Sentencia Penal Nº 9, Audiencia Provincial de Pontevedra, Rec 1077 de 02 de Febrero de 2000

      Acéptanse os feitos probados da sentencia contra a que se recorre. O recurso ten de ser rexeitado sen necesidade de especiais consideracións.Debéndose, á fin, puntualizar: A) Que é un nidio erro material a designación doutros apelidos distintos aos do acusado nun dos boletos do resultado da alcolemia. A hora, data, nome do acusado, data de nacemento, e, á fin, tódalas circunstancias indicar que non hai máis ca unha equivocación do axente policial sen a transcendencia que a parte lle pretende dar. B) Que non serían necesarias para unha pronuncia condenatoria as probas de alcolemia, sendo abondas as restantes probas para levar á mesma conclusión condenatoria. As custas procesuais desta alzada imporánselle ao recorrente pola súa temeridade e clara finalidade dilatoria na formulación do recurso. Que é mester nós rexeitarmos, e de feito rexeitámolo, o recurso de apelación movido por JUAN JOSE , contra da sentencia pronunciada polo Xulgado do Penal Vigo 2, na data de 25 de maio do año 1999, con expresa imposición das custas procesuais desta alzada á parte recorrente.