Sentencia Penal Nº 41, Audiencia Provincial de Pontevedra, Rec 12 de 25 de Abril de 2000

  Os distintos motivos de oposición á sentencia, invocados pola compañía de seguros recorrente, e pola lesionada, adherida ao recurso, rexéitanse. As limitacións funcionais ou de movemento do ombro son consecuencia de orde física, e non porque a lesionada, podendo facer mecanicamente aqueles movementos, non os faga pola dor. O recurso neste punto ten de ser rexeitado sen paliativos. A tese sostida pola lesionada tería que levar a afirmar que nos achamos igualmente ante unha débeda de valor nos danos materiais, e, pola contra, é unha práctica xudicial unámime o fixa-la indemnización neste último concepto arrincando da cantidade concretamente expresada na correspondente factura -ou doutra proba dese feito-, e non variar esa cantidade atendendo ao criterio afirmado pola lesionada.Decláranse de oficio as custas procesuais desta alzada.