Sentencia Penal Nº 1127, Audiencia Provincial de Pontevedra, Rec 59 de 05 de Junio de 2000

    Téndoselles notificada a devandita sentencia ás partes, AGUSTÍN M interpuxo recurso de apelación, que foi admitido en ámbolos dous efectos. O primeiro dos pedimentos do acusado recorrente, feito de xeito principal é que se pronuncie unha sentencia absolutoria polo delicto contra da seguridade do tráfego, de conducción baixo a influencia de bebidas alcólicas, polo que foi condenado. A temeridade manifesta do acusado na formulación do recurso leva a impórmoslle as custas procesuais desta alzada.Que é mester nós rexeitarmos, e de feito rexeitámolo, o recurso de apelación formulado por Agustín M , contra da sentencia pronunciada polo Xulgado do Penal Vigo 3, na data de 1 de outubro de 1999, con expresa imposición das custas procesuais desta alzada á parte recorrente. Dedúzase polo xulgado de orixe testemuño do atestado policial, da acta do xuízo oral, redactada manualmente, e da súa transcrición a máquina, da sentencia da primeira instancia, e da sentencia que agora se pronuncia por este tribunal, remitíndoo ao xulgado decano de Vigo, para que á súa vez proceda a remtilo ao xulgado de instrucción que corresponda, por se as declaracións da testemuña, Bienvenido L , puidesen ser constitutivas de delicto. Con testemuño desta resolución, devólvanselle as actuacións ao xulgado de orixe, por quen se ha notificar recibimento.