Sentencia Penal Nº 1132, Audiencia Provincial de Pontevedra, Rec 63 de 15 de Junio de 2000

    Téndoselles notificada a devandita sentencia ás partes, CELSO L (ADHERIDO) e JAVIER R interpuxeron recurso de apelación, que foi admitido en ámbolos dous efectos. Pois ben, esa testemuña é coherente, sólida, concreta e clara en dúas esenciais afirmacións: a primeira, que foi o recorrente, Javier, quen os chamou para dicir que había uns señores interesados pola compra de viño, e a segunda, que a persoa coa que concertou a venda foi co acusado, Celso. No terceiro termo, existe a máis absoluta orfandade probatoria verbo de que o acusado recorrente dispuxese, en proveito propio ou alleo, de todo nin dalgunha parte do viño subministrado, ou o que é o mesmo, que obtivese algún lucro desa operación, vendéndoo, ou tentando vendelo, polo menos, a diferencia do outro acusado condenado, como de seguido se ha examinar. Que é mester nós acollérmo-lo recurso formulado por JAVIER R , e que é mester nós rexeitármo-la adhesión a este de Celso L , contra da sentencia pronunciada polo Xulgado do Penal Vigo 2, na data de 15 de xullo de 1999, e é mester nós absolvérmo-lo acusado JAVIER R , libremente, do delicto de estafa que o Ministerio Fiscal lle imputa, declarándose de oficio as dúas terceiras partes das custas procesuais da primeira instancia, e a totalidade desta alzada.