Sentencia Penal Nº 26, Audiencia Provincial de Pontevedra, Rec 2 de 14 de Marzo de 2000

  RAFAEL, interpuxo recurso de apelación que foi admitido. A sentencia condenatoria polo delicto de furto de uso ten que ser confirmada por existiren probas abondas, fronte ao mantido polo apelante, que destrúen o principio constitucional de presunción de inocencia. Nembargantes, acae acollérmo-lo recurso verbo do segundo delicto, de roubo con forza, en grao de tentativa, que lle é imputado, pois, téndose revisado todo o material probatorio do acto do xuízo oral, quédanlle dúbidas á Sala que non poden ser resoltas senón no senso favorábel ao acusado. Mais isto non amosa necesariamente que fosen feitos necesariamente polo imputado, e, menos aínda, que tivesen por destino o apoderamento ilícito do que é acusado. Este non é visto polos axentes xerando eses estragos, senón cando se achaba a uns cinco metros da cabina e alonxándose desta. Decláranse de oficio as custas procesuais desta alzada. Con testemuño desta resolución, devólvanselle as actuacións ao xulgado de orixe, por quen se ha notificar recibimento.