Sentencia Penal Nº 10, Audiencia Provincial de Pontevedra, Rec 269 de 25 de Enero de 2000

      A sentencia apelada faille á apelante o reproche de que circulaba a velocidade non axeitada. A apelante teima na imposibilidade de evita-la colisión, dada a situación na estrada do outro coche e que se achaba á saída dunha curva, pero desta, sen tempo para reaccións e sen posibilidade de ocupa-lo outro carril polo que viñan outros coches en sentido contrario, adiantando.Pide, á fin, a condena do outro, o apelado, ou, subsidiariamente a absolución dos dous.A cuestión da velocidade.     A sentencia apelada mete entre os "feitos" probados que constitúen un "xuízo de valor" a cualificación de velocidade como "inadecuada". Tanto máis canto que logo na sentencia non se atopa fundamentación ningunha desa conclusión.O que se di na sentencia apelada é que a apelante "nada pudo hacer por evitar la colisión".   A sentencia apelada sitúa o coche do apelado invadindo parcialmente o carril da estrada polo que la a apelante.   Con independencia de que tal sinalamento non fose doado polo pouco tempo decorrido entre a detención e a colisión, o certo é que tal descrición non implica un comportamento que acade niveis de desvalor nin de reprochabilidade ao autor que leven a abeiralo na descrición típica nin na culpabilidade esixíbel polo artigo 621 do Código penal.