Sentencia Penal Nº 130, Audiencia Provincial de Pontevedra, Rec 1093 de 18 de Octubre de 1999

    Dona Rosa e don Eulogio actuaron movidos pola súa forte adicción a opiáceos, dos que son consumidores; adicción que non elimina, malia afectala, a súa capacidade de autodeterminación nin comprensión de ilictude do seu comportamento.Canto á responsabilidade civil, Eulogio G e Rosa M deberanlle indemnizar solidariamente á entidade Caixavigo a contía de 501.000 pesetas, incrementada en xuro legal.Dos devanditos delictos son criminalmente responsábeis como autor do artigo 28 o confeso don Eulogio G e como cómplice dona Rosa M, consonte co artigo 29 do Código penal; cualificación, esta, feita pola acusación e que fal improcedente calquera eventual atribución de participación máis onerosa na acusada dona Rosa.Na acusada dona Rosa, a pena inferior en grao derivada da súa participación imporase rebaixada noutro grao pola transcedencia cualificada da adicción nela, segundo deriva dos artigos 63 e 66-4º do Código penal, como, doutra banda, foi solicitado polo Ministerio Fiscal. Canto á responsabilidade civil, resulta esixíbel a don Eulogio con abeiramento no artigo 116 do Código penal e, segundo este, subsidiariamente, debe ser esixida á coacusada cómplice dona Rosa (artigo 116.2 do mesmo código). Que é mester nós condenármo-los acusados, e de feito condenámolos, don Eulogio G, como autor dun delicto de roubo con intimidación criminalmente responsábel coa agravante de reincidencia e a atenuante de adicción a tóxicos, á pena de tres años e seis meses de prisión, e a dona Rosa M, como cómplice do devandito delicto coa atenuante de adicción grave a tóxicos, á pena de un año de prisión e a que don Eulogio faga pagamento a Caixavigo da cantidade de 501.000 pesetas das que responderá subsidiriamente dona Rosa debendo ámbolos dous pagaren por metade as custas.