Sentencia Civil Nº 399, Audiencia Provincial de Pontevedra, Rec 330 de 16 de Octubre de 2000

A parte apelante limitou a súa impugnación a un dos motivos dos alegados para se opor á demanda. Certamente non sen escasa fortuna na súa determinación concreta. Segundo os apelantes existe un obstáculo procesual insalvábel para a estimación da demanda que describe: como a obra feita é diversa da proxectada e executada con intervención dos recorrentes, e como a demanda se funda nas fallas que presenta a obra, enténdese que no tempo da interposición, as obras diversas feitas logo do cesamento da participación dos demandados fai imposíbel a discusión sobre os defectos que teñan causa na intervención dos demandados. A argumentación non merece un custo de argumentación excesivo. Foi atinadamente rexeitada na sentencia. Pode agora reiterarse que o obxecto litixioso é o feito consistente nos defectos da obra durante e por causa da intervención dos demandados, seguido da xustificación da súa responsabilidade como tales e rematando co pedimento da indemnización, e non como reparación en especie, senón do id quod interes ou compensación económica, malia que medida esta pola avaliación das obras que aqueles defectos esixen, ou esixiron, para seren reparados. Se desestima el recurso.