Auto Penal Nº 285/2009, Audiencia Provincial de Pontevedra, Sección 2, Rec 226/2009 de 06 de Julio de 2009

Encabezamiento

AUD.PROVINCIAL SECCION N. 2

PONTEVEDRA

AUTO: 00285/2009

AUDIENCIA PROVINCIAL DE PONTEVEDRA

Sección nº 002

Rolo: 0000226 /2009 P

Procedencia: JDO.1A.INST.E INSTRUCCION N.1 de CAMBADOS

Proc. de orixe: DILIGENCIAS PREVIAS PROC. ABREVIADO nº 648 /2007

APELANTE: Jose Ignacio

PROCURADOR: MARIA SUSANA TOMAS ABAL

LETRADO: JOSÉ LUIS MONTERO SENRA

ILMOS/AS SRS/AS MAXISTRADOS/AS

D. Juan Ramón Barreiro Prado, Presidente

Dª Rosario Cimadevila Cea

Dª Belén María Fernández Lago

A U T O Nº 285

Pontevedra, seis de xullo de dous mil nove

Antecedentes

Primeiro.- Na causa arriba mencionada o Xulgado de Instrución núm. 1 de Cambados ditou un auto con data do 5 de xuño de 2009 , no que se acordaba mantener a medida de prisión provisional comunicada e sen fianza de Jose Ignacio .

Segundo.- Contra o dito auto o procurador Jesús Martínez Melón, na representación de Jose Ignacio , formulou recurso de apelación, e, admitido a trámite, remitíronse as actuacións a este Tribunal para a súa resolución, sinalándose o día 2 de xullo de 2009 para a celebración da vista solicitada pola parte apelante no seu escrito de interposición de recurso.

Expón o parecer da Sala o maxistrado relator don Juan Ramón Barreiro Prado.

Fundamentos

Único.- No primeiro dos antecedentes de feito do auto do 5 de xuño de 2009 contra o que se apela reflíctese que a solicitude de liberdade de Jose Ignacio se presentou o 24 de maio do mesmo ano, antes incluso de que no Xulgado a quo se recibise o auto do 15 de maio desta mesma Sección 2ª da Audiencia Provincial de Pontevedra , pola que se confirmaba a súa situación de prisión provisional comunicada e sen fianza.

E os mesmos razoamentos que daquela empregamos subsisten a día de hoxe para denegar, sen máis, a referida solicitude de liberdade así formulada, sen máis argumentos novos que o evidente transcurso do tempo.

Xa que logo, e con expresa remisión ao xa resolto con anterioridade, cómpre rexeitarmos a apelación e confirmarmos a resolución xudicial contra a que se recorría.

Vistos os artigos de xeral e pertinente aplicación,

Fallo

Desestimar o recurso de apelación formulado pola representación procesual de Jose Ignacio , fronte o auto do 5 de xuño de 2009, ditado polo Xulgado de Instrución núm. 1 de Cambados, nas dilixencias previas núm. 648/07 , e confirmar a devandita resolución nos seus termos.

Devólvase a peza separada de situación personal ao xulgado de procedencia xunto cun testemuño da presente resolución, contra a que non cabe recurso ningún, para a súa notificación e cumprimento.

Únase un testemuño desta resolución aos autos correspondentes e ao rolo de Sala.

Así, por medio deste auto, o acordamos, mandamos e asinamos.