Sentencia Penal Nº 100, Audiencia Provincial de Pontevedra, Rec 1039 de 02 de Noviembre de 2000

PROCEDIMIENTO ABREVIADO POR ROUBO CON FORZA NAS COUSAS Os acuados forzaron a cerradura do caxetín do teléfono público apoderándose de 9075  pesetas, a cantidade sustraída foi recuperada na sua totalidade e non consta a valoracón dos desperfectos causados. Polo que resultan condenados como autores dun delito de roubo con forza nas cousas. A negación de ánimo de lucro resulta incoherente coa mesma versión do recurso no que admite que o apelante tomou o diñeiro, sen que afirmar que foi por reacción involuntaria resulta punto máis que inxenuo. Finalmente a alegación de que o acusado estaba privado de razón e vontade debido ao consumo de tóxicos sofre de orfandade probatoria. Canto a cuestión da prescrición e da nulidade de actuacións, resulta que o acusado foi escoitado na calidade de imputado. Que se decretase a liberdade sen cargos logo de o escoitar non pode senón entenderse como unha lamentábel invasión da linguaxe periodística no discurso xudicial. En calquera caso non tiña culminado o período de tres años de inactividade, polo que, como indicou a xulgadora da primeira instancia non se tiña xerada a prescrición alegada. Non se comparte a tese canto á participación do acusado de vixiar, pois resulta salientábel o mudamento de discurso da única testemuña presencial. Afirmar que o acusado vixiaba non é facer unha descrición de comportamento, senón a avaliación dun comportamento. Na medida en que en ningún momento se indica en que consistía o comportamento do acusado avaliado como de vixianza, subtráese a este tribunal, toda posibilidade de decidi-la razoabilidade desa inferencia.