Sentencia Penal Nº 78, Audiencia Provincial de Pontevedra, Rec 1027 de 24 de Septiembre de 1999

A proba documental solicitada pola parte, amais de aparecer engadida ás actuacións, aínda que incompleta, é inútil para a resolución da controversia, pois, aínda na hipótese formulada polo recorrente, de que a recorrida non vivise na casa alugada, isto non lle daría dereito a impedírlle a esta o acceso ao lugar controvertido, de tal xeito que se así o fixese, non quedaría exonerado de responsabilidade polo delicto de coaccións, de igual xeito que incorrería nesa responsabilidade se impedise o acceso á vivenda propiamente dita.No primeiro termo, soster que o contrato de aluguer non insería o lugar discutido é unha invocación tan lexítima, como inveraz e desleal. Tamén para isto abondaría con lembrarmos que as rendas a percibir pola parte alugadora están embargadas ás resultas civís da grave causa penal.O rexeitamento do recurso, e a temeridade do recorrente na súa formulación con nidios fins dilatorios, leva a impórmoslle as custas procesuais desta alzada, inseridas as da acusación particular.