Sentencia Penal Nº 63, Audiencia Provincial de Pontevedra, Rec 52 de 24 de Mayo de 2000

      Tras a devandita sentencia lles ter sido notificada ás partes, EVA interpuxo recurso de apelación, que foi admitido e tramitado consonte co avindo no artigo 795.4 da Lei de axuizamento criminal. A recorrente, Eva, amosa a súa discrepancia coa sentencia pronunciada na primeira instancia no capítulo atinxente á responsabilidade civil, e concretamente en dous puntos. Polo que fai ao outro lesionado, este utilizou unha canle inadecuada para impugna-la sentencia pronunciada, como é a vía da simple adhesión ao recurso formulado pola outra lesionada. Velai, o mecanismo da adhesión non é equiparábel no eido penal, a diferencia do civil, ao recurso de apelación propiamente dito, de tal xeito que pola adhesión só cabe argumentar a prol do recurso da contraparte, mais non formular pedimentos novos e distintos dos desa parte, máxime cando esas pretensións diferentes se realizan en prexuízo do reo, como sucede neste caso, por solicitar indemnizacións maiores. Por isto o tribunal non pode entrar no exame dos motivos de fondo dese recurso.