Sentencia Penal Nº 59, Audiencia Provincial de Pontevedra, Rec 1036 de 14 de Noviembre de 2000

PROCEDEMENTO ABREVIADO POLO DELICTO DE TRÁFICO DE DROGAS E POSESIÓN ILÍCITA DE ARMAS Queda probado que o condenado posuía drogas nunha cantidade suficiente para considera-la comisión do delito de tráfico de drogas, así como tiña tamén no seu poder un arma sen marca de fábrica. No noso sistema procesual penal tense abandonado o sistema de proba taxada, a xurisprudencia ten fixada nunha cantidade concreta a droga que debe ser considerada destinada ao tráfego, o que non impide a coincidencia de criterios emitidos polas máximas de experiencia e o sentido común. Así, establézense unha serie de requisitos que permiten dar por razoábel a conclusión do destino ao tráfego. Os feitos son constituintes de delictos contra da saúde pública na medida en que resulta fóra de discusión a consideración das substancias ocupadas como tóxicas e a natureza de substancia gravemente danosa para a saúde. O feito atinxente ao revólver constitúe o delicto de posesión ilicita de armas. A adicción ao consumo de drogas, fóra dos casos nos que determina a enfermidade que xustifica a exención completa ou incompleta, non pode, atenua-la pena, senón cando ocorran dous requisitos: a) gravidade, b) ser funcionalmente causal do feito delictivo. Non pode dicirse que o diñeiro que lles foi ocupado aos acusados sexa procedente do tráfego polo que non pode ser imposto o seu comiso, o mesmo verbo da arma ocupada.