Sentencia Penal Nº 69, Audiencia Provincial de Pontevedra, Rec 1059 de 07 de Octubre de 2000

A sentencia apelada, partindo da constatación de dúas versións contrapostas, explicita que á declaración de feitos probados se chegou a teor do consignado no atestado intruido polo subsector de Pontevedra da garda civil de tráfico, polo no plenario declarado polos axentes que elaboraron aquel documento, así como polo manifestado en idéntico momento procesual polas testemuñas. Mentres que, por outra banda, non cabe senón compartir as suspicacias que á Xulgadora a quo lle merecen o testemuño de Fernándo e María de los Ángeles, polos motivos recollidos na sentencia de instancia, e mesmo porque toda idea de invasión do ciclomotor do carril contrario polo que circulaba o turismo cómpre frontalmente descartala por incompatile coas pegadas de todo tipo deixadas por sobre o pavimento da calzada, así como coas zonas danadas d ambos móbiles, e as partes do corpo nas que maís directamente se viron afectadas as persoas que ocupaban o ciclomotor no intre mesmo da colisión e antes de comenzaren a iren de arrastro polo chan da estrada.