Sentencia Social 35/2024 Juzgado de lo Social de Vigo nº 6, Rec. 771/2023 de 26 de enero del 2024

PRIMEIRO.- Consonte o contido do artigo 97.2 da Lei Reguladora da Xurisdición Social, os anteriores feitos probados resultan do meu exame e valoración da proba que foi practicada no acto do xuízo, conforme ás regras da san e imparcial crítica, efectuada en relación con cada un dos medios de proba e, fundamentalmente, da proba documental achegada por ambas partes.

Compre termos en conta que non se impugnaron os documentos achegados, coa consecuencia que para esta circunstancia determinan os artigos 319 e 326 da Lei de Axuízamento civil.

SEGUNDO.- Para a resolución da controversia de que tratamos debemos ter en conta que a traballadora pretende que se lle recoñeza o seu dereito a prestar os servizos á demandada dous días á semana no réxime de teletraballo.

Compre advertirmos que oteletraballo no eido das Administracións Públicas ven regulado polo contido do artigo 47 bis do Real Decreto lexislativo 5/2015 polo que se aproba otexto refundido da Lei do Estatuto Básico do Empregado Público, precepto que dispón:

"1. Se considera teletrabajo aquella modalidad de prestación de servicios a distancia en la que el contenido competencial del puesto de trabajo puede desarrollarse, siempre que las necesidades del servicio lo permitan, fuera de las dependencias de la Administración, mediante el uso de tecnologías de la información y comunicación.

2. La prestación del servicio mediante teletrabajo habrá de ser expresamente autorizada y será compatible con la modalidad presencial. En todo caso, tendrá carácter voluntario y reversible salvo en supuestos excepcionales debidamente justificados. Se realizará en los términos de las normas que se dicten en desarrollo de este Estatuto, que serán objeto de negociación colectiva en el ámbito correspondiente y contemplarán criterios objetivos en el acceso a esta modalidad de prestación de servicio.

El teletrabajo deberá contribuir a una mejor organización del trabajo a través de la identificación de objetivos y la evaluación de su cumplimiento.

3. El personal que preste sus servicios mediante teletrabajo tendrá los mismos deberes y derechos, individuales y colectivos, recogidos en el presente Estatuto que el resto del personal que preste sus servicios en modalidad presencial, incluyendo la normativa de prevención de riesgos laborales que resulte aplicable, salvo aquellos que sean inherentes a la realización de la prestación del servicio de manera presencial.

4. La Administración proporcionará y mantendrá a las personas que trabajen en esta modalidad, los medios tecnológicos necesarios para su actividad.

5. El personal laboral al servicio de las Administraciones Públicas se regirá, en materia de teletrabajo, por lo previsto en el presente Estatuto y por sus normas de desarrollo".

No presente procedemento non é obxecto de controversia que a Universidade de Vigo éunha Administración Pública, o que resulta evidente, polo que non lle é aplicable, polo tanto, o réxime establecido no Estatuto dos Traballadores, senón ó determinado polo EBEP e polas súas normas de desenvolvemento, tal coma se desprende con claridade do contido do punto nº 5 do artigo que analizamos.

A este respecto compre advertirmos que a remisión ás normas de desenvolvemento do EBEP implica a vinculación da normativa atinxente ó teletraballo á negociación colectiva no eido das Administracións Públicas, tal coma se desprende do contido do artigo 47 bis.2 do que tratamos ( sentenza da Audiencia Nacional do 15/02/2023).

A traballadora alude na súa demanda á aplicación do artigo 34.8 do Estatuto dos Traballadores, pero é que xa acadamos a conclusión de que, en materia de teletraballo, tal precepto non lle é de aplicación porque se trata de persoal laboral dunha Administración Publica e, polo tanto, nesta matería debemos estar ó contido do devandito artigo 47 bis do EBEP e ó contido das normas resultantes da negociación colectiva que configuren tal réxime de prestación de servizos, normas consonte ás que se debe configurar o réxime desta prestación de servizos.

O convenio colectivo de aplicación non prevé a prestación de servizos na modalidade de teletraballo e, a falta dunha norma colectiva que desenvolva no eido da Universidade de Vigo o teletraballo e configure as condicións e requisitos da prestación do mesmo, a traballadora demandante non ten dereito a esixir que se lle recoñeza tal posibilidade.

Esta conclusión implica a desestimación da pretensión principal. A desestimación da pretensión principal implica a desestimación da pretensión de indemnización polos eventuais danos morais padecidos porque a traballadora non goza do dereito que reclamaba.

Compre desestimarmos a demanda.

TERCEIRO.- Contra a presente resolución, á vista do contido do artigo 139 da lei Reguladora da Xurisdición Social e da contía da indemnización reclamada, cabe interpor recurso de suplicación.

DAQUELA