Sentencia Penal Nº 110, Audiencia Provincial de Pontevedra, Rec 1052 de 17 de Noviembre de 2000

PROCEDEMENTO ABREVIADO POLO DELITO DE LESIÓNS Condénase ao acusado como autor do delito de lesións, a un ano de prisión, presentando éste recurso de apelación pretendendo que se acollan as eximentes de lexítima defensa e enfermidade psíquica, así como pedindo a rebaixa da pena por ser menor de 18 anos no momento dos feitos. Respecto as eximentes, non poden ser acollidas, pois non consta a existencia dunha agresión ilexítima por parte do agredido, o que constitúe un presuposto obrigado para o xogo da lexítima defensa, tanto na súa plenitude, como para ser apreciada como eximente incompleta, ou simple atenuante, acreditando só que houbo unha situación de disputa ou rifa mutuamente consentida. E con relación á enfermidade tampouco existe probanza bastante que demostre que no tempo dos feitos existise esa anomalía psíquica que diminuíse o entender ou querer no axente. Acóllese parcialmente o recurso referido á pena imposta na sentencia recorrida. Revisando as circunstancias concorrentes, como son a carencia de todo antecedente desfavorábel para o acusado, o pedimento de inmediatas disculpas á víctima, a escasa entidade das lesións, o estado de ansiedade e depresivo que afectaba o inculpado, e o seu recoñecemento inicial dos feitos, parece procedente rebaixa-la pena en dous graos, fixándoa en sete meses de prisión.