Auto Penal Nº 462/2008, Audiencia Provincial de Pontevedra, Sección 2, Rec 553/2008 de 17 de Septiembre de 2008

Encabezamiento

AUD.PROVINCIAL SECCION N. 2

PONTEVEDRA

AUTO: 00462/2008

AUDIENCIA PROVINCIAL DE PONTEVEDRA

Sección nº 002

Rolo: 0000553 /2008 C

Procedencia: XJDO.1A.INST.E INSTRUCCION N.2 de LALIN

Proc. de orixe: DILIXENCIAS PREVIAS PROC. ABREVIADO nº 0000551 /2006

ILMOS/AS SRS/AS MAXISTRADOS/AS

D. Juan Ramón Barreiro Prado, Presidente

Dª Mª Mercedes Pérez Martín Esperanza

Dª Rosario Cimadevila Cea

A U T O Nº 462

Pontevedra, dezasete de setembro de dos mil oito.

Antecedentes

Primeiro.- Na causa arriba mencionada o Xulgado de Instrucción nº dos de Lalin, ditou o auto con data do 23 de Xuño , no que no que se acordaba a tramitación do procedemento polas diligencias do procedemento abreviado.

Segundo.- Contra o dito auto, na representación procesual de Justino , formulo recurso de apelación, e, admitido a trámite, remitíronse as actuacións a este Tribunal para a súa resolución.

Expón o parecer da Sala o maxistrado relator don Juan Ramón Barreiro Prado.

Fundamentos

ÚNICO.- O auto ditado o 23 de xuño de 2008 resultaba preceptivo, a teor da natureza e circunstancia dos feitos e visto o así disposto nos artigos 757 e 779.1.4ª da Lei de axuizamento criminal.

As alegacións efectuadas por Justino no recurso de apelación formulado contra aquel auto, relativas á ausencia de probas da comisión pola súa parte dun delito contra os dereitos dos traballadores do artigo 317 do Código penal , en concurso cun delito de lesións por imprudencia grave do artigo 152 do mesmo texto legal, non empecen á transformación das ata entón dilixencias previas nun procedemento abreviado. De darse tal suposto do que parte o apelante, incluso o fiscal solicitaría o sobresemento no seguinte trámite do artigo 782.1 da Lei de axuizamento criminal . E, caso contrario ( artigo 781 da LACrim ), ocasión terá o agora recorrente ( artigo 784.1 da LACrim ) para opoñerse do mesmo xeito que agora improcedentemente o facía á mera transformación procedemental.

Rexeitamos o recurso de apelación e confirmamos a resolución xudicial impugnada.

Vistos os artigos de xeral e pertinente aplicación,

Fallo

DESESTIMAR o recurso de apelación formulado por Justino , e CONFIRMAR o auto de 23 de xuño de 2008, dictado polo Xulgado de Instrucion núm. 2 de Tui, nas diligencias Previas 551/06 .

Devólvanselle as actuacións ao xulgado de procedencia xunto cun testemuño da presente resolución, contra a que non cabe recurso ningún, para a súa notificación e cumprimento.

Únase un testemuño desta resolución aos autos correspondentes e ao rolo de Sala.

Así, por medio deste auto, o acordamos, mandamos e asinamos.