Auto Penal Nº 422/2011, Audiencia Provincial de Pontevedra, Sección 2, Rec 213/2011 de 30 de Junio de 2011

Encabezamiento

AUD.PROVINCIAL SECCION N. 2

PONTEVEDRA

AUTO: 00422/2011

AUD.PROVINCIAL SECCION N. 2 de PONTEVEDRA

Domicilio: ROSALIA DE CASTRO NÚM. 5

Telf: 986.80.51.19

Fax: 986.80.51.14

Modelo: 662000

N.I.G.: 36060 41 2 2010 0002806

ROLO: RT APELACION AUTOS 0000213 /2011 I

Procedencia: JDO.1A.INST.E INSTRUCCION N.2 de VILAGARCIA DE AROUSA

Procedemento de orixen: DILIGENCIAS PREVIAS PROC. ABREVIADO 0000492 /2010

RECURRENTE: Caridad , Evelio

Procurador/a: Mª DOLORES GARCÍA DE LOS MOZOS

Letrado/a: ALBERTO GALLEGO RIVERA

RECURRIDO/A: MINISTERIO FISCAL FISCAL

AUTO NÚM. 422

MAXISTRADOS/AS

Ilmo. Sr. don José Juan Ramón Barreiro Prado, presidente

Ilma. Sra. dona Rosario Cimadevila Cea

Ilmo. Sr. don Celso Joaquín Montenegro Vieitez (Suplente)

Pontevedra, trinta de xuño de dous mil once

Antecedentes

Primeiro.- Na causa arriba mencionada o Xulgado de Instrución núm. 2 de Vilagarcía de Arousa ditou un auto con data do 20 de abril de 2011,no que decreta o sobresemento provisional da presente causa,procedéndose ao arquivo destas actuacións.

Segundo.- Contra o dito auto a Procuradora Sra. Mª Dolores García de los Mozos, na representación de Caridad y Evelio, formulou recurso de apelación, e, admitido a trámite, remitíronse as actuacións a este Tribunal para a súa resolución.

Expón o parecer da Sala o maxistrado relator don José Juan Ramón Barreiro Prado.

Fundamentos

Único.- Os propios apelantes Caridad e Evelio recoñecen, na denuncia que formularon e que deu orixe ás actuacións que agora examinamos, que o seu pai Evelio e a denunciada Nieves conviviron durante un tempo sen que chegasen a casar. Esa relación sentimental foi admitida pola devandita denunciada , que concretou a súa duración en once anos. Xa que logo, a equiparación que tanto a fiscala como a xuíza da instancia efectuaron da devandita relación á prevista no artigo 268.1 do Código penal amósase de todo punto acertada e ben incontestable. E se isto foi así, o feito de que a denunciada, como autorizada na conta corrente da que era titular o finado pai dos denunciantes , retirase a totalidade dos cartos ata deixar aquela a 0, co consentimento expreso, segundo ela, de Evelio, abofé que non reviste os caracteres típicos do delito de apropiación indebida previsto e penado no artigo 252 do Código penal, á marxe das accións que se poidan exercitar na vía civil.

En consecuencia , e con plena asunción do razoado e finalmente resolto na instancia, rexeitamos o recurso e confirmamos a resolución contra a que se apelaba.

Vistos os artigos de xeral e pertinente aplicación ,

Fallo

Se desestima o recurso de apelación interposto pola representación procesual de Caridad e Evelio, contra o auto ditado do 20 de abril de 2011, nas dilixencias previas proc. Abreviado 492/2010, polo Xulgado de Instrución núm. 2 de Vilagarcía de Arousa , o cal debemos confirmar e confirmamos , sen efectuar especial pronunciamento nas custas desta alzada.

Devólvanselle as actuacións ao xulgado de procedencia xunto cun testemuño da presente resolución, contra a que non cabe recurso ningún, para a súa notificación e cumprimento.

Únase un testemuño desta Resolución aos autos correspondentes e ao rolo de Sala.

Así, por medio deste auto , o acordamos, mandamos e asinamos.

O PRESIDENTE OS/AS MAGISTRADOS/AS

A SECRETARIA