Auto Penal Nº 297/2009, Audiencia Provincial de Pontevedra, Sección 2, Rec 246/2009 de 14 de Julio de 2009

Encabezamiento

AUD.PROVINCIAL SECCION N. 2

PONTEVEDRA

AUTO: 00297/2009

AUDIENCIA PROVINCIAL DE PONTEVEDRA

Sección nº 002

Rolo: 0000246 /2009-M

Procedencia: JDO.1A.INST.E INSTRUCCION N.1 de CAMBADOS

Proc. de orixe: DILIGENCIAS PREVIAS PROC. ABREVIADO nº 0000648 /2007

ILMOS/AS SRS/AS MAXISTRADOS/AS

D. Juan Ramón Barreiro Prado, Presidente

Dª Rosario Cimadevila Cea

Dª Belén María Fernández Lago

A U T O Nº 297

Pontevedra, catorce de xullo de dous mil nove.

Antecedentes

Primeiro.- Na causa arriba mencionada o Xulgado de Instrución núm. 1 de Cambados ditou un auto con data do 25 de maio de 2009 , no que acorda denegar a devolución dos efectos interesados, acordando o comiso ao amparo do artigo 374 do Código Penal .

Segundo.- Contra o dito auto a defensa de don Landelino , formulo recurso de reforma, o que foi desestimado por auto do 5 de xuño de 2009 , e, admitido a trámite o recurso de apelación subsidiariamente interposto, remitíronse testemuño de particulares a este Tribunal para a súa resolución.

Expón o parecer da Sala o maxistrado relator don

Fundamentos

Único.- Cómpre manter o estado de comiso do vehículo de marca Volkswagen, modelo Golf, de matrícula .... YXL .

Certamente o vehículo se presenta baixo a titularidade dominical de Lucía -dona do recorrente Landelino -. Mais o uso daquel polo devandito apelante semella quedar fóra de toda dúbida a teor do que consta nas dilixencias que por testemuño agora se examinan e, xa que logo, que o utilizaba a organización investigada nas actividades que esta desenvolvía para o tráfico de estupefacientes.

Así as cousas, e con plena asunción do razoado na instancia, no presente estado das actuacións non procede acceder á entrega do vehículo ao apelante, ratificándose así o comiso do que foi obxecto a teor do artigo 374 do Código penal . E todo isto sen que para chegar a tal conclusión fose necesaria a celebración da vista solicitada perante esta alzada a teor do disposto no artigo 766.5 da Lei de axuizamento criminal .

Vistos os artigos de xeral e pertinente aplicación,

Fallo

Que cómpre rexeitar, como rexeitamos, o recurso de apelación interposto por don Landelino contra o auto do 25 de maio de 2009, ditado polo Xulgado de Instrución núm. 1 de Cambados, nas dilixencias previas procedemento abreviado núm. 648/07 , confirmando o devandito auto.

Devólvanselle as actuacións ao xulgado de procedencia xunto cun testemuño da presente resolución, contra a que non cabe recurso ningún, para a súa notificación e cumprimento.

Únase un testemuño desta resolución aos autos correspondentes e ao rolo de Sala.

Así, por medio deste auto, o acordamos, mandamos e asinamos.