Auto Penal Nº 55/2007, Audiencia Provincial de Pontevedra, Sección 2, Rec 9/2007 de 15 de Febrero de 2007

Encabezamiento

AUD.PROVINCIAL SECCION N. 2

PONTEVEDRA

AUTO: 00055/2007

AUDIENCIA PROVINCIAL DE PONTEVEDRA

Sección núm. 002

Rolo: 0000009 /2007

Procedencia: JDO.1A.INST.E INSTRUCCION N.2 de VILLAGARCIA DE AROSA

Proc. de orixe: DILIGENCIAS PREVIAS PROC. ABREVIADO nº 0000030 /2006

Maxistrados

Don José Juan Ramón Barreiro Prado, Presidente

Don Luciano Varela Castro

Dona Rosario Cimadevila Cea

AUTO NÚM. 55

Pontevedra, 15 de Febreiro de dous mil sete.

Antecedentes

Primeiro. Na causa arriba mencionada o Xulgado de Instrucción nº 2 de Vilagarcia de Arousa ditou o auto do 25.8.06 no que desestima o recurso de reforma interposto contra auto de 5.6.06 que acorda o sobreseimento e arquivo.

Segundo. Contra o dito auto o procurador CARLOS VILA CRESPO, na representación de Olga E Teodosio , formulou RECURSO de APELACION, e admitido a trámite, remitíronse as actuacións a este Tribunal para resolución do mesmo.

Expón o parecer da Sala o maxistrado relator don José Juan Ramón Barreiro Prado.

Fundamentos

ÚNICO.- Se os propios agora recorrentes en apelación Olga e Teodosio na súa querela aludían a que, por razóns de amizade e as necesidades de liquidez, voluntariamente efectuaran un préstamo de 10.000 euros ao querelado Anselmo , que este tiña que devolver o 20 de abril de 2005, non facéndoo así, por ningures se albisca onde é que se pretende residenciar o pretendido engano constitutivo do delito de estafa do artigo 248 do Código Penal . Mentres que, se ben na apropiación indebida do artigo 252 do Código Penal non se precisa o engano que se bota en falta para o amentado delito de estafa, o certo é que, a obrigación de entregar ou devolver que se require polo citado artigo 252 CP expresamente se declarou inexistente nos casos de compravenda, mutuo, permuta, doazón ou, como é o caso, préstamo ( SSTS 98/2000, do 3 de febreiro, 1311/2000, do 21 de xullo, 2333/2001, do 11 de decembro, 445/2002, do 8 de marzo, e 916/2002, do 4 de xuño, entre outras ).

Ben sinxelamente, pois, se debe rexeitar o recurso de apelación, e a adhesión ao mesmo formulada polo Ministerio Fiscal, e confirmar así o sobresemento libre das actuacións.

Vistos os artigos de xeral e pertinente aplicación.

Fallo

DESESTIMAR o recurso de apelación interposto por Olga E Teodosio e a adhesión do Ministerio Fiscal e CONFIRMAR O AUTO de data 25.8.06 dictado pola Sra. Xuiz do Xulgado de Primeira Instancia e Instrucción nº 2 de Vilagarcia de Arousa nas Dilixencias Previas 30/06.

Devólvanselle as actuacións ó xulgado de procedencia xunto cun testemuño da presente resolución, contra a que non cabe ningún recurso, para a súa notificación e cumprimento.

Únase un testemuño desta resolución ós autos correspondentes e ó rolo de Sala.

Así, por medio deste auto, o acordamos, mandamos e asinamos.