006 de 07 de Abril de 2006

Encabezamiento

AUD.PROVINCIAL SECCION N. 2

PONTEVEDRA

AUTO: 00169/2006

AUDIENCIA PROVINCIAL DE PONTEVEDRA

Sección núm. 2

Rolo: 35/06 P

Órgano de procedencia: VIXILANCIA PENITENCIARIA NÚM. 2 DE PONTEVEDRA

Procedemento de orixe: Expediente núm. 1043/05

AUTO NÚM. 169

Maxistrados:

Don José Juán Ramón Barreiro Prado, Presidente

Don Luciano Varela Castro

Dona Rosario Cimadevila Cea

Pontevedra, sete de abril de dous mil seis

Antecedentes

Primeiro. Por medio do auto do 22 de xuño de 2005 o Xulgado de Vixilancia Penitenciaria núm. 2 de Pontevedra desestimou a petición do interno Gregorio de redención por trabajos e o seu arquivo.

Segundo. Contra a dita resolución o interno interpuxo o recurso de reforma ante o xulgado, e conferido traslado ó Ministerio Fiscal, este presentou escrito adhiríndose ao devandito recurso. O xulgado desestimouno por medio do auto do 6 de octubre de 2005 mantendo integramente o seu contido.

Pola representación procesual do interno Gregorio formulouse recurso de apelación, ao que se adhirió o Ministerio Fiscal, remitíndose as actuacións a esta Audiencia Provincial para resolver.

Expón o parecer da Sala o maxistrado don Luciano Varela Castro.

Fundamentos

UNICO: De conformidade co disposto na disposición adicional quinta da Lei orgánica do poder judicial, os recursos contra as decisións do Xulgado de Vigilancia en materia de execución de penas son da competencia do tribunal sentenciador.

Daquela, a resolución o oito de febreiro de 2006 do Xulgado de Vigilancia, pola que se lle remiten actuacións a este Tribunal, resulta nula de pleno dereito por falta de competencia obxectiva segundo o artigo 238 da LOPX .

Xa que logo,

Fallo

Que é mester, sen entrar no cerne do recurso de apelación presentado pola representación procesual de Gregorio e a adhesión do MINISTERIO FISCAL, declarala incompetencia desta Audiencia e a nulidade da resolución do Xulgado que manda remitilo actuado a este Tribunal, declarando de oficio as custas desta instancia.

Achéguese un testemuño desta resolución ó rolo e ó procedemento, cuxo orixinal se devoverá ó xulgado de procedencia, para a súa notificación ás partes comparecidas e ó Ministerio Fiscal e para a súa eficacia e execución.

Así o acordamos, mandamos e asinamos por medio deste auto.